الحمد لله وصلت تايلند

[ahmed3]

االسلام عليكم ورحمة الله وبركاته

بفضل الله وصلنا بالسلامه لبانكوك ومقتطفات بسيطه عن البلاد

- مطر وبارج ومرعد بشكل متواصل وكثيف وزين منه الطيار رام ينزلها
- المطار وايد يحتاي مشي
- بسرعه خلصنا الاجراءات
- برع لقينا مكتب خذنا منهم ميني باص ب 1200 بات عاد ما ادري السعر زين او لا
- السكن الحمد لله وايد روعه وفنان - شقق الماريوت الفندقيه نظيف والمطبخ كل شي فيه من معدات الطبخ بس اشتري اللي بتطبخه واطبخه
- الموظفين وايد طيبين ومساعدين
- سبرماركت فيلا عدال يدار الماريوت يعني بس اطلع والف يمين القاها وكل شي فيها
- وبعدني ما شفت لبلاد لانا وصلنا ليل
- وبس

سؤال : وين احسن صراف عندي دولارات وابا احولهن تايلندي


ان شاء الله تتيسر امورنا كلها واسال الله ان يحفظنا بحفظه

نسيت شي مهم واااايد الكل يسال عنه ( الشطاااااااف ) موجود فلو تضمونه لقائمة الفنادق او الشقق التي تحتوي على اهم شي في بلاد الاجانب وهو الشطاااااف

نراكم على خير
- *

مواضيع عشوائيه ممكن تكون تعجبك اخترناها لك:

• اراءكم لحجز فندق في بوكيت
• كيف الجو في سوريا الآن ؟؟
• ممكن تدلوني على الشام ؟
• شقق فريزر في بانكوك للي سكن في هالفندق اتمنى يدخل
• السلام عليكم يا اخوان انتظر مساعدتكم جواز سفري ألماني
• رحلتى الى أرض الأبتسامه ولـ بوكيت نصيب الاسد
• تايلند ليالي العسل
• اسئل عن اسعار الصرف في الجمرك وفي وسط المدينه
• اريد معلومات عن فيزا تايلند ضروري
• مسافر الو مرة وابي العون
• ابيك معلومات مهمة
• ثلج ثلج زخات خير وثلج ومنخفض محملا بالابيض الهفهاف الخميس
• الحلبيون يلقشون لهجتهم لتمييز الدخلاء
• سفرتي يوم والفيزا يوم أحد مر عليه هالشيء
• لو تكرمنوا
• مركز الحديثة عاجل
• استفتاء ما الافضل والاجمل كسب ام صلنفه
• سؤال عن فندق الفورسيزن إيجار السيارات
• غندي جم استفسار من الاخوان
• استفسار للسعوديين

[ahmed1]

الحمد لله علي السلامه

بارك الله فيك

وان شاء الله تستانسون وترجعون بالسلامه


الله يعينكم

[ahmed3]

نتمنى لكم سفرة سعيدة والنجاح في جميع نشاطتكم .

[ahmed2]

ماجور اخويه العصيمي احتسب الاجر ترى مرات من الاستعجال ننسى / واليوم بس قريت اسمكم عدل انه العصيمي مب القصيمي
اخويه مالك ابو خالد يزاك الله خير على الدعاء ولكم بالمثل
اخويه السويدي انا كاتبه بو داوود واسميه بن داوود يذكرني باسواق بن داوود في مكه
والمكان الحمد لله غاوي ومرتاحين واما عن انه بيقصون علينا الا بيقصون ونص يوم الواحد بروحه او ثنينه ممكن يدور تكسي على هواه لكن اذا اكثر وعندك حد عود تحتجل ولو كم يبا بتعطيه
واما السكاي فما بترومله امايه الا جان بهرب انا واخويه
وكنت بسالك عن الجبله في فندقنا لكن لقيناها اخيرا- اكيد بتقول اسئله بجاوب عليها لكن اكون بوصله بعد
ومكثور الخير وما قصرت وكون على اهبة الاستعداد في اي لحظه ممكن تشوف سؤال وعاد الله يعين اخونا العصيمي علي نقل الاسئله الى مكانها المناسب

*

[ahmed3]

ابشر اخويه ان شاء الله باجر بصوره لك - والسوبرماركت الصراحه نظيفه جنها جمعياتنا

[ahmed3]

عليييييييييييييكم بالعافيه ياى الغاليه الشقه بكم ماخذينها وكم غرفه فيها وانتي بالضبط وين اللي خلف شارع العرب قبال الصرفشسمه ياربي الاصفر
وبشريني كم صرف 100 دولار

[ahmed3]

ربي يعافيك اختي- شقه بثلاث غرف ومطبخ كل شي فيه وفيهن تكرمين حمامين ب10000 درهم
وما ادري بالضبط بالمكان وصلنا في الليل واشوف من غرفتي مجابلني اظن فريزر وهن اسمهن بالضبط marriot executive apartments myfair
عدالنا سوبرماركت فيلا ويمكن ورانا شارع العرب ما ادري- ان كان اخونا السويدي موجود اتمنى ينعتج=يدليج عدل بالمكان
عنوانه
60soi lang suan lumpini pathumwan
وانا صارفه من لبلاد بعدني ما شفت كم عندهم

سامحيني ما جاوبت لج على شي لو اعرف ما بقصر فيك لكن ان عرفت شي بخبرج على طول
والسموحه

[ahmed2]

يعطيك العافيه

وننتظر ردتكم بالسلامه

ونبي منك تقرير حلو

وتدربي في هذا المكان علي الكتابه والاجابه

[ahmed2]

الحمدلله على سلامتج وسلامة الاهل .
اختى اليوم السويدى منزل شىء عجيب وفى قمة الروعة عن المكان الى انتى فيه ماشاء الله عليه لا خلا زنقة زنقة ولا شارع شارع ولا كوفى كوفى رهيب يالسويدى مرى عليه وشوفيه فى قسم الاستفسارات بتلقين مكتوب استفسار عن هوليدى ان فوكيت بواسطة الفلاسية .
اما اخوى الرفاع الشرقاوى بتحصل صورة السوبرماركت مصورنه السويدى الله يعطيه العافية .
دمتم بود ,,,, ام جمال

[ahmedgaper]

لازم اخويه تنتظر ردتنا عشان ترتاح من تحويل الاسئله
والابتسامه اللي حاطنها امره شرات ابتسامة التايلندي اللي ختملي الجواز- يقولي وليش من الصبح يالسه ما ييتي عندي تختمين الجواز قلت له بس اتريا امايه اول تخلص بعدين انا ويختملي الجواز من ورا خاطره واللي يقول عنده ست وستين ادمي وهو محد عنده موليه لابسلي دريس شرطه ويالس هو وكيمرته

ربي يوفقكم اخويه القصيمي وينفع بكم ويعطيكم طولة البارظ


*

[ahmedgaper]

يزاج الله خير ام جمال شفت التقرير وعيبني خاصة الفندق بو البلكونات اللي انتي تسالين عنه الهوليدي ان اشوفه فنان- وشكل فريجنا غاوي لكن يباله استكشاف عشان اعرف الشرق من الغرب - الحين اتعرفت على فيلا ان شاء الله من اصبح بشوف شو بتعرف عليه من الاماكن

ربي يسهل امرج وتحجزين في افضل مكان لكن ما اوصيك من تلقين مكان استخيري عليه وربي بيسهله ان كان خير

*

[ahmed1]

تحصلينها انشالله في السوبرماركت وانصحج بشركة ون تو كول

[ahmed3]

اخي ابراهيم السبيعي جزاكم الله خير على دعائكم

[ahmed2]

السلام عليكم ورحمة الله وبركاته

1- افضل انواع
- ماي الشرب
- الروب=الزبادي
- البيض

[ahmed3]

ابا رقم سواق ميني باص حق خمس اشخاص
اتصلت ب:
نضال و داوود وعلي والاشعري كلهم اتصل والارقام مشغوله
0066 وبدين الرقم بدون صفر صح

الفندق بيوفرلي تاكسي لسبع اشخاص الساعه ب300بات فهل السعر زين؟

[ahmed1]

الحمد لله علي سلامة الوصول و تردون بألف سلامة و زيارة سعيدة اتمناها لكم , الله يحفظكم "

[ahmedali]

ان شاء الله تستانسون ف سفرتكم وترجعون بالسلامة

[ahmedgaper]

وعليكم السلام ورحمة الله ..


الماي انواعه وايد وماضنتي في شركه احسن من شركه كلهم ماي لكن يختلف في المنبع او المنقى ..

اما الروب هو مب مثل اللي عندنا , جربت كم شركه وكلهم فيهم طعم شكر خفيف يعني بتستغربين من الطعم بس بعدين بتعودين عليه ..

البيض في شركات كثيره , وفي بعض البيض اللي فيه ريحه سمج الله يعينج اذا اخترتيه , لكن في نوع في فيلا ماركت كاتبين بدون ريحه وانه جودته عاليه عاد انتي اقري قبل لا تختارين ..


والباص انا مانصحج في بوداود وربعه اللي في شارع العرب , يعني سألي شركات الايجار وكم تأجر الميني باص في اليوم وجوفوا السعر الافضل .. مع اني افضل التكاسي ارخص واريح وتحصلينها في كل مكان ..

وتحصلون اكثر من باص واقف بعد محل فريده علي في سفن الفن القريبه من فندق اماري بوليفارد وسأليهم عن اسعارهم ..

http://classifieds.thaivisa.com/auto...vip-21178.html

هاي حصلته بس مادري اذا السعر غالي او لا , كاتب سعره 1800 لليوم واتوقع حق 12 ساعه وكل شي عليه المواقف + البترول لكن فقط داخل بانكوك ..

[ahmed2]

يزاك الله خير
الماي خذت نستله قلت ماركه معروفه
البيض خذت بو خمس حبات وشفت اعلى سعر وخذته لون الكرتون برتقالي واخضر وجربه اخويه يقول غاوي ما فيه ريحه

المواصلات لقيت واحد تحت فندقنا قال ثلاث ساعات ب500بات وفان يكفينا خمس اشخاص
لكن شفت موقعك والسياره شكلها ارخص ويوم كامل بالف وثمانميه احسبه واايد زين - يعني بيكون يالس عندنا لو ما عندنا شغله

يزاك الله خير بسويلهم وبشوفهم
الله ايسر امورك كلها شرات ما الله سخرت لتيسير امور العباد

[ahmedali]

تعرفت على سواق مسلم محترم وخدوم إسمه زكريا ( أبومبارك ) عنده باص مكيف ونظيف ويقوم بحجز المزارات السياحية وترتيب الرحلات الجوية دولية ومحلية ما شاء الله عليه بتاع كله ومايقصر بشي وهذا رقم جواله 0813114190 وإن شاء الله تعالى يطون على حسب طلبكم

[ahmed2]

يزاك الله خير اخويه قبل شوي مريت سفن الفن واشتريت عنده البطايق ون تو كول

[ahmedgaper]

اخويه السويدي وين بلقى كيمره ديجيتال وصغيره وسعرها زين ---- ضروري

[ahmedgaper]

يزاك الله خير اخويه الهدار ما قصرت
واخويه محمد مشكور ويزاك الله خير ونتمنى تكون رحله سعيده

[ahmed1]

المشاركة الأصلية كتبت بواسطة فلاسه
http://www.arabtravelersforum.com/tr...0/#post5414890

اخويه السويدي وين بلقى كيمره ديجيتال وصغيره وسعرها زين ---- ضروري



في اي سوبرماركت BIG C تحصلو عندهم كل الي تبونه مثل اللي عندنا بنده و لولو وغيرها
او اذا تدورو شي احترافي و كمبيوترات واشياء الكترونيه
في بانتيب بلازا مجمع كبير متعدد الطوابق فيه كل مايتعلق بالكمبيوتر و خلافه


ومكانه جنب بلاتنيوم مول قبل السفاره الاندونيسيه بنفس الشارع
وقريب جداً من مجمع سنترال وورد يعني تاخذوها له مشي

[ahmedali]

يزاك الله خير اخويه محمد على المعلومات- وعن السوبرماركت وبسالك عن مول بلاتينيوم هل هو نفسه فاشن مول ووين مكانه عن فندقنا الماريوت مايفير- مخبريني ان هالمول حلو وفيه ملابس نسائيه حلوه فهل تمدحه لي او انه فيه مولات غير تبيع ملابس احسن منه

يزاك الله خير

[ahmedgaper]

اخويه السويدي يزاك الله خير وبسالك لما اطلع من فندقنا والف يسار وامشي شوي خلاف الف يمين شفت مول اسمه سنترال فهل هو نفسه سنترال وورلد؟

*

[ahmed1]

هديت الاسئله يوم واحد ورديت مره ثانيه

الحمد لله نتايجنا كلها زينه فحبيت اودي اميه واللي ويايه مكان حلو ولو يبعد ساعه عن فندقنا
المكان اباه مريح ولو منتجع فيه مناطق خضرا وبحر حلو، اي مكان مافيه زحمه وازعاج وبنسير من الصبح ونرد في الليل

فوين تنصحوني

[ahmedali]

المشاركة الأصلية كتبت بواسطة فلاسه
http://www.arabtravelersforum.com/tr...8/#post5428218

هديت الاسئله يوم واحد ورديت مره ثانيه

الحمد لله نتايجنا كلها زينه فحبيت اودي اميه واللي ويايه مكان حلو ولو يبعد ساعه عن فندقنا
المكان اباه مريح ولو منتجع فيه مناطق خضرا وبحر حلو، اي مكان مافيه زحمه وازعاج وبنسير من الصبح ونرد في الليل

فوين تنصحوني



اطلعو رحله لبتايا روحوها الصباح و ردو المغربيات من بانكوك الى بتايا حدود ساعتين تاخذ الطريق
في رحلات بحريه للجزر في بتايا من الساعه 8 الصباح و ترد الساعه 5 العصر
كل قارب يطلع فيه 4 او 5 بحد اقصى يعني تطلعو بقارب لوحدكم ينزلوكم 3 جزر و كل وحده اروع واحلى واهدى من الثانيه
و سعر الشخص 1800 بات

او شوفو عند الاستقبال بالفندق اكيد عندهم رحلات سياحيه منظمه ممكن تختارو اللي يناسبكم
او اي مكتب او كشك سياحي تشوفوه حولكم
كلهم يكون عندهم كاتلوجات فيه انواع الرحلات السياحيه اللي تناسب جميع الاذواق

وبالتوفيق،،،،،،

[ahmedali]

المشاركة الأصلية كتبت بواسطة فلاسه
http://www.arabtravelersforum.com/tr...4/#post5428154

اخويه السويدي يزاك الله خير وبسالك لما اطلع من فندقنا والف يسار وامشي شوي خلاف الف يمين شفت مول اسمه سنترال فهل هو نفسه سنترال وورلد؟

*



هلا اختي فلاسه .. اول شي الحمدالله على النتايج والله يخلي اميمتكم لكم ..

ورجعنا للاستفسار هاي مجمع سنرتال جادلوم ( المجمع جميل وانصح فيه ), وجفتي هالتقاطع لو خذتيه يسار ومشيتي شوي بتجوفين سنترال ورلد ( مجمع كبير لكن تضرر من الاحداث اللي حصلت قبل سنه وتم حرقه ولين احين مافتتح كله لكن جزء كبير جدا مفتوح ) على يمينج .. ولو ودج بـ ماركات عليج بـ سيام بباراقون ..

واذا كملتي مشي بتجوفين مجمع سيام باراقون + سيام سنتر + سيام دسكفري وكلهم ورى بعض على يدج اليمين ومقابل سيام دسكفري بتحصلين الـ ام بي كي وتوكيو ..

يعني من سنترال جادلوم لين سنترال ورلد ماياخذ منج 5 دقايق وقريب منه لكن اذا ودج تروحين مجمعات سيام ركبي السكاي ترين اللي عند مجمع سنترال وهي محطه جيت لوم وروحي محطه سيام يمكن يطلع عليج التكت 15 بات ومحطه وحده اذا وصل القطار ياخذ اقل من دقيقه ويوصل اما مشي فـ 10 دقايق ومع هالجو كلش مانصح فيه ..

واخوي ولد البحرين حاط موضوع عن استخدام السكاي ترين وهو سهل جدا ..







المشاركة الأصلية كتبت بواسطة فلاسه
http://www.arabtravelersforum.com/tr...8/#post5428218

هديت الاسئله يوم واحد ورديت مره ثانيه

الحمد لله نتايجنا كلها زينه فحبيت اودي اميه واللي ويايه مكان حلو ولو يبعد ساعه عن فندقنا
المكان اباه مريح ولو منتجع فيه مناطق خضرا وبحر حلو، اي مكان مافيه زحمه وازعاج وبنسير من الصبح ونرد في الليل

فوين تنصحوني



والله ماعندي اي فكره , لكن في منتجعات حلوه في بتايا وبتايا مب بعيده عن بانكوك مشوار 1 وشي تقريبا يعني تقدرون تروحون وترجعون في نفس اليوم ..

وان شاء الله الاخوان مابيقصرون معاج وبيفيدونج اكثر مني ..


وبشري شلون السفر معاكم , وشخبار المواصلات ؟

[ahmed3]

اخويه السويدي ربي يعافيك ومكثور الخير ما قصرت- توني امره يايه من سنترال جادلوم هو حلو لكن جني في مردف سيتي سنتر
ابا شي مب موجود عندنا في لبلاد ...
وانا لو ودي بسير مشي يعيبني اكتشف لكن الجماعه اللي ويايه ما يبون مشي يا التكسي او التك تك طبعا بدون امايه ربي يطول عمرها امايه ما اداني تطلع هالاماكن
واما عن السفره فلا باس الى الان.... واحاول ادون في اوراقي يومياتنا ان كان شي يستاهل يدون
واما عن المواصلات فالمقصه علينا ابيزه ما ادري يكسرون خاطري تونا يايين من سنترال لين الفندق بالتكتك 60 بات والمشكله هم ما يعرفون وايد الفندق لكن من الحين بكتب العنوان في ورقه وبفك راسي من صدعتهم

شو رايك هل يناسب اليوم انسير عقب شوي ام بي كي بالتكسي او اليوم زحمه والحراميه شادين حيلهم في الويكئند

زيغتني راعية الفندق قالت الشنط حطوهن جدامكم ترا بيشعطونهن بالسجين- السالفه فيها سجاجين تونا يايين من المستشفى والفحوصات ما فينا على السجاجين

اتريا ردك ان انسير ولا لا--
*

[ahmedgaper]

المشاركة الأصلية كتبت بواسطة فلاسه
http://www.arabtravelersforum.com/tr...2/#post5429942

اخويه السويدي ربي يعافيك ومكثور الخير ما قصرت- توني امره يايه من سنترال جادلوم هو حلو لكن جني في مردف سيتي سنتر
ابا شي مب موجود عندنا في لبلاد ...
وانا لو ودي بسير مشي يعيبني اكتشف لكن الجماعه اللي ويايه ما يبون مشي يا التكسي او التك تك طبعا بدون امايه ربي يطول عمرها امايه ما اداني تطلع هالاماكن
واما عن السفره فلا باس الى الان.... واحاول ادون في اوراقي يومياتنا ان كان شي يستاهل يدون
واما عن المواصلات فالمقصه علينا ابيزه ما ادري يكسرون خاطري تونا يايين من سنترال لين الفندق بالتكتك 60 بات والمشكله هم ما يعرفون وايد الفندق لكن من الحين بكتب العنوان في ورقه وبفك راسي من صدعتهم

شو رايك هل يناسب اليوم انسير عقب شوي ام بي كي بالتكسي او اليوم زحمه والحراميه شادين حيلهم في الويكئند

زيغتني راعية الفندق قالت الشنط حطوهن جدامكم ترا بيشعطونهن بالسجين- السالفه فيها سجاجين تونا يايين من المستشفى والفحوصات ما فينا على السجاجين

اتريا ردك ان انسير ولا لا--
*



اذا تبين شي مب موجود في البلاد عليج بالماركات التايلنيده , عندهم منتجات غريبه ..
ههه الحال من بعضه , انا كل ما امشي ولا نروح بالسكاي ترين يتحلطمون علي ويقولون التاكسي رخيص لكن مادري احس في وناسه اكثر اذا مشيت او ركبت السكاي ترين احس نفسي صج رحت مكان غير اللي عندنا ..
ههه 60 بات وايد لكن اهون من اللي يعطون 100 - 200 بات , لكن انتوا لي جفتوا واحد قالكم سعر كبير جوفوا غيره , وبخصوص العنوان ماعندج بطاقه الفندق ( المفتاح اللي يفتح الباب ) لان العنوان يكون موجود وره هالبطاقه ..


هو زحمه وتقدرون تروحون له بكره او اي يوم ثاني .. احسن وقت عشان تروحين له هو الساعه 3 العصر يعني تقولين 4 انتوا خلاص في السوق وتقريبا الساعه 8 يسكرون اغلب المحلات والساعه 10 كلهم يسكرون ..

لكن بكره ضروري تروحين جاتوجاك ( الويكند ماركت / السنداي ماركت ) لان هالسوق غير وفيه اغراض واااايد حلوه وهو مايفتح الا في الاجازه يعني السبت والاحد وماعندكم فرصه تروحون له الى بكره ..

اذا تبون تروحون الساعه 11 لان بتجوفينهم توهم فاتحين والله يعينج على الزحمه بس سوق حلو , واذا بتروحون بـ تاكسي تقريبا يطلع السعر 80 - 90 بات او تبين تستخدمين السكاي ترين اقدر افيدج لانه جدا سهل وبيوصلج بالضبط عن السوق وبيرجعج بعد بسهوله ..

[alifun]

النقطه الحمره هي المحطه اللي موجوده يم السنترال والنقطه السوده هي محطت السوق ( الجاتوجاك ) وهي اخر محطه ..

انتي لي رحتي المحطه بتجوفين هالخريطه كلها جدامج لكن كل محطه حاطين عليها رقم والارقام بتكون من 1 - 10 تجوفين المحطه اللي بتنزلين فيها اي رقم بعدها ..



1- اختاري الرقم الموجود على المحطه اتوقع بيكون 6

2- تحطين المبلغ المطلوب وفي مكتب عشان تخردين الفلوس

3- بتطلع لج التذكره لا تنسين تحتفظين فيها لانها تذكره للدخول والخروج من القطار

4- هاي اذا بقت لج خرده متبقيه

كل اصور مأخوذه من موضوع اخوي ولد البحرين وفيه معلومات كثيره ..


بعد ماتاخذين التذكره بكون في قطارين يمينج ويسارج وبتكون في لافتات :

1- متجه on nut

2- متجه mo chit

واكيد اختاري مو جت لان هاي وجهتج , وفي القطار بتسمعينهم يقولون وصلنا اي محطه لين ماتوصلين محطتج ولازم بتنزلين لانها اصلا اخر محطه ..

وفي العوده بتركبينه لين ماتوصلين محطتج لا تسرحون وتطوفون محطتكم ههه ..

هاي شرح بسيط وان شاء الله تروحين هالسوق اللي يستاهل ..

واذا عن عوار الراس اخذوا تاكسي واذا ياب لكم طاري الهاوي وي تره مبلغ الهاي وي 35 بات - 45 بات ..

[ahmedgaper]

مبلاي خا , ههه قمنا نرطن معاهم ..

اي 60 وايد , يعني حق تكتك 30 ووايد عليه لانه ارخص من التكسي ..

يه الساعه 11 الظهر السوق يفتح في هالساعه لكن تقدرون تروحون له الساعه 1 اضن يتم مفتوح لين 6 المغرب لكنه سوق حلو وكل شي تبينه موجود فيه , واذا تاكسي قولي له ساندي ماركت او جات تو جاك وهو يفهم واذا قالكم بوديكم مني مناك قولوا له ودنا بس طيحوا نص السعر لانه ياخذ قسايم اذا وداكم .. وعن الروحه بروحكم انا اقول عادي بس هناك بيشتغل النصب عليكم وماتدرين اختي شيصير اذا مب اخوج معاج عشان يعرف شيتصرف معاهم ..

عشان افهمج اكثر في محل ذهب على نفس الطريق واذا قال لكم بوديكم هالمحل اذا كان اتفاقكم معاه 80 ولا 100 بات قولوا له نوديك بس تنطرنا ونكمل وبس تاخذ 40 او 50 لانه اوردي ياخذ عمولته منهم لانه ياب سياح لهم ..


لا وانتي الصاجه هم اللي مايفهمون كلش , وصعب عليهم الفهم بلهجتنا او الانجليزيه .. وشتبون في النانا سكوير ؟

ههه لا تخافين منهم مايدقون سلف ذيله بس اشكال على الفاضي ولا حزه الصج التايلنديين ما يلاعبونهم ..



الله يحفظكم ان شاء الله , وتخلصون هـ الاسواق بخير وترجعون البلاد سالمين غانمين ..

[alifun]

ياسلام على سندي ماركت وااايد استانست عليه لكن ما خلونا انكمل ردينا لان اليوم حر وشوي شمس
حلوه اغراضهم متنوعه واسعارهم زينه
تجربه حلوه لكن كان ودي ايلس زياده

وسرنا الجمز جالاري للالماس والذهب والفضه الالماس روووعه ووايد نظيف واما الفضه فتشكيله شويه مب وايد' احلى شي الالماس عاد انا ما تي عيني الا على قوم بو ثلاثين الف درهم وساير

يزاك الله خير على دلالتي للسندي ماركت

[ahmed2]

سفرتنا هالخميس فهل يفضل انا نشحن مشارينا او ناخذهن ويانا؟
واذا نشحن ما هو افضل واامن مكتب للشحن وقريب؟ وكم تكاليفهم

وهل 3 شنط كبار اضافه على شنطنا الاساسيات وهن 5 بيزيد من رسوم الشحن ان خذناهن المطار؟ ونحن ماخذين في طيران الامارات البيزنس


انتظر الرد ضروري الله يرضى عليكم

[alifun]

البزنس اعتقد يعطون 40 كيلو للتذكرة الوحده . شوفي كم شخص انتو وحسبيها اذا تكفي او لا .
اذا الزياده اكثر من 10 كيلو شحنوهم احسنلكم .

تحياتي

[ahmed3]

يزاك الله خير اخويه-- عاد الحين كيف اعرف انهن ازيد من اربعين او لا
وهل تعرف مكتب ثقه في بانكوك
والعشره الزياده على كل اربعين او عليهن كلهن
ربي يسهل امرك

[ahmed3]

حمدلله على السلامة

نسيت شي مهم واااايد الكل يسال عنه ( الشطاااااااف ) موجود




ترجعون بالسلامة يالغلا

كل الود

[ahmedgaper]

شوفي فندقكم بالحمام وانتي بكرامه يمكن فيه ميزان انا كله اسوي جذي اوزن الجنطه قبل لاروح المطار عشان ماتوهق .
العشره قصدي على مجموع الوزن الكلي لان اكثر من عشره كيلو بيطلع مبلغ كبير لكن اذا اقل يطلع مبلغ بسيط انشالله .
بالنسبة للمكاتب والله شخصيا ماجربت ولا مكتب لكن يمدحون مكتب موسى البانكوكي الكل يتعامل معاه بس لاتنسين انج تمرين على اكثر من مكتب عشان تشوفين فرق السعر .

تحياتي

[ahmedali]

يزاك الله خير ما قصرت-- وما عندهم ميزان لكن بسال الرسبشن وان شاء الله ما يكون علينا وزن زايد

الله يوفقك لكل خير ويرضى عليك

[ahmed3]

ساعات ونغادر تايلند، اسال الله ان يحفظنا وييسر امورنا

مطر اليوم كان روعه وغزير واصبحنا والشمس تشرق بلطافه فلله الحمد والمنه

اسال الله ان يجزي خيرا كل من ساعدني ونصحني واشار علي واساله ان يحفظكم جميع في حلكم وترحالكم وان ييسر اموركم و يجعلكم من المباركين وان يسعدكم في الدارين وان يرضى عنكم

سامحونا على المغثه وكثرة الاسئله
استودعكم الله الذي لا تضيع ودائعه

ان شاء الله اراكم لاحقا في تقرير صغيرون عن رحلتي لتايلند

والسلام عليكم ورحمة الله وبركاته