الموضوع: شهر العسل سبتمبر للحلم الايطالي

السلام عليكم ,,

انا ان شاء الله نآوي اطلع شهر العسل في 9 سبتمبر
طبعاً اخترت ايطاليا لعشقي و تولعي بها ,,

حبيت تسآعدوني في جدولي و بعض الاستفسارات ,,

الذهاب ( جدة - روما )

2 روما
ميلان محتآر فيها ,,
طبعاً اهم اهدافي زيارة فينيسيا و كومو و السانسيرو ,,
فهل تكفي 4 ايام لميلانو !! لان فينسيا محتار فيها هل اجلس يومين او بالاصح ابيت فيها ,,
لان بصراحة احس جوها ساحر و رومانسي و مناسب لوضعي هع هع ,,

طبعاً كومو اعتقد يوم يكفيها !!
الخلاصة اعطوني كم يوم لميلانو و هل ابيت في فيسنيا !!

و ناوي على نكهة سويسرية من خلال لوجانو و انترلاكن ايش رايكم ..
نقريباً رحلتي 12 يوم تزيد يومين او 3 مو مشكلة ..

طبعاً ما انسى تنصحوني بافضلل ملاهي و على ما اعتقد انها جاردا لاند !!
بس من وين اطلع لها !! يعني متى احطها في الجدول من ميلان و لها يوم لوحده !!

على فكرة انصحوني بمدن اخرى في ايطاليا و مناسبة لشهر عسل !!
اللي انا ذكرتها هذا اللي في بالي !! لكن اضيفوا لي من عندكم اقتراحات !!


و بالنسبة للحجوزات هل احجز الان و الا اخليها في رمضان !!


انتظركم و هذه استفسارات ع الطاير !! و راح تطلع اسئلة كثيرة !!

مواضيع عشوائيه ممكن تكون تعجبك اخترناها لك:

• ايطاليا البيضاء
• الفزعة والمساعدة من خبراء إيطاليا
• استفسار بخصوص فندق نيويورك اما محطة ميلان الرئيسية
• مساعده
• لو سمحتم اب فزعتكم بسفررررتي
• استفسار عاجل
• اريد السفر الى ايطاليا باى طريقه
• السياحة في فيرونا ؟؟؟
• اول رحلة لإيطاليا
• حجزت وتوهقت
• لمحبي الريفي الجبلي
• استشاره عاجلة لاهل الخبرة
• للي راح إيطاليا ؟
• إلى خبراء إيطاليا الأعزاء
• استفسار عن مخطط يوم
• اسبوعيييي رائعيييين في ايطاليا
• عاجل للزعيمه ولكل شخص يعرف شقق بميلان
• فين في ايطاليا
• تقريررحلتي ل أسبانيا برشلونه ، ملقا ،ماربياوإيطاليا روما وفينيسيا حتى
• المساعدة في اختيار مخطط اوروبي

هلا بك أخوي وألف مبروك

وبالنسبة لتقسيم الأيام بعطيك أياها وأنت عدل فيه على راحتك

3 روما تكون درت في روما كلها وممكن تنقص يوم أذا ودك أو تزيد يوم وتمر نابولي وجزيرة كابري
2 فلورنس يوم لفلورنس نفسها ويوم لبيزا
2 فينيس يومين تخليك تعيش احلى أيام شهر العسل وانت طالع منها الى سيرموني توقف في فيرونا مدينة روميو وجولييت وتتمشى فيها صبحيه وتتغدى وتكمل طريقك
2سيرموني رائعه وساحره ومدينة عشاق وقريبة منها مدينة جاردا لاند وموفي لاند
2 ميلان يوما لكومو ويوم لميلان ولكن اذا انت بتروح لأنترلاكن خلي ميلان يوم واحد وكومو يوم واحد لأن يوم يكفيها وزيادة
3 أنترلاكن ما اعرف عنها كثير

واتمنى تحجز من الان عشان تكون الفنادق على كيفك وفاضيه

وبالنسبة للتنقل أنصحك تستأجر سيارة ولا تستلمها الا يوم طلعتك من روما

انتظر باقي أسئلتك

تحياتي لك

برجع و اناقشك في موضوع خط السير لانه عجبني ..
يعني من روما مرتبة للشمال ميلانو ..
خط السير و الاماكن ابأجل الحديث فيها شوي ..

لكن ابسألك عن حجوزات الطيران و الفنادق تفضل حالياً !!
الطيران ,, وش افضل الخطوط !! و عادي اخذ ترانزيت

هلا بك أخوي

أنت شف الي يريحك

أنا من الناس الي جربوا السيارة

السيارة في ايطاليا مهمه بالنسبة لي وخاصة في شمال أيطاليا يعني بعد فينيس

وبالنسبة للسعر شوف موضوعي عن استأجار السيارات في توقيعي

سواقتهم جدا سهله ولا فيها لا رهبه ولا شي زي عندنا

والي احبه في السيارة انك تاخذ راحتك في طلعتك وفي روحتك وجيتك

يعني تطلع متى ما تبي وترجع متى ماتبي واحسن لكم بما انكم عرسان

وعادي اذا تبي ترانزيت خذها هو متعب بس مو مرة

لكن يمكن تمل

وأنا ما أدري عن أفضل خطوط لاني ماقيمة القيمة بالخدمة بالراحة

لكن أنا جربت المصرية وبعد أسبوع ونص بطلع بالسعودية

وأفضل لك تحجز من الحين عشان الأسعار تكون أرخص

وحتى الفنادق احجزها من البوكينق

وأذا أنت ما تعرف فنادق انت حدد جدولك وانا بنفسي بختار لك الفنادق

انتظر ردك

تحياتي لك

كما تفضل اخي الخبير llvlloto

افضل مخطط هو اخذ ايطاليا من روما و الاتجاه شمالاً

روما - فلورانسا - ميلانو - فينيسيا - سيرموني - كومو - لوجانو

مو لازم تسكن في فينيسيا و خاصة انك حتكون قريب منها ممكن تجيها نص يوم مرررة كفاية

لوجانو او كومو لا تفوتك و اذا قدرت تسكن فيها ممتاز

ميلان ما تستاهل الاقامة فيها الا اذا حبيت انها تكون نقطة وصول و انطلاق للوجهات القريبة لكن المدينة نفسها مافيها عوامل جذب سياحية

ما اتوقع عندك وقت كافي لانترلاكن

افضل استخدام القطارات في ايطاليا بس ممكن بعد توصل ميلانو تاخذ سيارة لما حولها

الخطوط السعودية مباشرة على روما و ميلان بس عيبها طيارات سيئة و ضيقة

llvlloto

الف شكر لك ع التواصل المميز ..
ايضاً ابأجل النقاش في مسألة السير ,,
لاني لم اتأكد من فكرة ضم سويسرا ( انتلاكن - لوجانو ) للرحلة ام لا !!
و بسألك عن التأشيرة ,,

عآدي لو طلعتها هذه الايام لأنهم راح يعطوني 6 شهور ,,
فيها مشكلة لو طلعتها الحين و الا اجلها بعد شهر !!

وفكرة السيارة بدأت تدخل رآسي ,, بس بشوف اذا الصرف يفرق كثير او لا !!

/


Well Done

هلا و مرحبا ..

بالنسبة لـ فينيسا في نآس كثير تقول نفس كلامك بس بصرآحة عندي الرغبة
في المبيت فيها ,, بالنسبة لـ لوجانو بشوف جدولي اذا ضميت سويسرا بتكون ضمن الفكرة
او ليه لا ممكن من ميلانو اذا استغنيت عن سويسرا ,, بس ياليت لو تحكيني اكثر عن لوجانو
و كومو .. لان كومو في ناس كثير قالوا نهار واحد يكفيها ,, فلو تعطيني معلومات اكثر
عن هذه المدينتين عشان توضح الصورة بالنسبة لي ,,

بالنسبة لميلانو هدفي زيارة للسانسيرو و يوم للمدينة و احتمال تكون انطلاقة للمدن ( لوجانو - كومو )
لان فينيسا ازورها قبل .. فممكن ميلانو يومين او 3 مع المغادرة ,,

بصراحة اشكركم ع التعاون ..
الف شكر لكم

قدم عليها في شهر 8 أريح لك أو شهر 7 وطبعا أقصد ميلادي

والسيارة أنا أحبها وأحسها شي مهم وخاصه في شمال أيطاليا

وانت شوف المصاريف وأختر الي تشوفه مناسب لك

أو سوي ورقتين ورقة بالسلبيات وورقة بالأيجابيات لكل الخيارات

وشوف الي أكثر أيجابيه خذه

تحياتي لك

طيب خط السير ..

2 روما ( ........ )
2 فلورنسا ( ....... )
2 فينسيا ( ........ )
2 سيرموني ( ......... )
3 ميلانو ( ......... )

هنا في الفراغات اعطني توزيع الايام للاماكن يعني اهم الاماكن او المناطق المراد زيارتها و العودة للمدينة نفسها
مثلاً ميلانو تذهب لكومو و ترجع و هكذا ,,

طبعاً ..

خط السير ( روما -- فلورنسا -- فينسيا -- فيرونا -- سيرموني -- ميلانو -- ( كومو - لوجانو )
على فكرة جاردا مدري وين موقعها بينهم ؟؟

/

انتظركم بفارغ الصبر

well done

هلا و مرحبا ..

بالنسبة لـ فينيسا في نآس كثير تقول نفس كلامك بس بصرآحة عندي الرغبة
في المبيت فيها ,, بالنسبة لـ لوجانو بشوف جدولي اذا ضميت سويسرا بتكون ضمن الفكرة
او ليه لا ممكن من ميلانو اذا استغنيت عن سويسرا ,, بس ياليت لو تحكيني اكثر عن لوجانو
و كومو .. لان كومو في ناس كثير قالوا نهار واحد يكفيها ,, فلو تعطيني معلومات اكثر
عن هذه المدينتين عشان توضح الصورة بالنسبة لي ,,

بالنسبة لميلانو هدفي زيارة للسانسيرو و يوم للمدينة و احتمال تكون انطلاقة للمدن ( لوجانو - كومو )
لان فينيسا ازورها قبل .. فممكن ميلانو يومين او 3 مع المغادرة ,,

بصراحة اشكركم ع التعاون ..
الف شكر لكم

ممكن تبات في فينيسيا بس اعمل حسابك انها اغلى مدينة ايطالية من ناحية السكن و المواصلات و غيره

لوجانو و كومو كل وحدة فيهم يبغالها يوم

نفس الطبيعة تماما

مدن صغيرة على بحيرة

لوجانو ارقى و انظف و مرتبه اكثر

كومو اكثر ازدحاما اكثر توجها للسياح اكثر نشاطات و ارخص


يعني ميلان يبغالك فيها مبدئيا اقل شيء 3 ايام و اليوم الرابع تسافر بحفظ الرحمن

اول يوم السانسيرو و الدومو و الكاستيلو

ثاني يوم كومو و الثالث لوجانو و الرابع السفر ان شاء الله


توزيع الايام انا بعطيك الحد الادني و الاعلى


روما من 3 - 5

فلورانسا 2 كفاية

فينيسيا 1 - 2 \ تراها مرة صغيرة تلفها على رجولك

سيرموني على بحيرة جاردا و موقعها بين فينيسيا و ميلانو

فيرونا ما اقترح قضاء فيها اي وقت

2 روما ( لو تزيد يوم بعد تطلع احلى وبالنسبة للأماكن السياحية فيها كثييييييير عندك نافورة تيريفي عندك الكولسيوم عندك روما القديمة,الساحات يمكن 4 ساحات ,الدرج الأسباني ,الفتيكان ....ألخ )
2 فلورنسا ( كنيسة سانتا مريا وعندك يوم لبيزا )
2 فينسيا ( فينيس تقدر تخليها يوم لو حاب مع اني أحسها رومنسية وخاصة أنكم شهر عسل ومافيها جدول معين لكن ضيوا هناك ولفوا برجولكم وراح تنبسطون فيه ساحة سان ماركو ينفع فيها السهر وعندك البرج الي في الساحة ترقاه عندك سوق السمك والخضار لازم تمره وعندك الجسر الخشبي وعندك جسر العشاق )
2 سيرموني ( تقع على بحيرة جاردا وعنك سيرموني نفسها تتمشى فيها وعندك يوم تروح فيه يا جاردا لاند أو موفي لاند أنت شوف وش يعجبك وأختار منها ولازم تمر فيرونا وأنت طالع من فينيس لسيرموني وتتغداء فيها )
3 ميلانو ( أنا اشوف 3 أيام جدا كثيرة عليها خليها يومين وتقسم كذا أول يوم وصولك من سيرموني لا توقف في ميلان كمل طريقك لكومو وخلص منها وأرجع لميلان بعد ما تخلص واليوم الثاني خليه لميلان نفسها )

أتمنى اكون أفدتك

تحياتي لك

حلو يا شباب ..

يعني 3 ايام روما ..
يوم الوصول و يومين زيارة للمدينة ..
2 فلورنسا

ابو طلال ..
احتاج رأيك و خبرتك في جدولي ..
وش رايك فيه ؟

شي راجع لك اذا ودك تكنسل سويسرا

وبالنسبة للمخطط رائع وترا الترتيب كذا

روما
فلورنس
فينيس
سيرموني
ميلان
انت حطيت سيرموني في مخططك بعد فينيس وهذا غلط

انتبه

وبالنسبة السننسيرو اتوقع ساعتين بالكثير تكون خلصت منه

والميزانية ياحبيبي انت تحددها

اول أحجز السكن واعرف كم قيمته وبعين شوف مصروفك

وحط في بالك انك شهر عسل وماراح تقدر تقول المدام لا

يومية اتوقع ب150 الى 200 يورو في اليوم وممكن تقل في بعض الايام حسب المكان الي انتوا فيه

اي استفسار أنا تحت أمرك وترانا ماسوينا شي
تحياتي لك*

انا حطيتها بعد فلورنسا ..
يعني الصح سيرموني بعد فينيسيا و قبل ميلانو !!
و فيرونا قبل سيرموني ..

طيب بالنسبة للفنادق لكل مدينة ..
و بالنسبة لـ فلورنسا هل تستحق يومين .. و كيف طبيعة المدينة !!

/

تعبتك معي اخوي ..

و اتمنى من الخبراء المشاركة و نستفيد من خبراتهم و لا نستغني عنها
مثل اطاليانو و ابو طلال و الزعيمة و البقية

طيب أنا بعطيك السكن لكن عطني التواريخ بالضبط

يعني زي كذا

روما الدخول 8/9 والخروج 12/9

زي كذا

عشنا اشوف لك فنادق وما تكون فل

أنتظر ردك

تحياتي لك

انا خلاص اشتريت التذاكر ..
الرحلة من جدة --- الدوحة --- روما الساعة ( الوصول = 7 صباحاً ) في تاريخ 9 سبتمبر
من ميلان الساعة ( المغادرة = 12 الظهر في تاريخ 23 سبتمبر ) --- الدوحة --- جدة

يالله قسّم لي الايام بالطريقة اللي تحب لاهنت ..
يمكن يزود معايا كم يوم رتبها بالطريقة اللي تحب ..
يعني احتمال نزيد روما يوم او نوفر كم لـ زيارة لوجانو ..


و بصرآحة مدري وشلون ارد جميلك ..
ما قصّرت معي و تعبتّك كثيير ..
و مهما قلت و شكرت ما اوفيك حقك ..

و اتمنى من الخبراء زيارة موضوعي و ابداء ملاحظاتهم
لاني ما استغمي عنها ابداً

المشاركة الأصلية كتبت بواسطة italy lover
http://www.arabtravelersforum.com/tr...4/#post5520064

ابو طلال ..
احتاج رأيك و خبرتك في جدولي ..
وش رايك فيه ؟

هلا اخوي

جدول ل13ليلة

ممتاز جدولك روما 3 ليلة
فلورنس 2ليلة
فنيسيا 2ليلة منها يوم تزور فيرونا
جاردا 2ليلة
ميلان 2ليلة
2ليلة لوقانو منها تزور كومو
ملعب السان سيرو تقدر تزورة من الساعة عشرة صباحا" وما يجى 12الظهر الا انت خلصت من زيارتة

دمت بود

هلا ابو طلال اخيرا نورت الموضوع ترا ما نستغني عنكم
و عن خبرتكم العريضة ..

- انت تقصد يومين جاردا هي نفسها ( سيرموني )
- فيرونا اطلع لها من فينيسيا و ثم و ارجع لفينيسيا
و الا ازورها و انا طالع منها ..
- لوجانو اخليها بعد ميلانو ؟ و بعدها ارجع للمغادرة من ميلانو ؟
لو خليت ميلانو آخر محطة و المغادرة منها مو احسن ؟ يعني ازور لوجانو قبل ميلانو ..
و كومو كيف ؟ ازورها افضل من ميلانو و الا لوجانو ؟؟
احتاج ترتيب هذه المدن ( ميلانو - لوجانو - كومو ) و المغادرة من ميلانو ..
- السانسيرو تقصد في آخر يوم ؟؟؟ احسها جداً صعبة ..

و شكراً

llvlloto

انتظرك اخوي ..
و النتظر الجميع بملاحظاتهم ..

هلا بك اخوي

جاردا المنطقة والبحيرة والي حولها قرى وافضل قريه بنظري هي سيرموني

وفيرونا انصحك تمرها لما تطلع من فينيس رايح لسيرموني

توقف فيها من الصباح الى اللظهر او العصر تتمشى فيها وتتغداء وتكمل طريقك لسيرموني

وبالنسبة لاخر محطة خليها ميلان
لما تطلع من سيرموني لكومو ولوقانو اجباري بتمر في ميلان
بس نصيحتي خليها اخر محطة عشان ترتاح
واسكن في كومو ارخص لك
وخلي يوم تمشي في كومو ويوم للوقانو

هذي نصيحتي لك

تحياتي لك

ترا من ججد تلخبطت ..
الحين روما 3 اوك
بعدها 2 فلورنسا
بعدها 2 فينيسيا
بعدها امر على فيرونا
بعدها 2 سيرموني او جاردا
بعدها مدري !! رتبوها وين اروح و الاقامة وين !!
لان باقي تقريبا 5 ايام وين اقضيها !!

..

اخوي llvlloto

انا خلاص اشتريت التذاكر ..
الرحلة من جدة --- الدوحة --- روما الساعة ( الوصول = 7 صباحاً ) في تاريخ 9 سبتمبر
من ميلان الساعة ( المغادرة = 12 الظهر في تاريخ 23 سبتمبر ) --- الدوحة --- جدة

يعني روما الدخول فيها من 9 و لها 3 ايام ..
و هكذا .. العودة مثل ما قلت لك في 23 سبتمبر الظهر الساعة 12 ..

شوف لي الفنادق ..

مافهمتك

كيف تلخبطت

بعد سيرموني تروح لكومو وتبات فيها يومين يوم تخليها لكومو ويوم تزور فيها لوقانو

وبعدها تطلع بميلان وتقضي فيها 3 ايام وهذا الجدول

اتمنى أن الصورة وضحت لك


تحياتي لك

اها ,, كذا واضحة اخوي ,,
يعني لوجانو تكفيها زيارة يوم بدون سكن ..
طيب بالنسبة للفنادق يمديك تشوفها لي ..
و الا انا احجزها ؟.

أشوفها لك ولا يهمك

عطني التواريخ بالضبط

يعني روما الدخول في تاريخ 10/7 والخروج في 13/7

وانا اشوف لك الي أقدر عليه

تحياتي لك

كيف الجو في سبتمبر وجاردا هل هي باردة؟؟

ملاهي جاردا تنفع للأطفال عمر 10