الموضوع: قطر مرة ثانيه

بقول شي عن قطر يعني انتقاد ياليت اخواني يتقبلونها بصدر رحب لاني ابي انتقد نقد بناء للمستقبل
[blink] اولا[/blink] تعبت من عمليه الصرف لاني بصراحه مالقيت ريال قطري بالكويت وخصوصا بالمزيني وبعض محلات الصيرفه فقلت اصرف في قطر لما ارجع من دبي وعندي دراهم اماراتيه خاشهم عن المرة لاتاكلنا من المشتروات دورت محل صيرفه مالقيت الا في البنك وتعال يادور واخذ رقم وهويه وبلاوي ليمن صرفتها واكسروني فيها تقول صارف في اوروبا يعني نزلوا سعر الدرهم واجد
[blink]ثاينا[/blink] من كثر مازرت المطاعم دائما اقعد بروحي مع العايله مثلا مطعم شبستان قعدت مع العائله بروحنا تقول المطعم جديد مافيه احد سالت العامل شالسالفه يقول مافي احد يتعشى متأخر في قطر الساعه كانت 10 بالليل مو منتصف الليل وكذلك الفطور الصبح المطاعم خاليه والاسواق مافيها قطريين بالليل ليش ما ادري عندي واحد من الربع يقول حنا نداوم من الاحد الى الخميس يعني الجمعه والسبت عطله قلت له خير يعني ما تسهرون ماحد يزرق من الدوام مثلنا مو معقوله
من الاشياء الجميله اللي شفتها كثرة مكينه السحب الالي[blink] ( a t m )[/blink] بصراحه تلفت يمين تلقاها وشمال تلقها بكل مكان وكل محطه بنزين وكل مجمع وكل دور بالمجمع شي مو طبيعي ليش ما ادري يبون الناس تسحب فلوسها بسرعه الظاهر
ما اقدر اثقل على اهل قطر بس هذا انتقادي البسيط ياليت واحد يفكر ونسوي مشروع محل صيرفه في السيتي سنتر:115:

مواضيع عشوائيه ممكن تكون تعجبك اخترناها لك:

• تكفون يأهل قطر
• كيف اصل الى مجمع فلاجيو
• استفسار عن جنة الخليج
• رمان الطائف يرحب بأهل قطر في الطائف
• منظر لبرق سريات الدوحة
• منتجعات قطر
• صور المقر الجديد للنادي الاهلي القطري
• كم سعر التكسي من الهفوف للدوحه
• من يدلنا على حد يبي يبيع ساعة رولكس
• تـقـرير زيــارتي الــى الــدوحة فــي عــيـد الـفطـر الـمـبارك اكثر من صورة
• أمطـــار تمبــك الخـــور بعدســة أوتـالحزنـار الخـيــال
• تاكسي من الدوحة الى الهفوف
• من الكويت الى قطر كم ساعة بالسيارة ؟
• هل يوجد شقق مفروشة في قطر
• شوفو وش الي صار يوم حجزت الماريوت
• العيد في قطر
• ۝۝ فــنــدق هــولــيــدي فــيــلا الــدوحــه ۝۝
• الخطوط القطرية تسير أولى رحلاتها إلى مدريد
• مقارنة بين فنادق مهم يا شباب
• خريطة الدوحة لا تفوتكم

:109: :109: :109: :109: :109:

أخوي .. ناصر .. الحمدالله على سلامتك .. وصولك بالسلامة ..
وهلا والله فيك في الدوحة .. ونروت ..

آسفة على الضحكة .. ولكن هناك بعض الأشياء اللي ضحكتني صراحة ..






اولا تعبت من عمليه الصرف لاني بصراحه مالقيت ريال قطري بالكويت وخصوصا بالمزيني وبعض محلات الصيرفه فقلت اصرف في قطر لما ارجع من دبي وعندي دراهم اماراتيه خاشهم عن المرة لاتاكلنا من المشتروات دورت محل صيرفه مالقيت الا في البنك وتعال يادور واخذ رقم وهويه وبلاوي ليمن صرفتها واكسروني فيها تقول صارف في اوروبا يعني نزلوا سعر الدرهم واجد



صحيح قطر تعاني من قلة المصراف لديها ..
عندك مصرف .. يوجد بالقرب من سوق واقف .. الكثير يصرفون هناك ..
بس رقم .. وهوية .. وهذي الأشياء .. :114: :114: أول مرة أسمع فيها صراحة ..
وبعدين كان أستخدمت العملة الأماراتية .. فالعملة الأماراتية .. يقبلونها أغلب المحلات ..







ثاينا من كثر مازرت المطاعم دائما اقعد بروحي مع العايله مثلا مطعم شبستان قعدت مع العائله بروحنا تقول المطعم جديد مافيه احد سالت العامل شالسالفه يقول مافي احد يتعشى متأخر في قطر الساعه كانت 10 بالليل مو منتصف الليل وكذلك الفطور الصبح المطاعم خاليه والاسواق مافيها قطريين بالليل ليش ما ادري عندي واحد من الربع يقول حنا نداوم من الاحد الى الخميس يعني الجمعه والسبت عطله قلت له خير يعني ما تسهرون ماحد يزرق من الدوام مثلنا مو معقوله



:109: :109: :109: :109: :109:
شفيك .. أنت تبي تخربنا .. حنا نام بدري .. ونصحى بدري ..:109:
لا أخوي .. ما أظن أن الساعه 10 باللليل المطاعم خالية .. هناك ناس صحيح .. بس مو وايد .. لأن أغلب العشيات تبتدي من الساعه 8:430 على 9 .. وتنتهي 10:30 على 11 ... هذا بالنسبة لنا ..
وصراحة قطر معروفة .. بحب أهلها للمطاعم .. وصراحة أنا إذا رحت مطعم .. تلاقي أقعد ساعة لين يلاقون مكان .. دايم أكثر المطاعم تكون مليانة .. بس طبعاً مايتمون لين وقت متأخر ..
وبعدين مالقيت إلا شبستيان .. بالنسبة لي .. وذوقي .. ما أحب هذا المطعم .. هناك مطاعم حلووه غيره ..

والأسواق بنص الأسبوع .. صرااحة .. فاضية .. هذا إذا مافي مناسبات .. يعني بالنسبة لي .. أقدر اروح السوق بالليل ومتأخر .. بنص الأسبوع .. لأني أدري .. أن ماراح إلاقي زحمة .. وبيكون شبة فاضي .. أما نهاية الأسبوع ماتقدر تدخل .. من الزحمة ..
وشبابنا الله يحفضهم .. مايدخلون المجمعات .. تلاقيهم يدرون حول المجمع بسياراتهم .. مادري شالسر .. وخصوصاً حول الأند مارك ..
أما حد يزرق من الدوام هذي فيها قطع إرقاب :36_6_10: .. :109:
لا .. ليش الواحد أصلاً يطلع من دوامة علشان يقعدت متسنتر في المجمع .. ولا في ستار بوكس .. يقعد بدوامة أبرك له ..
وبعدين تلاقي أغلب فترة الصبح .. نسوان .. ويوم الأحد نصيحة لا تدخل المجمع .. لأنه أغلبه أجانب .. بشكل ماتصورة ..:105:







من الاشياء الجميله اللي شفتها كثرة مكينه السحب الالي ( a t m ) بصراحه تلفت يمين تلقاها وشمال تلقها بكل مكان وكل محطه بنزين وكل مجمع وكل دور بالمجمع شي مو طبيعي ليش ما ادري يبون الناس تسحب فلوسها بسرعه الظاهر



:109: :109:
تدري خليتني أفكر فيها .. والله ماأنتبهنا لها ..
صحيح في كل مكان تلاقيها ..
تدري يمكن علشان يسهلون علينا .. وإذا شفنا شي .. وعجبنا .. على طول هذا جمبنا .. ونسحب .. :109:






ما اقدر اثقل على اهل قطر بس هذا انتقادي البسيط ياليت واحد يفكر ونسوي مشروع محل صيرفه في السيتي سنتر



ياهلا فيك أخوي ..
بالعكس .. انتقادك على العين والراس وانتقاد حلوو وخفيف .. وخليتنا نلتفت لبعض الأمور .. وهم خليتنا نفكر بعمل مشروع بسيط ..:109:


أخوي ناصر .. آسفة على الأطالة ..


تحياتي لك



:101:

الاخت العزيزه سوار وبسميج سوار الذهب اولا الله يدم الظحكه دوم وهذي عاده باهل قطر الله لايغيرها دايما بشوشين

العمله الاماراتيه المحلات رفضوا ياخذونها مني والبنك هو اللي طلب مني الهويه لو ادري فيه محلات صيرفه في سوق واقف جان ما سالت على طول رحت له

وثانيا المطاعم هذا للي وصوني في الربع هني اروح لها لو ادري جان سالتج عن اي مطعم تروحين له

وفيه شارع ما عارف شنو اسمه كله في مطاعم على الواقف يعني سندويشات بس مزدحم للاخر


وبالنسه للاسواق عاد مو معقوله بس للمناسبات تروحون للسوق تعالي شوفي اسواقنا كل يوم عندنا مناسبه

وانشاء الله لي جيه ثانيه بعد ماتخلص الاسياد وابي اتريق في مطعم بيروت واتعشى في مطعم شجاع

الاخت العزيزه سوار وبسميج سوار الذهب



هلا فيك .. أخوي ..
سوار الذهب .. :110: :110: مادري ليه الكل يقول .. خلاص بنسميج سوار الذهب ..:109:
الله يرحم سوار الذهب رئيس السوادن ..
وأي أسم جاي من أهل الكويت .. ياهلا فيه ..






اولا الله يدم الظحكه دوم وهذي عاده باهل قطر الله لايغيرها دايما بشوشين



تــــــــــــــــــســلم ..







العمله الاماراتيه المحلات رفضوا ياخذونها مني والبنك هو اللي طلب مني الهويه لو ادري فيه محلات صيرفه في سوق واقف جان ما سالت على طول رحت له



:114: :114: :114:
غريبة .. أنا كم مرة أشتري بالعملة الأماراتية .. إذا ماكان عندي قطري ..






وفيه شارع ما عارف شنو اسمه كله في مطاعم على الواقف يعني سندويشات بس مزدحم للاخر



كل شوارع الدوحة فيها معاصر ومطاعم .. وزحمة ..






وبالنسه للاسواق عاد مو معقوله بس للمناسبات تروحون للسوق تعالي شوفي اسواقنا كل يوم عندنا مناسبه



من قال بس في المناسبات أروح .. أنا أقصد تكون المجمعات زحمة .. إذا كان في مناسبة .. أو مهرجان .. أما أنا كل أسبوع تقريباً رايحة السوق .. أشوف الجديد اللي نزل .. وخصوصاً لاند مارك .. لأنه قريب منا ..






وانشاء الله لي جيه ثانيه بعد ماتخلص الاسياد وابي اتريق في مطعم بيروت واتعشى في مطعم شجاع



ياهلا فيك مرة ثانية ..
ومطعم شجاع :36_1_2: الله يهديك مالقيت إلا هو ..:109:

ونسيت أقولك .. وقت الفطور الصبح .. ماتلاقي إلا النسوان في المطاعم يفطرون .. بسبب انشغال أزوجهم في العمل ..:109: :109:
هذا وقت الدوام .. أما بالصيف أو بالأجازات تلاقي المطاعم الصبح كلها عوايل ..


ويامرحبا بك مرة ثانية .. وماقلت لنا شلي عجبك بالدوحة ..



:101:

اخوي كل عام وانت بخير واحياك اللف في قطر لكن اخوي كلامك فيه مبالغه وايد لايوجد مصرف ياكثرها عندنا من سوق واقف وشارع سلوى وشارع حمد الكبير حتى المطار موجدين اما المطاعم اخوي انت مبالغ شوي في هذا الموضوع الان اكثر القطريين او العوائل يحبون تناول العشاء في المطاعم حتى في واقت متاخر من الليل اما بخصوص العمله انا اكثر العملات احملها معاي هي الدرهم الاماراتي بحكم سفري الدائم الى الامارات الحبيبه ولك الف تحية اخوي

نرحب بالجميع في دوحة الجميع ولكن نعتذر من زوارنا وضيوفنا الأكارم لأن دوحتنا الجميلة أصبحت كورشة عمل استعدادا لدورة الألعاب الآسيوية ، فالشوارع مزدحمة بشكل لا يطاق بسبب الإصلاحات الكثيرة في الشوارع الرئيسية والفرعية ... نرحب بانتقادات الأخ الكويتي وكل انتقاد هادف ( مع التحفظ على بعض المبالغات التي وردت ) وأهلا وسهلا بك في بلدك الثاني قطــــر .

يااهلا فيك والله اخوي ناصر ويامرحبا بك

نوورت الدوحه

:106:

اخوي ناصر انتقاداتك مافيها شي بالعكس اذا كانت هادفه مثل ماذكرت اختي هيا

لكن لو سألت جان لقيت واللي يسأل مايتوه لان في في شارع السد اربع محلات صرافه وهااي غير اللي في المجمعات والاماكن الاخرى في الدوحه مثل ماذكر الاخوان

وثاني شي لو تسحب من الاي تي ام احسن لك بدال صرف العمله واالفرق والبنوك معروفه في كل مكان عمولتها غير واغلى :108:

وثالث شي حبيبي المطعم اللي انت رحت له صار دووم طلبات للمنازل :114:

يعني رحت انا والربع ولقيته فاضي مثلك واستغربت

وبيني وبينك احسن عن الازعاج :109:

واذا تبي الزحمه عندك المطاعم اللي في تقاطع رمادا هااي دوم مزدحمه وفي كل الاوقات

وعن السهر انا عن نفسي ما اسهر لان رقادي ثقيل وماقوم للدوام بسهوله :110:

خخخخخخخخخي

بس معظم الناس يسهرون في قطر وهااي صار في الاوانه الاخيره (( يابلفيت انفتاح )) :109:

وعن الاي تي ام هااي شي زين ولا شراايك :11ight:



واذا لك زياره ثانيه ياليت تخبرنا عشان تاخذ رقم تلفون حد من الاعضاء او انا :109:

عشان اذا كنت في الدوحه وصار عندك استفسار ندليك المكان على طول

وحيااااااااك الله في بلادك اخوي ناصر

واي استفسار احنا حاضرين لك حبيبي

ملاحظه : زيارتك القادمه لنا بعد الاسياد فكره جميله جدا لان الوقت الحالي قطر مثل ماقالت اختي سوار ورشة عمل مستويه

ومشكووووووور عالموضوع الهادف اخوي ناصر ومايخفا علينا حبك لنا وكلنا نحب بعضنا والله يديم المحبه بينا

بس بقولك شي ولاتعلم حد

انا لين الحين ماييت الكويت :11ight:

هههههههه

وان شاء الله ازورها في اقرب وقت

ولك مني خالص التحية اخوي ناصر


اخوك
قـــطــــــري

اولا انا شاكر لكم التفاعل الشيق مع الموضوع انا لو تشوفون دمي تلاقونه عنابي من حبي لقطر وهذا اللي قلته انتقاد للتصحيح مو قصدي اي شي ثاني لاني في السيتي سنتر وهو من المجمعات الكبيرة في قطر المفروض يكون فيه صراف وهذا اللي بسويه مع اختي سوار الذهب مشروع شراكه

السبب الحقيقي لزيارتي لقطر هي رؤيه صديق من ايام الشات من اربع سنوات ما شفته وتكونت عندي صداقه قويه وياه وصرنا مثل الاخوان وحنا ما شفنا بعض واخيرا شفته وتلاقينا وما حبيت اقول شي عن روحتي خايف لايعرف ويسوي العزايم والبلاوي يعني مفاجاه

وحق اخوي قطري اللي عجبني في قطر بكل بساطه اقولها قطر سهله ومو معقده اشلون افسر ما عرف من اول يوم عرفت كل شي ولا ضيعت وعلى طول من الفندق الرتاج اللي في شاؤع السد للسوق والمجمعات والكورنيش وارجع بكل سهوله

وايظا طيبه اهل قطر من عرفوا اني كويتي الكل يرحب فيني ويحاول يعزمني مع اني ما عرفه وهذا مو غريبه عليكم اهل قطر

وطبع السياقه عندكم سهله مع كثرة الدورات بس في احترام يعني مو نفسنا اللي يدخل الدوار تقول يبي يتهاوش

وطبعا اللي عجبني وقلت عنه مرة ويستاهل اقوله مرات ثيرة مركز ابوسمرة

رااااااااااااااااااااائع راااااااااااااااااااااااااااااااائع بكل معني الكلمه شي ما شفته في كل دول العالم

ولنا لقاءات مرة ثانيه وراح اعلمك يا قطري علشان اقز وياك

ههههههههههههههههههههههااااي

والله ياخوي ناصر احرجتني وايد بردك

وطولت وتوهقت وماعرفت شارد عليك

والله يديم المحبه بينا كلنا وخليجن واحد وبلادنا وحده

واذا كان في حدود احنا مانعتبرها حدود ولا راح نفكر فيها

والله ياخوي ياناصر انت دمك عنابي

مثل مانت تقول وانا اقولك انته الحين في دمنا احنا يا اهل قطر

والف مرحبا فيك وسهلا

واتمنى من القادر الكريم انك تزورنا في اقرب فرصه وخاصه في عرسي واذا قرب راح ارسالك بأذن الله الواحد الأحد

ويااااااااااااااااااااااااااااااااااااهلا فيك
ويااااااااااااااااااااااااااااااااااامرحبا

من قطر لي الكويت



ومشكووووووووور على ردك الراقي ومن اصلك حبيبي

ولك مني خاااااااااالص التحية والتقدير


اخوك العزيز
القـــطــــــري

اخوي القطري الف مبروك على عرسك اللي بعد ما حددته ويارب يكون بعد الاولمبياد علشان نجيك بعد الزحمه

وانا للمراسله اذا ما افي مانع من المشرفين نفس النك على الياهو

وياليت تخبرني قبل العرس بوقت تراكم قريبين من القلب ومن الكويت

انا بصف اهل قطر .. :113:






المشاركة الأصلية كتبت بواسطة na9erq8


[blink] اولا[/blink] تعبت من عمليه الصرف لاني بصراحه مالقيت ريال قطري بالكويت وخصوصا بالمزيني وبعض محلات الصيرفه




عندك محلات صيرفه بالفراونيه شغلها على القطري .. وغير القطري والكويتي لا تدور عندهم :113:






المشاركة الأصلية كتبت بواسطة na9erq8


[blink] اولا[/blink] محل صيرفه مالقيت الا في البنك وتعال يادور واخذ رقم وهويه وبلاوي ليمن صرفتها واكسروني فيها تقول صارف في اوروبا يعني نزلوا سعر الدرهم واجد




طبيعي .. اي بنك ما يصرف لك الا يتأكد من هويتك .. واكو بنوك يسلمونك المبلغ ويخلونك ماسكهم ويصورنك
مثل اللي يربح بشووت عندنا يمسك الشيك ويصورنه ويومين وصورته ترس الديره .. وحتى بباصات المواصلات تلقى صورته :112:






المشاركة الأصلية كتبت بواسطة na9erq8


[blink]
[blink]ثاينا[/blink] من كثر مازرت المطاعم دائما اقعد بروحي مع العايله مثلا مطعم شبستان قعدت مع العائله بروحنا تقول المطعم جديد مافيه احد سالت العامل شالسالفه يقول مافي احد يتعشى متأخر في قطر الساعه كانت 10 بالليل مو منتصف الليل



اما هذي :109: :109: :109: :109:
انتقـاد رائع والى الامام :x1:

هلابك اخوي واقتراحاتك اكثر من رائعة...والنقد الهادف..اعتقد انه يفيد الكثير بعيد عن المديح الزائد او الهجوم اللاذع...

تدري الدوحة حاليا ورشة عمل....حركة وزحمة وعمل متسارع لاستقبال اسياد 2006.....تحملونا شوي..مثل ما احنا متحملين..
بالنسبة للمطاعم...فيه معلومة بقولها لك..عندنا في قطر الحاجز الساتر....او الغرف المغلقة في اقسام العوائل تم ازالتها او تخفيفها لان صارت فيها ممارسات خاطئة من بعض الشباب والبنات..وتم السماح بحاجز غير كامل...او مفتوح......وبعض المطاعم اللي كانت تعتمد على هذا الاسلوب تراجعوا زبائنها شوي..وصاروا الناس يفضلون مطاعم البوفيه...تدري عصر السرعة يملون الناس من الانتظار

وبعدين مطعم شبستان...صح راقي..بس تبي الصراحة انا في قطر مارحت له الا مرة....وبعدين ماعليه اقبال هو اكثر شي طلبات خارجية للاعراس و ..زحمة المطاعم تحصلها في المطاعم عند تقاطع رمادا...المطاعم عند مجمع التنس...هذي انا اروح لها حتى الساعة 12 بالليل..دائما زحمة...

وبالنسبة لمحلات الصرافة...للمعلومية وقت دوامها ينتهي في 7:45 مادري هل هذا قانون او ليش بالضبط مادري...وهي كثيرة واكثرها بتحصله في شارع السد-سوق واقف من الخلف-اسواق الجبر والديرة وفالح
ولايطلبون شي منك....لابطاقة ولاغيره...والصراف اللي طلب منك هالطلبات لاتروحله مرة ثانية...

وانشاء الله اذا بتزور قطر مرة ثانية..بتحصلها غير....وياهلا بهل الكويت............كلهم

اولا شاكر لكم للتفاعل مع الموضوع ثانيا انا استفسرت عن قطر هني وعلموني اهل قطر عن الفنادق وعن المطاعم والاسواق وبالنسبه للفندق على طول رحت له بدون مشكله ويوم تروشت على قوله بو سلطان قلت اروح اتعشى بشابستان لانه نصحوني فيه بالموقع هذا يعني انا من وين ادل اول مرة في قطر وبالنسبه لمحلات الصيرفه اللي في الفروانيه رحت لهم ومالقيت قطري عندهم ما خليت محل الا الفحيحيل قلت بمرهم بطريقي :115:

بس مو مشكله الصرافه لاني اقدر اسحب من البنك الالي بسهوله ومثل ما قلت منتشرة بكثرة بس اللي ما توقعته اني ارد معاي فلوس وخصوصا درهم اماراتي يعني ام العيال هالمرة ما حنت وايد علي بالسوقه بس مثل ما قلت بسوي مشروع محل صيرفه في السيتي منو مستعد يرفع ايده

المشاركة الأصلية كتبت بواسطة na9erq8


وطبعا اللي عجبني وقلت عنه مرة ويستاهل اقوله مرات ثيرة مركز ابوسمرة
رااااااااااااااااااااائع راااااااااااااااااااااااااااااااائع بكل معني الكلمه شي ما شفته في كل دول العالم




سؤال ماهو مركز ابوسمرة ؟؟؟؟؟؟

اكثر المصارف الي فيها تبديل العملات كانت متركزه في سوق واقف و بعد التعديل على سوق واقف تم هدم وازاله الكثير منها ان لم يك كلها ونحن ايضا نعاني عند استبدال العمله

وارى ان هناك مصارف اخرى جديدة في منطقة السد التجاري

ف شارع السد نفسه صراف السد وبجانبه صراف اخر جديد

وهناك صرافة الفردان الجديدة في المنصورة بجانب سينما الخليج شارع المنصورة او نجمة
وملاحضة وجود صراف في الستس سنتر اعتقد انها موضوع فعلا مهم جدا

كما ان في فندق وفتيل يوجد عدة صرافة كما اعتقد في وسط السوق

الا ان كل ذلك يعتبر قليل جدا بنسبة الى ماتشهده البلاد من كثرة السواح و الوافدين







اما عن المطاعم اعتقد ان كثير من العوائل مازالت تتعشى بطريقة روتينية في المطاعم يعني في غالب الناس تطلب من المطعم اكثر من الخروج الى المطعم او عمل العشاء في البيت
شكلي اتحلم عشى في البيت من طبخ البيت
ههههههه

مركز بوسمرة هو المركز الحدودي بين قطر والسعوديه ياليت اني صورته لانه يستاهل التصوير بس ممنوع وطبعا من دخلته كان في اشارات للعايلات واخرى للشباب وتفاجات بوجود موظفات بالمركز الحدودي وذلك للتسهيل على العائلات فكل الشكر لمن ساهم وطور وعمل هذا المركز الرائع





المشاركة الأصلية كتبت بواسطة ام ياسر


سؤال ماهو مركز ابوسمرة ؟؟؟؟؟؟