المشاركة الأصلية كتبت بواسطة wesmy1
http://www.arabtravelersforum.com/tr...6/#post2241092
الاخ الغالي// محبكم بالله
لي قريب يدرس حاليا دكتوراة في استراليا ضمن البرنامج
ارسلت له استفساراتك ويجيك خبر اول مايرد علي
اذا حابب انسقلك تتواصل معاه على الماسنجر
على شان تاخذ العلم من الراس للراس تراني حاضر
السلام عليكم ورحمة الله وبركاته
تحية طيبة وبعد
بخصوص استفسارك عن البعثة لا ستراليا قريبي رد علي واتركك مع رسالته نصا //
بالنسبة لصاحبك اللي جايته بعثه لاستراليا انا حاضر لاي شي يبيه .
اما عن استفساراته التالية :
- كيف الجو : الجو عموما في استراليا جميل حار صيفا وبارد شتاءا , ولكن على حسب المدينة او المنطقة اللي يبي يروح لها , عموما بالنسبة للمدن الكبيرة سيدني ومالبورن وبرزبن فالجو العام جميل وتعتبر من اجمل مدن استراليا .
الجامعات وايش افضل شي : هذه صعب تحددها لان الجامعات كثيرة والتخصصات متعدده , فتلاقي تخصص في جامعة معينه زين وفي تخصص ثاني العكس , ولكن على الاجمال اتوقع الكل يمدح جامعات استراليا , ماسمعت احد يسبهم . اما افضل شي , فما ادري هل السؤال الافضل تعني الاسهل او الاقوى , لذلك راح اوضح الكل . الاسهل ماضنيت انهم متساهلين , لانهم اذا تساهلوا راح يجي الكل يدرس هنا وياخذ الشهادة اللي يبي , وايضا ماضنيت دولتنا العزيزة تبتعثنا لها اذا كانت الجامعات متسيبه , لذلك اللي انا اشوفه من دراستي للغة انهم جديين مرة . اما عن اقوى الجامعات فهناك خمس جامعات تعتبر الاقوى من بين جامعات استراليا وذلك على حسب التصنيف العالمي للجامعات , ولكن مايمنع انها لاتخلو من الطلاب السعوديين او العرب , ولكن قد تكون شروط القبول فيها شوي صعبة . لذلك على صاحبك بعد ان يحدد المرحلة اللي يبي يدرسها والتخصص , عليه ان يطلع على عدد من المواقع التي تهتم في الطلبة في استراليا , ويحاول يساوي احصائية بالطلبه اللي يدرسون في نفس تخصصه ويحاول يارسلهم ويعرف اكثر , لانهم راح يفيدوه اكثر مني , وهذا مايمنع ان اساعده .
اما بالنسبة لحياة المرأة المتحجبة في استراليا فعاديه ولا تتعرض لاي مشكلة , لان بعض الزملاء زوجاتهم متغطين كامل , والقانون هنا يمنع هذا ولكن ماحد قالهم شي , وعايشين بكل امان وبكل اريحيه . اما بالنسبة لدراستها فالوضع جيد , لاني عايش الوضع ويدرس معي بنات سعوديات واحسهن مرتاحات ومجتهدات اكثر مننا . يعني على حسب طموح الشخص والهدف من دراسته , لان اللغه الاكاديمية يبيلها شغل مو سهل . اما بالنسبة للاطفال فعلى حسب اعمارهم , اذا كانوا فوق 7 سنين فيدخلهم مدارس ويكون ذلك على حساب الملحقية , اما اذا كانوا دون ذلك فيدخلهم حضانه ولكن يكون ذلك على حسابه الشخصي , واللي اعرفه من تجارب احد الزملاء انه يعطي العائله اللي حاط ولده عندهم اربعين دولار يوميا , واعتقد هذا كثير , ولكن ما باليد حيله , مضطر .هذا بالنسبه لسيدني , واعتقد في غير سيدني يكون ارخص , لان سيدني دائما اغلى من غيرها من المدن .
ولكن بلغ صاحبك هالجمله
اعقلها وتوكل
والله الحافظ والمرشد الى الطريق الصحيح
وشكرا
اسال الله لك التوفيق
المفضلات