بعد ماتعشينا في مطعم دبي الي مقابل البحر
لأن فيه كثير يحمل هذا الاسم ولكن صاحب الاكل الطيب هو الي قبالة البحر
انا جربت ثلاثة منهم وطلع هو الي عليه الكلام أخذنا جولة طويلة في الاسواق
التجارية لحد ماطاحت رجلينا من الدوجي قلت عاد مابدهاشي لازم نروح
لجزيرة جيمس بوند وفعلا رحنا لمكتب سياحي وحصلنا الاسعار متفاوتة
بلخير طحنا بمكتب أعطانا سعر حلو الواحد بـ 1000 بات قطعنا ثلاث تذاكر
وقالت الموظفه بكرا الساعة 10 خلوكم عند الريسبشن فيه رحلة تطلع الساعة 7
ولكن ماحبيناها وش الله حادنا نقوم من فجر الله نبي ناخذ راحتنا بالنوم وعقب
نفطر ونطلع لرشسيبشن وفعلا حصلنا الاتوبيس ينتظرنا ركبنا وانطلقنا
وكان معنا شباب من الخليج وعوائل خليجية وعربية
البرنامج من ضمنة فيه زيارة للجزيرة وفيه وجبة غداء وفيه تجديف
كل هذا من ضمن البرنامج
تبون الجد الاكل ما انصح به لو حصل تاخذوا معكم جبز توست
وجبن أصرف لكم اكلهم بارد بقووة
المهم تفرجوا على الصور وان شاء الله تعجبكم
وصلنا مكان ركوب السفينة وهذي سفينتنا
وانا ربان هالمركب وأفني رحلتي عندك وحطيت الأمل عندك
بس الموج ما يساعد ولا الأقدار بتساعد
ولا الخطوة قربت مني ولا هدت..احس انها قريبة ويمك تباعد..
السفينة الي وقفنا عندها وركبنا قوارب التجديف
الصورة هذي وانا راكب قارب التجديف
وصلنا الصخرة الشهيرة الي مثل عندها الممثل جيمس بوند
وراحت الجزيرة بأسمة والله دنيا حظوظ
وهذي صخرة ثانية بس بجهه ثانية
وهذي الصخرة الشهيرة
كل هالعالم الي تشوفون وانا اولهم كلهم يصورون هالصخرة ترى الي ماشافها
يقول انها صغيرة لا وانا اخوكم كبيرة وتستاهل التصوير والعنوة
وبعد ماجلسنا فيه قرابة الساعتين رجعنا لمدينة فوكت وكان الوصول
على الساعة 6 مساء
رحنا لفندقنا وتروشنا وصلينا وطلعنا لمطعم دبي
بس الاهم من هذا اني رحت للشاطئ وجلست اصور لحضات الغروب
ويازينها من لحظات وخذ تصوير
والربع بطونهم ذابحتهم من الجوع
قلت فرصه ماتتفوت والاكل لاحقين عليه
والله أني أحسدك تمنيت اني بدل ركوبي في الصباح انها تكون وقت الغروب
قدر الله وما شاء فعل
وشئ للذكرى
ومع الف سلامة يافوكت وان شاء الله لنا لقاء قريب ليس ببعيد
إنتظروني في الجزء الاخير ومع صور من العاصمة بانكوك ومع السلامة
رد مع اقتباس
المشاركة الأصلية كتبت بواسطة ~ كاس عسل ~
المفضلات