السلام عليكم
حجزي يوم 13سبتمبر من الرياض إلى روما ,,, والعودة يوم 27 سبتمبر من مدريد إلى الرياض
كثير قالوا لي طويلة مدة اسبوع لكل مدينة ,,, روما 5 أيام تكفي ومدريد يمكن يكفيها 4 أيام أيضا
المسافرين شخصين انا واحد من الزملاء
خطتي للسفر كالآتي :
6 ليالي في روما , و السكن قريب من المدرج الأسباني لأن حسب ما فهمت إن المنطقة فيها مطاعم و قهاوي وجلسات ,, أثناء وجودي في روما أفكر أزور برج بيزا المائل يقولون لي تروح له بالقطار من محطة Tremini ( اللي أنا بأحاول إن الأوتيل يكون قريب منها قدر الأمكان ) وطبعا يوم للفاتيكان , و بقية المدة احاول أشوف شئ مناسب لها , وبالمناسبة أنا أفكر في اوتيل نجمتين او ثلاث فقط .. احتاج فطور و انترنت وكل اليوم باكون برا أصلاً فماله داعي المبالغة في رفاهية الفندق , أحد جرب أوتيل كذا و ينصح به (سعر-موقع-نظافة) ؟
الفكرة التالية توها طلعت البارح
4 أيام في ميلانو ( ناس تقول مناسبة و ناس تقول لا المدينة حقت تسوق بس ) المهم أنا فكرت أطلع لها بسيارة نستأجرها من روما خصوصاً إن معاي GPS ( ايجار السيارة 3 ايام و تسليمها في ميلانو 250 يورو مشكلة السيارة احيانا أنها تكون عبء عليك مثل البنزين والمواقف وزي كذا ) وبعدين فكرت بالقطار ( اعتقد يطلع من محطة Tremini ) بس طبعا مدري وشلون نشتري التذاكر ؟ ولا سعرها ؟ ولا كم المدة ؟ ,, وللانتقال إلى مدريد وش أفضل خطوط للسفر ! ( طبعا أنا شايل هم لو نشتري حاجات من ميلانو معناته يبي لها شنطة زود والـ Easy Jet الظاهر ما عندهم مجال إلا إذا بتشتري وزن اضافي معك ! )
ولو انها طلعت في بالي فكرة نروح فينسيا في هالـ4 أيام بدال ميلانو ... مدري أيهم أحسن
نهاية الرحلة في مدريد
4 أيام مدريد ؟ هل تكفي ؟ ولو بتصادف مباراة بأقدر أشوفها و إلا كل التذاكر راحت ! يعني فرصة التواجد هناك ( و إلا الملاعب ما ندخلها بالسعودية أساساً ) وش في مدريد يستاهل نسكن بقربه ؟ شارع جراند فيا مثلاً !
خلوني ألخص أسألتي :
1)بيزا اللي فيها البرج ,, كم تبعد من روما ؟ و وش المحطة اللي تطلع لها ؟ كم التذكره أيضاً ؟
2) ساعات دوام المترو من متى إلى متى ؟ ( شكلي باستعمل التاكسي لو تاخرت بالليل ) ؟
3) أفضل شركة للباص السياحي في روما Open Tour-Open 110-Roma Christiana-City Sightseeing-Green Line-Ciao Roma ؟ سعر و مواقع انطلاق وراحة مقاعد ؟
4) الفاتيكان طبعا لو رحت بشورت ما تدخل ... بس برمودا عادي أظن ؟؟
5) الانتقال إلى ميلانو ,, رأيكم القطار أفضل ؟ أو السيارة ؟ ( ما أدري عن سواقة الشعب هناك و لا عن جودة الطرق )
فكم سعر تذكرة القطار و لما نوصل ميلانو وين ننزل و كيف نوصل للدومو ؟
6) السكن في ميلانو أحسن شئ حول الدومو ؟ و إلا أبعد عنه شوي ؟!
7) بالمترو كم الوقت من الدومو للمطار?
8) السكن يفضل في الجراند فيا ( تحديداً جنب ماكدونالدز )و إلا مكان آخر من الشارع ؟ ( الفنادق تحديد مواقعها غير دقيق ,, يعني يقولون 5 دقائق من الشارع الفلاني و أخرتها يصير يقصد 5 دقائق بالسيارة يعني نصف ساعة مشي
9) في كل الرحلة أنا أفكر في فنادق ال3 نجوم حد أقصى لأني ما اجلس بالفندق إلا وقت النوم + وقت الفطور الصباح و يمكن مثلا بعد العصر امر ارتاح شوي و اغير لو استدعى الوضع .... وش تعتقدون ؟
وشكرا على عظيم صبركم وتحملكممواضيع عشوائيه ممكن تكون تعجبك اخترناها لك:
- المساعده في ترتيب شهر عسل الى ايطاليا
- روما ولا فلورنس ولا هم الاثنين
- ارغب بحضور مبارة ميلان فيورنتينا بتاريخ نوفمبر ،، وسؤالي؟
- مساااااعدة عاجلة يا خبراء التأشيرات
- استفسار عن شهر العسل في ايطاليا
- مساعدة مهم
- أقرب المدن الساحلية إلى فينيسيا؟
- بليييز مساعده ضوروريه من اللي زار ايطاليا
- الى اخواني خبراء ايطاليا
- فندق
- كم تكلفة التاكسي من مطار ميلانو الى سنتر ميلانو.
- الجو في ميلان بداية شهر
- يومين فى ايطاليا
- بخصوص مدة تاشيرة شنغن
- فيزا شينيجن للاطفال
- وش قصة سفارة إيطاليا بالرياض
- رأيكم في فنادق ؟؟؟
- ميلانو وكومو وفنيسيا مساعده لو سمحتوا
- عندك اي معلومه عن هالفنادق بفينيسيا تفضل
- ارغب بالسفر الي ايطاليا ولدي ميزانية محددة
رد مع اقتباس
المشاركة الأصلية كتبت بواسطة abo fahad
المشاركة الأصلية كتبت بواسطة gate 32
المفضلات