الموضوع: بروكسل اسئلة محيرتني

انا ان شاء الله ناوي اروح فرنسا 8 ايام 4 باريس و 4 ديزني فلج وفي خاطري امر بروكسل يوم واحد بس ماادري وين اروح؟
وهل يوم الاحد مناسب ولا ماراح القى شي فاتح ؟
وايهم اقرب اروح لها من باريس ولا منطقه ديزني ؟
وهل السفر بالسياره ممكن ولا لازم قطار؟
شايفين اسئلتي شويه هاهاها

مواضيع عشوائيه ممكن تكون تعجبك اخترناها لك:

• إلى رواد وخبراء التشيك
• من يوضح لي هذه النقاط عن مالطا؟؟ مع الشكر
• ساعدوني أوربا الشرقية جننتني
• الأن فلاي دبي تطير الى قازان و أوفا الروسيتان
• عايز تصريح سفر اثناء الدراسة اعمل اية ؟؟؟؟؟؟
• مساعدة عااااجله ارجوووووكم
• اريد مساعدة حق هذة ستوكهولم ˘ɔɔ
• استفساااار ضروري وعاااااجل
• أنسب دول اوروبا طقسا في نهاية ديسمبر
• التشيك يالربع الفزعه ترى عمري ماسافرت بدون راي هذا المنتدى
• استفساري عن فيزاا الشنغن مستعجل ياخوان
• شمس البحر الابيض المتوسط تطرد السياح
• معلومات عن مالطا ؟
• الا عندة معلومات عن فلندا لا يبخل علينا
• السفر الى السوبد
• الى كل الدين يعرفون التشيك ارجو المساعدة
• ايهما اجمل قبرص التركيه ام قبرص اليونانيه ؟
• اوكرانيا جواب لكل سؤال
• بروكسل بالمختصر المفيد
• اهل الخبرة ببولندا

السلام عليكم
طبعن يوم الأحد ويك اند يعني كل شي مسكر اختار يوم ثاني غير السبت أو الاحد
و أعتقد انه من باريس أقرب تقريبا ساعة و نص .. لاني انا رحت من بروكسل الى باريس بالقطار ساعه و نص و بعدين خذنا المترو من محطة نورد بباريس الى ديزني لاند تقريبا نص ساعه ..الزبده انه من باريس الى بروكسل أقرب .
بالنسبة للسؤال الثالث .. تقدر تروح بالقطار وكذلك بالسياره اختار الاريح لك .. و مثل ما قلت من قبل بالقطار من باريس الى بروكسل ساعه و نص
بروكسل واااااااايد حلوه و هادية و أمان ... وعن الاماكن اللي تقدرون اتزورها بيوم وااحد هي: الستي تو و النيو ستريت ويقعون عن محطة مترو روجر)Roger).. والنيو ستريت عباره عن شارع طويل كله محلات وبأخر الشارع ساحة القراند بليس, حديقة بروكسل و تقع عند محطة مترو بارك(Parc), الميني يورب يوجد بها معالم أوروبا المصغره وتقع عند محطة مترو إيزل (Heyzel)
و إذا في أسئلة اخرى انا حاضرة و الاعضاء بعد ما بيقصرون

مرحبا فيك أخوي وتقدر تشوف تقريري عن بلجيكا وانشالله راح تلقى حل لأسئلتج من تقريري.

موفقك

المشاركة الأصلية كتبت بواسطة مسيان
http://www.arabtravelersforum.com/tr...4/#post2373269

انا ان شاء الله ناوي اروح فرنسا 8 ايام 4 باريس و 4 ديزني فلج وفي خاطري امر بروكسل يوم واحد بس ماادري وين اروح؟
وهل يوم الاحد مناسب ولا ماراح القى شي فاتح ؟
وايهم اقرب اروح لها من باريس ولا منطقه ديزني ؟
وهل السفر بالسياره ممكن ولا لازم قطار؟
شايفين اسئلتي شويه هاهاها



السلام عليكم

اسهل شي اذا ماني غلطانه انك تروح بروكسل من باريس واكيد تقدر تروح بسيارة بس يمكن يطلع عليك وقت اكثر مع ان احسن لك لان القطارات مو على طول في قطار من باريس الى بروكسل ... اتوقع كل يوم في بس مو كل ساعة وممكن اخر قطار يرد مبجر .....بس الصراحه انا أأيد القطار وبشدة لان سريع والرحلة فيه ممتعة والتذكرة سعرها معقول

اذا بتروح بروكسل بس لا تروح في يوم الأحد لأن كل شي مسكر حتى أغلب مطاعم الوجبات السريعة بس المطاعم الغالية والي حوالين الغراند بالاس مفتوحة....والأسواق أغلبها مصكرة الأحد يعني لا تروح الأحد أحسن


أذا بس بتروح بروكسل لازم تزور الغراند بالاس والشوارع المحيطة بس لأن فيها أسواق ومحلات شوكالاته حلوه وايد....واذا ما قط رحت ميني يورب فهي جميلة وتبعد عن السنتر ربع ساعة بالمترو فماراح تاخذ منك وقت .... واذا تحب المتاحف والتماثيل فللأسف ما اقدر اساعدك بس في وايد ...والمواضيع بالمنتدى بتساعدك....وفي متحف للكاكاو ببروكسل ..... واذا بتروح بسيارة ممكن تمر على انتويرب مدينة الألماس وفي متحف او مصنع للألماس هناك غير محلات الألماس وأيضا فيها أسواق حلوة ... وحتى لو بتروح بالقطار أتوقع في رحلات تمر على انتويرب قبل بروكسل


موفق بالرحلة وأي أسئلة أنا حاضرة

LREEM@

DR.Daloo3a


nuhayer

ماقصرتوا
كفيتوا ووفيتوا بس مشكلتي ماعندي فرصه الا الاحد شكلي ابكنسلها