الموضوع: رغبة السفر للمالديف

السلام عليكم ورحمة الله وبركاته

أحب أشكركم على المواضيع المطروحه في هذا القسم :24:

رائعة ومشوقه :24:

وفعلا تخلي الواحد يشعر بأنه زار هذه الجزر من كثر ماتشعر بعد قراءة هذي المواضيع أن هذه الأماكن صارت مألوفه لنا وأنه فعلا أقدامنا خطت على هذه الأرض رغم عدم سفرنا لها ..:surf

لذلك أحببت أني أخلي وجهتي القادمة لشهر العسل لجزر المالديف لمدة 5 أيام ..

وأبي أتعبكم معي شوي مثل ماتعبتوني بقراءة المواضيع المطروحه وشوقوتني أني أروح لها :106:

فحابه أعرف أفضل الجزر بحكم خبرتكم ولي تنفع تكون لعرسان

وأحب السكن يكون في الغرف اللي تكون بالبحر واللي من الممكن أنه نشاهد العالم البحري فيها ونحن بالغرفة..

وأفضل النشاطات اللي ممكن الواحد أنه يسويها في هذي الأيام ..

وأفضل أماكن المسجات والمطاعم ..

مع العلم الميزانيه بحدود 50 ألف درهم

ومع العلم لين اللحين ماأكدنا موعد السفر في أي شهر لكن حاطين في بالنا أول مانحدد الموعد تكون المالديف أولى راحلتنا لهناك ..


وشكرا لكم :36_3_11:

مواضيع عشوائيه ممكن تكون تعجبك اخترناها لك:

• اتمنى المساعده
• سؤال على الخفيف
• بليييز ساعدوني موريشوس تصلح و لا
• لك من يملك خبره في المالديف ارجوا الافاده
• سؤال وانشالله ماتطنشوني
• ممكن اعرف التكلفة لمدة ايام في جزر المالديف
• استفسار لاهنتو
• أسئلة بخصوص موريشيوس
• ارشيف رحلتي الى احلى جزر المالديفية
• محتاج مساعدة
• عآجل بخصوص موٍريشيوٍس
• ممكن اخر عروض الاماراتية للمالديف وموريشيوس
• من موريشيوس الرومنسيه الحالمه
• شاهيندا رجعت لكم بعد سفرتي من المالديف وسيرلانكا
• هل الجزر لشهر العسل فقط
• أرجو من أصحاب الخبره في الجزر الدخول للأهميه
• الى خبراء وش رايكم بسعر الباكج لموريشيوس دبي ؟؟
• شو افضل فندق بانطاليه
• عندي سوال ؟
• ساعدوني رحلة مع رضيع الى سيشيل

شكرا أخوي سلطان على الرد اللي أثلج صدري

والله يبارك فيك ويسعدك ويوفقك يارب

وفعلا اطلعت على موضوعك وسيفته عندي

بس أنا محتاره هل فندق هافان فوشي أفضل أم الفندق اللي أنت ذكرته ؟

وخاصه أني أحب أجواء البحر كثير وخاصة بالليل والسمر على السيف

شكرا أخوي سعود على الرد والنصائح والاقتراحات وإن شاء الله راح تكون في الحسبان والبال

والله يبارك في عمرك ويسعدك يارب ..

واقتراح توزيع الخمسة أيام على فندقين وارد وإن شاء الله راح ناخذ بنصيحتك هذي وراح نوزع الخمسة أيام على فندقين واحتمال نخليهم ست أيام بدل خمسة

بس والله احترنا في اختيار الفنادق

كل فندق فيه ميزه حلوه

وكل مانشوف موضوع عن أحد الجزر في هذا الموقع نغير لين مااحترنا شو نختار ولأي فندق نروح ..

ونحن نبي نقضي أول خمسة أيام من شهر العسل في جزيرة وباقي الأيام راح نوزعهم على دول أخرى ..


والله سيفت كثير من المواضيع هنا كمرجع لنا قبل الاختيار النهائي

ادعو لنا بالتوفيق وحسن الاختيار مانبي نواجه أي مشاكل مستقبلا في اختيار الجزيرة المناسبة وخاصه أني أنا من النوع اللي صعب يرضيني شيء

مرحبا بدور

ان شالله تكون رحلة سعيدة وموفقة والله يسعدكم

عن تجربتي في منتجع الفل مون

http://www.arabtravelersforum.com/travel164058/

بصراحة كان رائع

والجلسة مثل ماترغبين على السيف وضوء القمر شي خيال

خصوصا في هالوقت يكون الشاطئ لك ولزوجك بس

لان الاجانب يكونون شبعوا من الصبح لين المغرب

احنا كنا مثلك كانت رغبتنا في الحجز في الووتر بنغلو

وبعدما ما رحنا هناك وشفنا كل شي عالواقع طلعت الغرف اللي عالشاطئ احلى واكبر وافضل لان السيف عندنا متى ما بغينا نروح له عكس اللي في الماي


تحياتي

المشاركة الأصلية كتبت بواسطة بدور2008
http://www.arabtravelersforum.com/tr...7/#post2190918

شكرا أخوي سلطان على الرد اللي أثلج صدري

والله يبارك فيك ويسعدك ويوفقك يارب

وفعلا اطلعت على موضوعك وسيفته عندي

بس أنا محتاره هل فندق هافان فوشي أفضل أم الفندق اللي أنت ذكرته ؟

وخاصه أني أحب أجواء البحر كثير وخاصة بالليل والسمر على السيف





يا هلا اختي بدور . .

والله اختي الكريمة اكذب ان قلت اني اقدر اقارن بين الفندقين . . لاني ما جربت إلا الكونراد . . وتجربتي فيه كانت رائعة وجميلة جدا ً . .

بقولك عن ميزة مب موجودة في بعض الفنادق مثل الفورسيزون لاندار جيرافارو وبعض الفنادق الاخرى .

وهي ان الفلل المائية موزعة على الجزيرتين . . يعني كل خمس او اربع فلل جنب بعض . . بينما في الفندق الاخرى تلاقين كل الفلل ( 20 او اكثر ) مصفوفين جنب بعض . .

يعني من هالناحية الخصوصية اكبر في كونراد . .

هذا غير عن تعاملهم الرائع جدا ً مع النزلاء وتفهمهم لاحتياجاتهم . . وحقيقة خدمتهم ما شفت مثلها في اي فندق قعدت فيه قبل . .


واي مساعدة او استفسار انا حاضر في حال اخترتي الذهاب للكونراد . .


تحياتي

بصراحه انا جربت الفل مون وسكنت بالووتر بنقلو وكان رااااااائع جدا ً وسكنت قبله بالباندوس وحجزت فيلا مع جاكوزي وكانت تجربه مميزه فعلاً مع اني ارجح كفة الفل مون من ناحيه الفخامه والتجهيز وبالطبع بيكون افضل كونه 4 نجوم مقارنه بالباندوس الـ3 نجوم ولكن مايعني ذلك اني اعيب على الباندوس لانه بصراحه روعه مره وال3 نجوم هذي تعادل 5 نجوم بفنادقنا ..

يكفي عشاء الشموع يسوونه لك بالغرفه لو تبين بالبلكون أو على شاطيء البحر احساس رائع وانتي جالسه على ضوء شمعه تتناولي عشاءك بهدوء على صوت أمواج البحر بسكون الليل :101:

تمنياتي لك برحله موفقه