الموضوع: ساعدني لرحله لمده اسبوع تكفون

مساء الخير

وعيدكم مبارك وعساكم من عواده ي رب

ناويه اسافر ماليزيا بتاريخ 16 سبتمبر والعوده يوم 24

انا سبق لي وزرت ماليزيا وحابه اروح لها هالمره زياره سريعه

وحابه تساعدوني بفنادق تكون ممتازه وسعرها معقول

بس ابغى تكاليف السفره كلها م تتعدى 10 الاف بالتزاكر

لاني حصلت على الخطوط الماليزيه لشخصين ب 3580

وازا في خطوط ارخص ياليت تدوني خبر لاني لسى م حجزت

مواضيع عشوائيه ممكن تكون تعجبك اخترناها لك:

• اريد ارقام سواقين بكوالا ولنكاوي الان انا بكوالا
• استفسارات عن لنكاوي قبل السفر
• بالنسبة لشراء التذاكر بالفيزا ؟؟
• فزززززعتكم
• تكفون لا تخلونه واحد رايح ماليزيا شهر عسل ويبيكم ضروري
• ارجو مساعدتكم في برنامج شهر العسل
• مسافر باذن الله الى ماليزيا
• هل سلانقور تستحق الزيارة
• أفضل فنادق ثلاثة نجوم في سيلانغور
• لا تضحكون من سؤالي
• اول زيارة لي لماليزيا وابي مساعدتكم
• ارجوكم ارجوكم الرد سريعا انا خايف جدا جدا
• تجديد شهر العسل
• رأيكم يا أخوان في برنامج شهر العسل للنكاوي
• طريقة عمل البوردنق أو "check-in " لطيران AIR ASIA "*
• تجربتي مع فندق ومنتجع لنكاوي لاقون
• شارع العرب ومحلات المساج
• اريد اضافه الكاميرون الى جدولي
• الى خبراء ماليزيا هاااااام جدا
• ساعدوني برحلتي لأول مره لماليزيا

ـأختي عندك الارخص خطوط الماليزيه والسعوديه لانها بدون توقف

وبالنسبه هذي زيارتك الثانيه على حد قولك حاولي تروحين لاماكن لم يسبق لك زيارتها


بالنسبه للنفادق الرخيصه انتي حددي الاماكن وان شاء الله ماراح نقصر معكك يالغاليه

أهلآ أختنا الكريمة ...

أسأل الله لكم التوفيق يارب ... ورحلة موفقة وسعيدة بأذن الله

بصراحة الخطوط الماليزية راااقية ... أتعب وأنا أقول راااقية ...

سافرت معهم مرتين ... وكانت قمة في الفخامة وأحترام المواعيد والخدمة الراقية ...

سعرها مناسب جدآ ... ومايتعوض بصراحة ... وأنصحك بالحجز عليها بدون أي تردد

وبخصوص الأيام الثمانية ... هذا التقسيم الأجمل :

يومين جنتنغ ( فندق فيرست وورلد )

ثلاثة أيام لنكاوي ( فندق الفوربوينت شيرانون )

ثلاثة أيام كوالا ( فندق الدورسيت ريجنسي )

* أتوقع تكلفكم الفنادق ( 3500 ريال )

* المصروف اليومي ( 400 ريال * 8 أيام ) = 3200 ريال

يعني كل السفرة ماراح تتجاوز ( 10000 ريال ) بأذن الله مع التذاكر الدولية

http://img528.imageshack.us/i/46297532.png/

الله يخليك اخوي

انا ابي اروح سيلانجور فندق الصن واي براميد
و الكاميرون اعجبتني بالمره ابي اجلس فيها بعد
وبياننج بعدين ارجع كوالا

تكفى رتبلي الفنادق بنفس هالسعر والفنادق ابيها شامله الفطور

انا وقع اختياري

على الصن واي براميد
والكاميرون هوتيل دي لي فرنس او الاكواتريال
وبياننج الهارك روك
بعدين في كوالا قراند ملينيوم

اخوي وافي

العام زرنا بياننج واعجبتنا بالمره حديقه الفواكه حقتهم مره حلوه

وغير كدا مو ناوين تسوق وكوالا احلى ما فيها شارع العرب فناوين نخليه يوم واحد بس لانو م راح نتسوق
ف بليز خليها بالجدول
وبالنسبه للكاميرون اش افضل
فندق الدي لافرانس
او الاكواتريال لاني حصلت جناح بسعر 842 ليومين
وبالنسبه لبياننج اش رايك بفندق الهارك روك
ابي فندق يكون على الشاطى وقريب من السوق الليلي
و بكوالا اخترت فندق قريب من محطه القطار وجربناه العام هو كراون بلازا
لو تعرف فندق يكون بشارع العرب وكويس فئه 5 نجوم ياليت تفيدنا يكون قريب من مجمع بي بي بلازا

والف شكر لك

اذا اربع مناطق وكل منطقه يومين
بيكون متعب جداً
يوم الوصول ويوم المغادرة باقي يوم اشوفه قليل جداً
انصحك تروحي على بينانغ برحله مواصله داخليه وتجلسي فيها ثلاثه ايام
وترجعي كوالا خمسه ايام يوم زيارة لصن واي
ويوم زياره لجنتنغ
والباقي كوالا
الترتيب
1-بينانغ 3ليال
2-كوالا 5ليال

أخوي الحبيب الغالي ( جداوي فلة )

أنا ذكرت لأختي الغالية أن الجدول سيكون متعب لو أضافت بينانغ ...

وبناء على رغبتها تم أضافة بينانغ والكاميرون ... للجدول ..

ومن رأيئ المتواضع :

كل يومين في منطقة ( أسهل ) من المواصلة إلى بينانغ مباشرة

لأنهم قادمين من رحلة دولية تسع ساعات ... وبعدها أنتظار ... ورحلة أخرى ... تعب بصراحة

وهنا أكرر نصيحتي لأختي الغالية ( أجواء خلابة )

ألغي بينانغ ... وراح ترتاحين والله ... وحدائق الكاميرون أجمل حدائق بماليزيا ...

يصير الجدول كما ذكرته في ردي الأول :

يومين سلانجور - ثلاثة الكاميرون - ثلاثة كوالا

http://img818.imageshack.us/i/77378203.png/

اخوي وافي انا عارفه اني بالمره متعبه بكثره الاسئله والكلام
بش وش اسوي والله اعجبتني بياننج والشاطى حقها عشان كدا مصره

والبارحه تم حجز التداكر على الخطوط الماليزيه بتاريخ

12 سبتمبر والعوده 22 سبتمبر

يعني مجمل الايام صار 9 ايام

وانا قررت الجدول يكون كدا

12 و 13 و 14 سيلانجور فندق الصن واي
14 و 15 و 16 اطلع على بياننج بس م ابغى طيران بروح بالباص وش لون احجز فين مكتبهم يعني
وبعدين 16 و 17 و 18 اطلع على الكاميرون برضو بالباص
وبعدين 18 و19 و20 و21 اجلس في كوالا

ويوم 22 العوده لارض الوطن

ياهلا أختنا الغالية ... والله العظيم مافي إزعاج ولاشيء

أنا من حرصي على راحتكم ... قلت هالكلام

الأن عندكم تسعة أيام ... لأنكم ستصلون بأذن الله يوم ( 13 ) ...

يعني هذا التقسيم بالتاريخ :

يومين سلانجور ( 13 -15 )

ثلاثة أيام بينانغ ( 15 - 18 )

يومين الكاميرون ( 18 - 20 )

يومين كوالا ( 20 - 22 )

* من سلانجور إلى بينانغ ... باص ( إيرولاين ) ومكتبهم أمام ألعاب الصن واي لاقون مباشرة

* من بينانغ إلى الكاميرون ( تاكسي 400 رنقت ) والمسافة أربع ساعات

* من الكاميرون لكوالا ... باص ( يونيتيتي ) بسعر 38 رنقت للشخص والمسافة أربع ساعات

http://img641.imageshack.us/i/36728847.png/

طيب اخوي باص يونتيني وين موقعه عشان اقص هالتداكر

ومكتب ايرولاين وين بالضبط عند الصن واي لاقون بالشارع والا بالسوق يعني وين مكانه
وعندي كمان سوال م اعتقد احد ساله قبل كدا

لمن احجز عن طريق بوكينق الحجز يجيني على الايميل بالعربي طيب كيف لمن اروح هناك م يطلبو فوتشر انجليزي

والله يعطيك العافيه على كل مساعده تقدمها لنا

ياهلا أختنا الكريمة ..

باص ( يونيتيتي ) في منطقة ( تاناراتا ) وسط الكاميرون ... وكل التكاسي يعرفونه

تانارتا هي قلب الكاميرون النابض .... وفيها الأسواق والمطاعم والمكاتب السياحية وكل شيء

أنتم فقط أخبروا التاكسي أنكم تبغون ( باص يونيتيتي ) وهو يعرف

والفاوتشر حق الحجز ... عادي بالعربي أو الأنجليزي ... أنا كنت أشيله بالعربي

لأن أهم مافي الموضوع هو ( رقم الحجز ) ...

لأن أستقبال الفندق أول مايطلب ( رقم الحجز ) ... ويطلع عنده كل شيء

وطبعا بوكينق يرسل الفاوتشر بلغتين ... وأنت أختاري اللغة اللي تبغين ...

وبخصوص مكتب باصات ( إيرولاين ) فهو عند مدخل مجمع البيراميد

أمام بوابة ألعاب الصن واي لاقون بالضبط ... وهذه صورة المكتب

http://img821.imageshack.us/i/2012em.png/

http://img215.imageshack.us/i/98259724.png/

الله يعطيك الف عافيه

وتسلم جدا جدا م قصرت

.............. من الموبايل