الموضوع: مواقفكم الطريفةالكل يشارك ومواقفكم الصعبة

[center][size="5"][color="DarkOrchid"][b]بسم الله الرحمن الرحيم
السلام عليكم ورحمة الله وبركاته
أخواني الغاليين في بوابة إستراليا ونيوزلندا
كل واحد مننا خلال رحلته تحدث له الكثير من المواقف
منها الطريف ومنها الصعب
ومن خلال هذي البوابه ومن خلال حبايبنا واخواننا في هذي البوابة
نبي نسمع منكم (سمع كتابي) مواقفكم هذي
وكيف تصرفتوا فيها؟؟ وايش اللي ترتب على هذي المواقف؟؟
أنتظر مشاركاتكم على بريد البرنامج

مواضيع عشوائيه ممكن تكون تعجبك اخترناها لك:

• رحلتي السبت الجاي والفيزه ولاخبر؟؟؟
• تاشيرات الدخول او الفيزا لاستراليا للكويتيين
• أفضل فنادق خمس نجوم في غولد كوست
• ارخص طيران من البحرين الي استراليا
• زبون جديد
• اهل الرياض الي طلعو فيزا هاليومين؟
• بشرى للجييييييييع عصفورين بحجر تذكره نيوزيلاندا ب ريال
• سؤال ضروري يا اخوان قبل الحجز لو سمحتوا المساعدة
• الرجاء الدخووووووووووولمهم
• السنغفورية او الإماراتية وش تنصحون
• افضل برنامج لزياره استراليا
• ارخص او يكون فيها تخفيض
• استفسآر عن المطار والاجراءات
• ساعدوني الاماكن
• سؤال بخصوص الجوال ؟
• استفسار عاجل عن الفيزا السياحية
• تذاكر الاطفال اقل من سنوات والوسيله الافضل من مطار بريسبن للسيرفرس
• استراليا تطلق خدمة التأشيرات الالكترونية لدول مجلس التعاون
• تأخر الفيزا وسؤال عن المرفقات
• اخواني رحلتي يوم بعد اسبوعين من الان ارجوا المساعدة

اسف انا مافهت شي

المشاركة الأصلية كتبت بواسطة االواثق
http://www.arabtravelersforum.com/tr...1/#post1154505

اسف انا مافهت شي

يعني اخوي اذا الواحد سافر أستراليا أونيوزلندا أو غيرها
تصير له مواقف منه حلوه وطريفه
ومنها الصعب وممكن تكون فيها اشكاليه
نبي الجميع يذكر المواقف اللي صارت له في سفره
بس هذي كل السالفه وانا اخوك
إن شاء الله تكون اتضحت الفكرة
ونبيك تكون اول من يبداء

موضوع رائع .... لان كل المواقف مهما كانت صغيرة ستفيدنا ان شاء الله

ونرجو ان نجد تفاعل ممن خاض تجربة السفر..

المشاركة الأصلية كتبت بواسطة A-ITALIANO
http://www.arabtravelersforum.com/tr...1/#post1155586

موضوع رائع .... لان كل المواقف مهما كانت صغيرة ستفيدنا ان شاء الله

ونرجو ان نجد تفاعل ممن خاض تجربة السفر..



مشكور أخوي
وياليت نلقى تجاوب من الأعضاء

[color="Navy"]..

^_^

هلا والله اخونا كووگاك وتسلم والله على الموضوع الحلووو

بدخل بالموضوع على طول ههههه

موقف طريف صارلي او بالنسبه لي فلم رعب خخخ ^_^

اول مره اركب باص بنيوزلندا بروحي (احم احم ) ^^

اي بقولكم السالفه من البدايه اول شي كنت بالمطار مع اخوي وخلصنا اوراقنا وطلعنا وقالي انتي روحي بروحج لجامعتج وانا بروح اخلص اشغالي ..قلت له اوكي بس ركبني اول ويكون الباص الصح مو غلط خخ خايفه لا اطلع برى اوكلاند ٫_٫ههههههههه

ايه بعدين ركبني وراح وقلت له السايق او لها انا بروح لهذي الجامعه يروح هذا الباص؟قالت لي ايه اركبي ..قلت لها بس كيف اعرف اذا وصلنا للجامعه؟؟لاني ماادل المنطقه عدل وماعرف كيف اذا وصلت!! قالت لي اوكي انتي ماعليكي بس اقعدي وانا اذ وصل للجامعه اللي تبينها اناديكي .! قلت لها اووكي (مع ابتسامه عريضه ^_^) وثنكيو..

تطمنت انا وقعدت..هذا الكلام تسعه صباحا وانا يبدي الدرس الساعه العاشره صباحا والمكان شوي بعيد...

ابيها توصل...ونمشي نمشي نمشي..خخ ! احنا وين ياربي؟؟ماادري!! بس المهم اشوفها كل شوي توقف يصعد واحد او ينزل..ولا شوي الاحظ الباص اولا شكله للسياح فقط ! احم احم شكله اخوي وهقني وركبني باص غلط !! <بس واضح انو عادي يصير يركب فيه غير السياح لان سآلتها بالبدايه رايحه 'الى الجامعه' اكيد تدري مو سايحهالمهم ٫٫^^

صارت الساعه 10:30!! هيييي طافني الدرس نصف ساعه ! ولا شوي تقولي وصلنا انزلي ! وانا بعد متطمنه على بالي احنا قدام باب الجامعه(لان بس هذا اللي ادله!!) وقلت لها ثنكيووو (وبعد مع ابتسامه عريضه)^^ ونزلت وقلت بقلبي قبل ماانزل من قالت لي وصلناواخيييييرا وصلنا بعد ماطلعت روحي

طيب انا بصراحه كنت في مدينة لوزيرن في سويسرا نازله بالمصعد لمحطة القطار مع صديقتين لي
وصراحه مع الحكي والسوالف مانتبهت مين فيه
المهم شويه وابغى اخذ موبايلي من االشنطه
وتجي عيني في الجزء السفلي من الي قدامي من ناحية الصدر لين الارجل عادي جسم امرأه
شويه الا وارفع راسي واطالع الوجه وصعقت :114:
لقيت شنب وذقن وملامح خشنه خليط سبحان الله:113:
ماادري عن حالي الا جاني ضحك هستيري وصديقاتي يغمزون لي بعيونهم يعني احسلك اسكتي
صراحه ماقدرت بجد الحمدالله الذي عافانا
المهم وقف المصعد وقبل مايفتح الباب الا وهذي مسكت في الطرحه تبعي وتبغى تتهجم علي انا قلت خلاص بروح في شربت مويه
وقعدنا نتعافر انا وياها بالايدين الله ياخدها لين فتح الباب وصديقاتي الانذال كل وحده شردت بعمرها وتركوني مع المتوحشه لين مسكت في الشنطه ومدري كيف رميتها بوجهها وشردت بعد ماحمدت الله

والضحك هذاك كله قلب بككااا

لا وايش الاقيها اليوم التاني جنب الفندق تبعي اتاريها معروفه في لوزيرن انها مجنونه وجنس ثالث
نسأل الله السلامه بس صراحه حرمت اروح لوحدي اي مكان او حتى مع صديقاتي الانذال

ويسلمواعلى الموضوع الي قلب المواجع

:101:
لما كنت في شهر العسل في غولد كوست مع المدام ( يعني بتكون مع مين مع زملائك في العمل بشهر

العسل) :109: /// النباهه والذكاء طافح ماشاء الله علي .

ماعلينا صراحه كنت مرتبك هه اول سفره مع انسانه اتحمل مسؤليتها في بلاد غربه ولغتي الانجليزيه يعني

اتمشي الحال مب ذاك الزود ،،، فكنت امبرمج نفسي على اشياء منها مثلا رحت للريسبشن لمجمع الشقق

اللي ساكن فيه وطلبت منهم الكرت الخاص فيهم عشان اشيله معاي لو رحت اي مكان اقدر ارجع لما اعطيه لاي تاكسي عشان يرجعني //// شفتوا المخمخه .

ماعلينا المهم ذهبنا انا والمدام الى احد مراكز التسوق ومكثنا ( حلوه هاي مكثنا ـاعيدها؟ ) فتره مب بسيطه واظن اتغدينا في المركز المهم لما نوينا الرجوع للسكن

طلعنا برع المول ( السوق ) فسالتني المدام كيف بنرجع تعرف عنوان السكن ؟؟

نظره من سي السيد ( اللي هو انا ) عرفت المدام انها سالت سوال ماينسئل لواحد ضرغام فطحل

مثلي (( المدام بغت تتاسف لانها سالت هذا السوال بعد ذيج النظره مني ))

خذينا تاكسي ومشى فينا اشوي ،،، يالله يابو المخمخه طلع الكرت وعطه للسواق مع جملة (( من فضلك

اريد ان اذهب لهذا العنوان )) رجاء ياخوان لاتسئلوني كيف قلتها بليز يعني خلونا اخوان:109:

(( اكسيوزمي اي وانت غو تو ذيس لوكيشن )) مادري صح غلط المهم

نظره مني للمدام اشوفها اطمنت وعرفت ان اللي اوياها ذيب ماتفوته لاشارده ولاوارده (قولوا ماشاء الله

عليه )):101:

المهم ناولت السواق الكرت وتمقل فيه ولا بذاااااااااك البريككك ويوقف السيارة على جنب ويتمقل في

الكرت ويعدل نفسه صوبي لاني كنت جالس وراه وقالي : سير ار يو شور يو وانت غو تو ذيس لوكيشن (او) ادريس ؟ يعني سيدي انت متاكد تبغي تروح لهذا العنوان ؟؟؟؟؟؟؟؟؟؟؟؟؟؟؟؟؟؟؟؟

ار يو شور !!! هذا السوال ينقال للتعجب والاستغراب :114: شسالفه

جاوبته يس ، واي يو اسك مي ؟ قلتله هيه ليش تسالني

قالي : يالمدمغ هذا العنوان في سيدني اربع ساعات بالطيارة

:11ight: :11ight: :11ight: :11ight: :11ight: :109:

وشو ؟ اللي في الرسبشن عاطيني المركز الرئيسي اللي في سيدني :11ight:

:109: :109: :109: :109: :109: :109: :109: :109: :109: :109: :109:

فقلت لا طبعا بغيت اروح السيرفس براديس وكنا ساكنين جريب فندق ما ادري يمكن الماريوت ؛ فوصلني

على طول

المهم طول المشوار محدثكم ماخذ وضعية انحرافيه لنافذة التاكسي ((( خجلان اتجي عيني في عين المدام )))

:109: :109: :109: :109: :109: :109: :109: :109: :109: :109: :109: :109: :109: :109:

ومن عقبها حرمت اذا سالتني المدام اي سؤال اطلع فيها ابو العريف :101: