الموضوع: انا و الخريف في ايطاليا

بسم الله الرحمن الرحيم

امس وصلت من ايطاليا والحمد الله على سلامتي اولا ....

حبيت اكتب لكم تقرير عن هذي الرحلة الخريفيه الى مدينتي التي طالما حلمت بها وها هو الحلم ولله الحمد والمنه قد تحقق .

طبعا الشباب في المنتدى ماقصروا بالتقارير والصور واكنت قد استمديت كل معلوماتي من هذه البوابة المشرقه الغنيه بالمعلومات ... فأوجه الشكر لجميع اعضاء المنتدى الذين افادونا بالمعلومات .


لا اوريد ان اطيل عليكم لكن سوف اعرض لكم مخطط رحلتي وبعض الصور في فصل الخريف (طبعا اول مرة احس انه في فصل اسمه فصل الخريف )

الا شخاص 3

جلسنا 8 ايام ابتداء من 2 ميلان +لوقانو (سويسرا) و3 ايام فينيسيا و 2 روما + فلورنس ويوم الاخير المغادرة من ميلان


الفنادق كانت رخيصة مقارنة بالصيف والحجز كان عن طريق الخطوط السعودية سعر التذكرة 2700 ريال

تاريخ الاقلاع 14 |12|2007 الى 21|12|2007 (الوصول )


الفنادق " #ميلان فندق 4 نجوم رجينا

# فينيسيا اسم الفندق starhotel 4 نجوم الفندق جدا رائع وراقي ميزته بين جسر الريالتو وساحة سان ماركو (انصحكم فيه جدا راقي)


# روما دي فونتنا تريفي (مطل على النافورة ) 4انجوم

كان الحجز كله عن طريق موقع http://www.booking.com?aid=1329869


الجو كان برد ولكن التمشي والمتعه تدفيك وتنسيك ابو ام البرد

وبصراحة من الاشياء الي لفت انتباهي الطليان عليهم كشخه وملابس خياليه تاخذ العقل انا قلت الحين الدنيا برد والناس بتكون نايمة ببيوتهم طلعت الدعوة عكس ماتصور مجهزين لبس الشتوي والفرو ماشوف الا جلد ثعلب ولا جلد خاروف قدامي صراحة موضى خياليه ارقى من الفرنسين بكثير مرة يعني حتى العجوز حاطة على رقبتها فرو ذيل ثعلب وهاك المعطف الي مدري وش شكله والرجال عاد حدث ولاحرج من الموديلات والشعب جدا لطيف وخدومين لابعد درجة ماقصرو معانا ...


لاريد ان اطول عليكم انتظروا الصور ................................

مواضيع عشوائيه ممكن تكون تعجبك اخترناها لك:

• قررت اروح ايطاليا لكن من يرسم لي مخطط الرحله؟؟
• فقط صورتين شخصيةتعريف وبايام جاهز،،تجربتي مع الشنجن
• تخطيط رحلة في سبتمبر مدة عشرة ايام
• بخصوص الفيزه
• استفسار مهم حول تأمين استئجار السيارة
• شهر عسل رايكم لو سمحتو
• كل ما تحتاجه عن ريميني وريتشوني
• جولتي في الشمال الإيطاليّ تقرير موجز
• الهجره الى ايطاليا قصه واقعيه
• نصيحة للي يروح لروما وميلانو من ناحيه التنقل
• وش لغه الرد الالي في ايطاليا مغلق او مشغول
• من أشهر الاسواق والمحلات في ميلان حسب ما شاهدته
• ممكن مساعده في التنقلات بداخل ميلان
• استفسار عن فندقي و؟
• القروبات السياحية
• اللي يفهم في مترو ميلاااااااااااان ياليت مساعدة
• استفسار مهم وعاااجل جدا بلييييييييييز انقذوني
• سؤال عن ارخص شريحة اتصال ايطاليا وما جاورها
• خطة رحلتي القادمة رأيكم فيها لتكون أفضل
• ساااااااااااعدوني رجااااااء في فهم هذا العرض

سجلني اول المتابعين ..:24:

وتصغير الصور بالنسبة لي عن طريق الفوتوشوب بس ماعرف طريقة ثانية..

وان شاء الله اللي يعرف مايقصر معاك ..

بس عندي لكـ سؤال .. زرتوا sirmione سيرميوني؟

وموفق مع التقرير..:101:

لا لم ازرها لكن مرينا بالقطار على بحيرة قاراد وحنا متجهين من ميلان الى فينيسيا

هذي صور لحظة الوصول الى ساحة الدومو
https://travel.maktoob.com/photo/sho...p?photo=272768

اليوم الثاني
الذهاب الى بحيرة لوقانو

اصبحنا واصبح الملك لله والحمد لله صلينا الفجر و على الفطور افطرنا وعينا من الله خير وجلسنا جلسة حوار وين نبي وين نروح وشرايكم هه كنا ناوين نستأجر سيارة ونروح عللى بحيرة كومو ثم على بحيرة لوقانو لكن يوم شفنا الساعة وال10 ونص قلنا مالظاهر يمدي نروح كل الثنتين نختار وحدة قلنا لوقانو قلنا بسم الله توكلنا اقرب محل يجر سيارات جينا الاول قال مافي جينا الثاني قال مافي قلنا افى راح الوقت علينا وحنا ندور الساعة 12 قلت القطار ياحبيله مشينا بسرعة واقرتكسي على القطار واقرب رحلة 12:45 احجز واركب على لوقانو


وصلنا المدينة على الساعة 3 الا شوي تمشينا على رجلينا على المحلات مسوين بازار حلو بالمرة امبسطة عليه مسيقى سويسراية كذا واغاني الكرسمس والدنيا حركة عجبتني الصارحة ثم قلنا البحيرة الي دايم اشوف صورها وينها قالو قدام قلنا قدام والريوس حرام واتركم مع الصور الخيالية (طبعا الشمس ماشفناه طول الفترة والصور تتكلم انا تعبت صراحة )



















هذي البط مسكينه رحمتها دقه البرد

هذا كيفي كان جدا رايق واتكيت بالمرة بس المشكلة اني صورته فيديو ماعندي الا هذي الصورة







مناظر اخرى








ووبعد الساعة تقريبا 4 مشيت على البحيرة راياضة مسوي رياضي وامشي وامشي وامشي حدود 3 كيلو تقريبا وبعدها تعبت وجلست بكفي حق فندق وقلت الله يعيني الحين انا قطعت هالمشوار الي موصاح وش يرجعني الحين!!!!!!!!!!11!!!!

قلت بسيطة يقولون في باص يمر وقف واركب معه انتظر انتظر انتظر الشباب يدقون علي وينك وينك قلت مدري مشيت قدام ورجلينا تصلخت هذي ادورلي اقرب واحد يوصلني على طريقه المهم وانطق ماجاء الباص قلت للفندق الي بجنبي اطلبي تكسي بس ماحولي احد والله ماقصر طلب التكسي وجيك المرسدس الاسود 2008 على كيف كيفك قلت بس بس ابعد عنه فتحلي الباب قالي تفضل قلت اصبر من الباب لطاقه اركب معك بكم توصلني انت لتكون غالي ثم اطفر كل فلوسي على تكسي قال (نو بربلم )
قلت الا بربلمين مهب وحدة قالي وين تبي قلت قدام قال وين قدام قلت قدام وبس مهب بعيد ستي سنتر قال 5 يورو قلت " اه اه تكفى اقين يعني مرة ثاني عدها قال 5 يورو قدام ركبت وابز هاك البزه اليحبه قلبك وادق على العيال قلت انتظروني عند محل اسمه رولكس حق الساعات والله ويمربي من جنبهم والله ماعرفوني الا يوم جاك فتح الباب وانا انزل يوم انهبلو وسولي قصه سين جيم قلت عادي انا انسان مهم لازم اكشخ شوي مو مثلكم ملحط باصات وقطارات (ههههههههههه)

هذي كانت السالفه والعذر ماصورت المشهد من الهبلة هههه

القاكم في اليوم الثالث في فينيسيا

ونااااسة والله ايطاليا وبالشتا؟؟؟


شكلكم فليتوها مرة عاد كان ودي نروح لاطاليا واحتمال تكون في العطلة الجاية اللي بعد شهر واسبوع بس منب متأكدة لاني قلت لاهلي قالو بتصير كابة بالشتاء مب صايرة زي الصيف لاني رحتلها الصيف اللي قبل اللي فات .. بس ماشاء الله شكل الصور خطيييرة

وبالنسبة للموضة والحركات اللي شفتها يعني دخلت الاسواق ؟ كيف كانت بضاعتهم؟ لاني سمعت بالشتا ينزلون الصيفي وبالصيف العكس؟


المهم نستنى باقي التقرير ..

والف شكر لك .

اليوم الثالث

فينيسيا

قمنا متأخرين على الساعة 11 وافطرنا ولمينا عفشنا وبنلحق على القطار 12:30 لعله فاتنه فغنيت غنية راشد الماجد القطار وفاتنا القطار وفاتنا (ههههه قمت الروقان ) وش الرحلة الي بعده الساعة 1:30 حجزنا عليها وبعدها انطلقنا الى فينيسيا

مرينا على محطة فيرونا وبحيرة قاراد وتاخر القطار في المحطة ماوصلنا الا الساعة 4 وشوي المهم وصلنا فنيسيا وحنا وجعانين بالمرة وقفنا بمطعم محطة القطار صراحة عندهم بيتزا خيال خيال خيال يبعون الحبة 2,40 يورو الصراحة البيتزة خبله تدوخ طبعا البيتزا تاكلها وانت واقف يعني شغل وقافي وطلبة الاولى ماشبعة طلبت الثانية ماشبعت طلبت الثالثه هه كاني قهر جوعي لكن ماطاح الي براسي قلت خذ سفري منتب لاقي مثل هالبيتزا ابو الشباب عطنا الرابعة سفري قال خذها قلت له تشاو تشو تشاو وعلى الفندق الفندق بالمرة حلو اسمه starhotel 4 نجوم موقعه بين جسر الريالتو والسان ماركو صارحة فخم قضينا الليلة في ساحة السان ماركو

وانتظروا الصور في اليوم الرابع في فينيسيا

الله يعطيك العافية ومازلنا منتظرين بقية التقرير والصور

يتبع اليوم الخامس

حيث وصلنا روما في المساء ورحنا بالفندق عند نافورة تريفي وكان في استقبال حافز مع العماله البنقلاديشه صراحة قمت اتكلم معهم بالعربي والله ياهم مهب سهلين كل شي يعرفونه الله يستر منهم متى بس نحتفل بخروجهم من السعودية جاءك وراني شنطة قالي 100 يورو هذي ماركة مدري وش سماه قلت نو قال عشانك عربي 60 يورو قلت له 2 يورو تبيع قال لا لا كيف هذي ماركة قلت سلام عليكم جاك لحقني خلاص ب2 يورو قلت منب مشترى منك انت نصاب يوم انقهر حقد علي صح مشيت وخليته اتجهنا الى ساحة نافورانا (بصراحة خايسه الساحة احبطة يوم شفتها ماعجبتني مرة الشاهد تعشينا ونمنا ) واتنه هذا اليوم

اليوم السادس (يوم العيد )

قمنا الصبح وافطرنا وعايدنا بعض وكلمنا اهلينا( كل عام وانتم بخير ) هسى بقوتلنا من الحم قالوا الخير واجد قلنا سلام عليكم

نزلنا من الفندق ولا هذا ابو الشباب معه عربه مع خيل كاسرنا قلنا نبي تودينا الى الكلسيوم قال خلاص ب50 يورو والله انهم غالين بس متعه وماقصر قام يشرحلنا هنا تذابحوا وهنا قطعوا بعض وانا ادربي راسي

هذي اطلالت الفندق






وهذي وحنا بالعربه






واتبه ترى نصبوا علينا يوم وصلنا الكلسيوم جونا ثلاثه لابسين لبس روماني وجو على طول قالوا تصورنا قلنا نتصور معك يوم خلصنا جاء قال فلوس قلنا وشو!!!!!!!!!!!!!

قال 20يورو رجل اختي عطاه ثم جاك الثاني والثالث قال عطوني قلت انقلعه والله ماتلمسون شي وانط عليهم قلت نو نو نو نو يعني بالعربي مافي هذي 20 تقاسموها بينكم وامشي وانمشي ونخليهم

تمشينا بالكلسيوم يوم خلصنا على الساعة تقريبا 1 قلنا نركب المترو وعلى السبنش استب صرحاة السبنش استب كان مرة حلو (انصكم تسكونن هناك اكثر حركة ووناس رايحة جايه يعني يفتح النفس بالمرة ) هنا وافقت الفتره فترة خروج الطلاب من المدارس في الحقيقه عطوا المنطقه جوا اكتف بالمرة لكن الغريب الي لاحظته انهم جدا في غاية الادب لا مشاكل ولاشي والله عندنا ماتسلم من شرهم اذا اجتمعوا الطلاب عقب الدراسة تفحيط ومهايطه واذيه للاخرين لكن مانقول الا الله يهديهم انشاء الله










صور متفرقه






انته هذا اليوم في المساء ذهبنا الى سوق مغلق اسمه جاليري كذا قريب للنافورة وانتظرونا في الحلقه ماقبل الاخيرة

الصراحه عيشتني جو ايطاليا..ماعندي صبر يمرن ها 3 اساابيع على خير عشان اروحلها بس اخر كم من صورة ما ظهرت عندي ..ياريت اخوي لو تتأكد من الرواااابط

هههههههههههه
تقريرك مره يضحك...................
ماشالله عليك وقت رحلتك جدا رائع كنت اتمنى اشوف اوروبا في فصل الشتاء
وبتقريرك كفيت ووفيت
ننتظر البقيه..................

يعطيك العافيه
التقرير حلو وخفيف جدا

اسلوبك ممتع في السرد والسواليف



وفعلا في اسواق فلورنس تحصل حاجات وماركات ايطاليه غريبه ...

بس التقرير كله في كوم وسالفة المرسيدس الاسود كوم
:109:

ياعيني علي الصور
الاحترافيه
7
7


:24:

يعطيك العافيه علي الموضوع,,

اخوي ولد فاضي بغيت أسألك شو اقرب مدينة لروما يعني الواحد يقدر يروح ويرجع بنفس اليوم
وكم تبعد
وشورايك بفندق وستن اكسلسيور في روما وكم سعر الليلة؟

ماشاء الله عليك

تقرير جميل وصور اجمل

واعجبتني اطلالة الغرفة على نافورة تريفي وموقع الفندق الرائع

يعطيك الف عافيه ،،

يسلام عليك الف شكر لك

صدقت والله اوربا حلوة بكل الفصول


اشكر مرورك

واااااو ..

تقرير رووووعه ، ماشاء الله تبارك الله !!
ربي يوفقنا ويــــاك ..

تحياتي لجميع مشاركتكم

والحمدلله انه نال اعجابكم

تقرير رآئع

آستمتعت بقرأته

الله يعطيك العافية

:101:

المشاركة الأصلية كتبت بواسطة الليث الايطالي
http://www.arabtravelersforum.com/tr...8/#post1761688

((((((((( فنيس )))))) في المرتبة الاولى ولافي اي مقارنه مع ميلان وروما

المرتبه الثانية : فلورنس

المرتبه الثالثه : افضل ميلان لانك بأمكانك تزورين مناطق خارج ميلان مثل لوقانو وكومو وبحيرة قاراد

المرتبة الرابع: روما



انا معاك بالترتيب ولو اني حبيت فلورانس كثير اسلوبها فنان فعلا حبيت هالمدينه

المشاركة الأصلية كتبت بواسطة أوربيه
http://www.arabtravelersforum.com/tr...4/#post2551244

انا معاك بالترتيب ولو اني حبيت فلورانس كثير اسلوبها فنان فعلا حبيت هالمدينه





الله يعافيك ويسلمك

شكرا على المرور

تحياتي.................................:101:

بالنسبة للمناطق السياحية

روما اليوم الول : الوصولوالتوجه الى افندق وزيارة المناطق القريبه مثل ساحة الاسبايه و نافورة تريفي

اليوم اثاني : زيارة المناطق الاثريه مثل الكلوسيوم والبانثون وزيارة ساحة نافورنا
اليوم الثالث: زيارة حدائق تيفولي (بس مدري هل بتكون فاتح بشهر 11 )

اليوم الرابع : زيارة فلورنس والرجوع بنفس اليوم تبعد ساعتين وثلث

فينيسا

اليوم الاول : الوصول والتجوال في ساحة سان ماركو
اليوم الثاني : ممكن تقومن برحلة لمشاهد صنع الزجاج
اليوم الثالث : ساحة سان ماركو

ميلان
اليوم الاول: الوصول واتجول في ساحة الدومو و التسق من شارع بيونس ايريس
ايوم الثاني: زيارة لوقانو
اليوم الثالث : زيارة بحيرة كومو

باريس
اليوم اللاول : الوصول والتجول في شارع الشانزليزي
اليوم الثاني : زيارة برج ايفيل
اليوم الثالث :يارة متحف اللوفر
اليوم الرابع : زيارة الدزني لاند

لندن :
لم ازرها لكن اسالي المختصين بلندن
لكن حسب اللمعلومات الي عندي انها جميه والمناطق السياحية متعددة فيها


تحياتي..............................

المشاركة الأصلية كتبت بواسطة mr.fr
http://www.arabtravelersforum.com/tr...2/#post2779992

وياليت تزودنا باسماء الفنادق اللي سكنتها؟
وطريقة الحجز كلها عن طريق البوكينق؟
وكم الاسعار تقريبا؟





اسما الفنادق الي سكنتها موجودة بالتقرير ممكن تقراها

نعم كلها عن طريق

http://www.booking.com?aid=1329869


على حسب التاريخ والووقت ادخل الموقع وشيك على الاسعار لكن المتوسط هو من 100 يورو باليوم يزيد وينقص

اي استفسار انا حاضر

تحياتي..................ز

عجبني تخطيطك أخ الليل الإيطالي...

طيب ناخذ شوي منك وشوي مني ونشوف شنو الأنسب

بعد الاطلاع على تقريرك وتقارير أخرى والمخطط اللي حطيته لي واللي انت اقترحته...

اجرينا بعض التعديلات.. وعطني رايك

3 ليالي روما

اليوم الأول وصول وتجول في روما
اليوم الثاني الذهاب إلى بيزا والعودة
اليوم الثالث الذهاب إلى فلورنس والعودة
اليوم الرابع الذهاب إلى فينيسيا

ليلتين فينيسيا
اليوم الأول وصول (بيكون هو نفسه اليوم الرابع في روما) وتجول في فينيسيا
اليوم الثاني الذهاب إلى مصنع الزجاج
اليوم الثالث الخروج من فينيسيا إلى ميلانو

3 ليالي في ميلانو

اليوم الأول تجول (يوم الوصول)
اليوم الثاني زيارة فيرونا والعودة
اليوم الثالث زيارة بحيرة جاردا أو كومو أو لوغانو
اليوم الرابع خروج من ميلانو إلى باريس

يطلع المجموع 8 ليالي في إيطاليا
والباقي بيتوزع على باريس ولندن

شرايك في المخطط ألحين بيكون متعب بعد او مناسب؟

وعندي استفسار حول فيرونا

ممكن نزورها يوم واحد والعودة صح؟ لأني كل اللي ابي اشوفه بيت روميو وجولييت.. فهل نقدر نقتصر زيارة فيرونا مع بحيرة جاردا في يوم واحد او تقسيمهم إلى يومين مناسب؟

وأي الأفضل أزورها من فينيسيا يوم واحد وأرجع أو من ميلانو يوم واحد وأرجع؟

وبالنسبة لشهر 11

بحيرة كومو أو جاردا أو الذهاب إلى لوغانو (بيكون مناسب؟؟؟؟؟) مع ملاحظة أن الجو خريف داخل على شتاء (شهر نوفمبر)

بالسبة للمخطط عندي تعديل بسيط

3 ايام روما
لو حاظنا انكم بتجلسون في روما يوم واحد والباقي بيكون في فلورنس وبيزا

وعلما انا فلورس الى بيزا تبعد ساعة وشوي بينما روما الى بيزا لازم تغيرون قطار في فلورنس يعني بياخذ طريقها ساعتين وثلث الى فلورنس ومن ثم من فلورنس الى بيزا ساعة وشوي

وملاحظه اخرى هو ان من فلورنس الى فينيسيا حدود ساعتين وشوي اقرب نت بكثير من روما الى فينيسيا حدود 4 ساعات وثلث

لذلك

يوم روما
يومين فلورنس

3 ايام فينيسيا (ويوم تطلعون الى فيرونا وترجعون بنفس اليوم اقرب من ميلان )

يومين ميلان

هذا البرنامج الي افضل بكثير في نظري وبيوفر عيكم مصاريف التنقل

بالنسبة للبحير زي ماقريتي بالتقرير انا كنت بشهر 12 في لوقانو وكانت البحيرة جميله بصراحة بس الي زاد متعتها هو ان وقتنا كان في بداية الكرسمس وكان في حركة. بس ان شاء الله بتكون متعه في 11

بالنسبة للتنقل هل هو متعب ؟؟؟؟؟

والله حنا يوم نروح كنا خفيفين كل واحد معه شنطته وماكنا نشيل هم المشاوير فما كانت تتعبنا

لكن في حالة معكم اطفال او كثرة عفش فاعتقد بتعبكم

حلو وايد..

أنا كنت متخوفة من مسألة التنقل بين بيزا وروما وفلورنس.. وكنت ابي اشوف إذا يصلح نروح لهم ونرجع بنفس اليوم أو لا

بس شكي طلع في محله أن من فلورنس أقرب إلى بيزا ولازم ابات في فلورنس

أحنا رايحين شهر عسل يعني اكيد مافي أطفال والمفروض ان التنقل خفيف علينا

طيب خل نستفسر أكثر (شكلي طفشتك من كثر الاستفسارات)

إذا جلسنا يوم واحد بروما... يعني يوم الوصول بيكون جولة في روما عادية
واليوم الثاني من الصباح نقدر نروح مكان ولا لازم نطلع على طول على فلورنس؟

لأن في حديقة فيلا بورغيسي ووحدة ثانية كأن .. هذول ما نقدر نزورهم؟
وهل في لهم مواسم يعني يسكروا الحدائق؟

نقطة أخرى... اوقات انطلاق القطارات من متى تبدأ؟

يعني كم رحلة في اليوم في من روما إلى فلورنس؟
وكم رحلة في اليوم من فلورنس إلى بيزا؟
وكم رحلة في اليوم من فلورنس إلى فينيسيا؟
وكم رحلة في اليوم من فينيسيا إلى فيرونا؟
وكم رحلة في اليوم من فينيسيا إلى ميلانو؟

ومتى آخر وقت ترجع فيه الرحلات؟ يعني على افتراض طلعت من فلورنس على بيزا ورديت في نفس اليوم.. اطلع الساعة كم وأرد الساعة كم؟

المفروض جداول القطارات ثابتة.. أقدر ألقاها ألحين؟

عشان لما أروح يكون الخطط واضحة ان الساعة هالكثر بطلع وبوصل على الساعة هالكثر ومتى اعمل حسابي للعودة

طبعاً نفس الكلام ينطبق على كل المدن

نقطة أخرى...

تنصحني بماذا أفضل؟

زيارة من ميلانو إلى

لوغانو؟
أو بحيرة كومو؟
أو بحيرة جاردا؟

وأيها أفضل وأجمل؟ علماً بأنني أعشق الطبيعة وكان خاطري في سويسرا بس الكلف قال لي غيري رايك عن سويسرا عشان شهر 11 كلها ثلوج وما راح تشوفي شي بسويسرا

برشلونا من تاريخ 2 --6 /12 4 ايام

Hotel Barcelona Universal

http://www.booking.com/hotels/hotel/...06&aid=1329869

سعر الغرفه لشخصين ب 374 يورو = 748 يورو


هذا شكله حلو
ب H10 Montcada

http://www.booking.com/hotels/hotel/...06&aid=1329869


سعره =342 يويرو = 684 يورو

هذي شقه شكلها حلوة بالمرة

Apartments Visit Barcelona

http://www.booking.com/hotels/hotel/...06&aid=1329869

سعرها ل 4 اشاخاص = 696 يورو


هذي ب460 لل 4 اشخاص

http://www.booking.com/hotels/hotel/...06&aid=1329869

هذا رابط كله شقق ممكن تشوفونها

http://www.booking.com/searchresults...D2&aid=1329869


بالنسبة لمدريد
طبعا رحلات السعودية لمدريد كل جمعة وثلاثا على ذالك بتجلسون في مدريد يومين والثالث موعد السفر

من تاريخ 6 --8 /12 2 يويمن

Vincci Vía - 66

http://www.booking.com/hotels/hotel/...08&aid=1329869

سعر الغرفه ب205 يورو = 410 يورو ل غرفيتين


Tryp Menfis

http://www.booking.com/hotels/hotel/...08&aid=1329869

سعر الغرفه العائلية ل4 شاخاص ب 363 يويور



http://www.booking.com/hotels/hotel/...08&aid=1329869
سعر الغرفه ب 218 يورو = 432 يورو للغرفيتين

هذا رابط الشقق في مدريد

http://www.booking.com/searchresults...D2&aid=1329869


هذي شقه ب 378 يويرو للعائلة كل

http://www.booking.com/hotels/hotel/...08&aid=1329869


يعني مجوموع السكن في اسبانيا = 696 (شقه في برشلونا ) + 363 =1059 يورو

مجموع السكن لطيلة الرحلة لمدة 16 يورو = 1790+1059 = 2849 يورو = 5698 ريال سعودي


بالنسبة لحجز الطيارن م ميلان الى اسبانيا على خطوط http://www.easyjet.com

ل 5 اشخاص كلكم = 196 يوور في حالة الحجز مبكرا

http://www.easyjet.com/en/book/step2.asp


ارجوا ان اكون قد افتك

تحياتي........................

[QUOTE=نـــــــارا;2782633][SIZE="4"][COLOR="Purple"]حلو وايد..


وهل في لهم مواسم يعني يسكروا الحدائق؟

لستو اعلم لكن ممكن احد من الاخوان يفيدك بمواعيد الحدائق لكن اتوقع انها بتسكر ولستو متاكد .

نقطة أخرى... اوقات انطلاق القطارات من متى تبدأ؟

انصحكي بدخول موقع القطارات بيفيدك كثير من ناحية المواعيد والسعر والمسافه ومواعيدهم ثابته ولاتخافين تقريبا كل ساعة او نص ساعة رحلة

هذا موقع القطارات الايطالية


http://www.ferroviedellostato.it/


وهذا موقع القطارات الاوربيه بشكل عام

http://www.raileurope.com/index.html

بتلقين جواب لجميع الامور المتعلقه بالتنقل وبشكل ادق ووضوح وبيرد على جميع اسئلتك وان اشكل شي
عليك افيدنا

ومتى آخر وقت ترجع فيه الرحلات؟ يعني على افتراض طلعت من فلورنس على بيزا ورديت في نفس اليوم.. اطلع الساعة كم وأرد الساعة كم؟

على حسب ماتبون تبون الساعة 9 الصباح تلقون رحلة والرجعه لو تبون الساعة 10 تلقون رحلة جميع الوقات موجودة

المفروض جداول القطارات ثابتة.. أقدر ألقاها ألحين؟

نعم

عشان لما أروح يكون الخطط واضحة ان الساعة هالكثر بطلع وبوصل على الساعة هالكثر ومتى اعمل حسابي للعودة

طبعاً نفس الكلام ينطبق على كل المدن

نقطة أخرى...

تنصحني بماذا أفضل؟

زيارة من ميلانو إلى



لوغانو؟
أو بحيرة كومو؟
أو بحيرة جاردا؟

لم ازر الا لوقانو واعتقد هي احلاهم



بالنسبة للجدول

انا اشوف انكم تكنسلون فلورنس وبيزا وتحرصون على روما لان روما حلوة بصراحة واحس حرام عليها يوم واحد

فلورنس اقدر اقول انها روما مصغرة وبيزا مافيها شي سوى البرج

فلو تحطون 3 ايام روما يكون افضل
وعلى فكرة في جزيرة اسمها كابري يمديكم تروحون وترجعون بنفس اليوم تبعد حدود الساعتين عن روما
بس مادري هل فيها نشاطات في شهر 11 ابحثو فيها


اي استفسار انا حاضر


تحيااتي...................................:101:]

شكراً الليث الإيطالي...

إذا كنسلت فلورنس.. بجلس 3 أيام في روما


شنو البرامج اللي ممكن أسويها

مع العلم أن التسوق آخر اهتمامنا

وأنا اللي اعرفه أن روما كلها أثرية.. يعني أول يوم بكون تجولت في المناطق الأثرية على اعتبار انها كلها قريبة من بعض

هل فيها طبيعة؟

يعني انت ذكرت أن فيها الحديقة بس تخيل لو كانت الحدائق تسكر في نوفمبر!! يعني ما راح استفيد شي وما راح اشوف غير المناطق المعروفة واللي بجولة يوم واحد تخلص

ممكن اقتراحات إلى اليوم الأول والثاني والثالث شنو نسوي فيهم؟

وكيف أقدر اعرف إذا في انشطة مسكرة مثل الحدائق والبحيرات.. لأن بجذي ما بقدر أحدد

وعلى فكرة احتمال كبير أبدأ بباريس عشان تذاكرنا راح تكون تقريباً بلاش لأن زوجي يشتغل بشركة طيران وما راح نلقى إلا على باريس أو لندن كبداية وطبعاً أنا أفضل باريس

وعندي خطتين

يا إما اقضي أيامي الأولى بباريس وبعدها انتقل إلى ميلانو ونمشي بالتدريج لحد ما نوصل إلى روما ومن روما ناخذ طيران إلى لندن ونقضي جم يوم ونرد من لندن للبحرين

أو أن أول ما أوصل باريس آخذ طيران داخلي إلى روما وابدأ الرحلة مثل الخطة انتهاء بميلانو وأدخل بعدين باريس اجلس فيها كم يوم وانطلق من باريس إلى لندن وبعدين العودة

أحس كل شوي تتعقد!!

المشاركة الأصلية كتبت بواسطة الليث الايطالي
http://www.arabtravelersforum.com/tr...0/#post2799890



بالخير يالطيب


في الحقيقة ان كانك تبحث عن الطبيعه في اوربا فأكيد سويسرا والنمسا تفوق جميع الدول الاوربيه من ناحية الطبيعه والخضار ولوقانو تعتبر جزء بسيط من الطبيعه التي في سويسرا مقارنة بانترلاكن وغيرها انصحك بسويسرا او النمسا اذا كان هدف الطبيعه والاجواء الحلوة ومستوى سياحه

ايطاليا اقل مستوى من سويسرا والنمسا لكن لها ميزة اونكهة خاصه في مدنها واثارها وفينيسيا تعتبر اجمل مابي ايطاليا ان زرتها مرة بتقول لازم امرها مره ثانيه

وممكن تزور رابط تقرير عن عجائب الالب في اسفل التوقيع

تحياتي...............................ز






مشكور يالطيب

انا زرت سويسرا بس و دي ازور ايطاليا بس خوفي انصدم من ايطاليا .
و تحياتي

:101:





المشاركة الأصلية كتبت بواسطة layl
http://www.arabtravelersforum.com/tr...2/#post2803942

مشكور يالطيب

انا زرت سويسرا بس و دي ازور ايطاليا بس خوفي انصدم من ايطاليا .
و تحياتي





هلا layl

انصحك تركبين صدامات عشان ماتنصدمين :109::109:


امزح معك :101:

لا ان شاء الله تنال اعجابك وممكن تمرون على مدينة ثانية في حالة ماعجبتكم يعني تزورون ايطاليا ومعها مدينة ثانية النمسا اسبانيا لندن الي تشوفونه مناسب

لن نفس الشي صار مع خوي زرنا اسبانيا وسويسرا وايطاليا وخلينا ايطاليا اخر شي بالرحلة
وماعجبته ايطاليا وقال الحمدلله انها كانت اخر شي بالرحلة

طبعا الناس اذواق :101:



تحياتي...............................:101:

ماشاء الله تبارك الله
تقرير مفصل و اكثر من رائع

المشاركة الأصلية كتبت بواسطة الديما
http://www.arabtravelersforum.com/tr...0/#post3444400

ماشاء الله تبارك الله

تقرير مفصل و اكثر من رائع

شكرا على المرور


تحياتي........................ز