السلام عليكم ورحمة الله وبركاته
اليوم موضوعنا عن طائرات ايزي جت
وهي احد الشركات التي تسمح للمسافرين التنقل في اوربا بأسعار رخيصه جدا وقليلة التكاليف حتى لدرجة انها ارخص من القطارات في التنقل في اوربا
موقعهم على الانترنت
http://www.easyjet.com
وتنتقل هذه الخطوط في كل من: النمسا- بلجيكا- بلغاريا-كرواتيا- قبرص- التشيك-الدنمارك- مصر - المغرب- استونيا - فنلندا- المانيا-فرنسا- اليونان- هنجاريا- اسرائيل- ايطاليا- مالطا- هولندا- البرتغال- بولندا- رومانيا-سلوفينيا- اسبانيا-السويد- تركيا-بريطانيا .
وتطير من مناطق كثيره من هل الدول مثلا ايطاليا . فتلقاها تقلع من روما وميلانو وفنيسيا ...الخ
لكن مو معناتها انها لازم تطير من باريس الى كل الدول ، في دول معينه تروح لها ، مثلا اسافر من باريس الى برشلونه ، لكن لاتوجد من برشلونه الى روما ، لازم تغير وجهتك علشان تسافر للدوله الي تبي تسافرلها لكن اغلب الاحيان تحصل مرادك من الدول الي تبيها
واليوم نبي نسافر معاكم من باريس الى برشلونه ومن ثم الى جنيف ومن ثم الى روما ...؟ بسعر بسيط جدا
اعتقد الكثير ودهم يسافرون لهل الدول لكن ... راح يقولون اسعارها غاليه و و و و و و .
طيب شرايكم انه السعر فقط 121 يورو تقريبا ؟؟؟
يابلاش ..
خلونا نبدي الطريقه مع بعض ..
نبدي اول خطوه
بعد ماشفنا الطريقه خلونا نبدي على سفرتنا الى اتفقنا عليها وهي باريس برشلونه جنيف روما
يالله بدينا
شفتو كيف السعر رخيص ؟؟ تنقل في اوربا على راحتك ...
بسهوله وبساطه واسعار رخيصه
بعدها راح توصلك رسالة تأكيد ورقم حجزت في الايميل ماعليك الا طباعته وسلامتكم
ملاحظات :
1- حدد وجهاتك الي بتسافر لها وابحث من الاول الى الاخير لانه في دول ماتودي للدوله الي انت تبيها لازم تروح دوله اخرى علشان تنتقل الى مبتغاك
مثال : روما و جنيف و باريس وبرشلونه . اذا بحثت فيها لازم اروح اول شي باريس ومن ثم برشلونه ومن ثم جنيف ومن ثم روما
2- تأكد من تواريخك . لانه ممكن تغير التواريخ لكن تغير الموعد ممكن يكلفك مبلغ
3- البطاقه البنكيه الي حجزت منها لازم تكون معاك علشان يتأكدون
4-احرص على الوزن الي معاك فا انت الي راح تحدد الوزن المطلوب وكل مازدت في الوزن كل مازاد في السعر
5ـبخصوص الاكل والشرب في الطائره فهو بفلوس ماكو شي ابلاش
6- الاماكن في الطائره عشوائي .. ادخل واختار المكان الي تبيه اذا محد قاعد عليه
7-مسموح لك بأدخالك الطائره شنطه وحده فقط .. يعني مثلا اذا عندك شنطة سفر صغيره تبي تدخلها معاك ونفس الوقت عندك شنطة لاب توب .. ماتدخل يحسبونها قطعتين ..
والشنطه الي تدخل الطياره بهل الحجم ..
وايضا كما هو الحال اذا البنت دخلت في شنطه سفر صغيره .. ومعاها شنطه نسائيه في ايدها .. تنحسب قطعتين مايصير تدخل .
8- بخصوص الوزن هذي قائمة الاسعار للوزن الزائد المبلغ باليورو كما هو بالصوره
انا مره معاي ثلاثه كيلو مشوني بس مو كل مره تمشي السالفه
هذا درسي لكم واذا ماهو واضح اتمنى تعذروني وان اخطأت ارجو منكم العذر وان اصبت ارجو منكم الدعاء
تقبلو تحياتي
اخوكم ببسي كولا
مواضيع عشوائيه ممكن تكون تعجبك اخترناها لك:
- استئجار سيارة مع سائق في باتومي |سائق في جورجيا
- بكج سياحي بماليزيا 9 ايام لشخصين وطفلين
- موسم السفر والأخطار المتوقعة
- سائق و مرشد سياحي بسويسرا
- سائق عربي في سويسرا ... أمنية تحققها شركة إيست ترافيل
- سائق جيد ودليل يتحدث العربية سري لانكا
- سافر الى جورجيا مع مون لايت للسفروالسياحه
- برنامج سياحي لشخصين وطفل بماليزيا لمدة 10ايام
- استئجار سيارة مع سائق في انطاليا
- المستشار أحمد العمودي على تطبيق كلوب هاوس
- ارخص العروض السياحية في ماليزيا
- عرض شهر عسل بماليزيا 9 ليالي 10 ايام 2017
- برنامج سياحي طرابزون اوزنجول 7 ايام 6 ليالي |رحلات طرابزون
- عرض اجازة نصف العام في جورجيا بلد الطبيعة الساحره والأمان...
- عرض ولا بالأحلام ........... سارع بحجز مقعدك ...... برنامج سياحي 13 يوم في أمريكا
- مرشد السياحي في البوسنة
- افضل شركة تاجير سيارة في بورصة |رحلات طرابزون
- رحلة المنجاروف بجزيرة لنكاوي بماليزيا
- عروض عقارية باقل الاسعار
- اكتشف جورجيا مع مون لايت للسفروالسياحه
المفضلات