استفسار ضروري عن الفيزا للخدامه

**ahmed1** · 01-30-2015, 11:19 AM

السلام اشلونكم و عيدكم مبارك مقدما:106: بسأل عن الخدامه انا بسافر من الكويت للبحرين الخدامه تحتاج فيزا؟ و هل اقدر اخذها من المطار عند الوصول و شنو الاوراق المطلوبه؟ و سؤال ثاني لو رحت بالسياره انا بنتي عمرها 6 شهور و ضايفتها معاي بالجواز هل عادي ؟والا احتاج اطلع شي فيه صورة بنتي؟ زوجي يقول لازم ورقة خروج فيها صورتها بس اهو مو متأكد اللي يعرف بليز يقولي ويعلمني الطريقه و شكرا مقدما

مواضيع عشوائيه ممكن تكون تعجبك اخترناها لك:

**alifun** · 01-30-2015, 11:19 AM

المشاركة الأصلية كتبت بواسطة malgoofah
http://www.arabtravelersforum.com/tr...4/#post2375309

السلام اشلونكم و عيدكم مبارك مقدما:106: بسأل عن الخدامه انا بسافر من الكويت للبحرين الخدامه تحتاج فيزا؟ و هل اقدر اخذها من المطار عند الوصول و شنو الاوراق المطلوبه؟ و سؤال ثاني لو رحت بالسياره انا بنتي عمرها 6 شهور و ضايفتها معاي بالجواز هل عادي ؟والا احتاج اطلع شي فيه صورة بنتي؟ زوجي يقول لازم ورقة خروج فيها صورتها بس اهو مو متأكد اللي يعرف بليز يقولي ويعلمني الطريقه و شكرا مقدما

بالنسبة لنا في البحرين لو نبي نسافر للسعودية يطلعون تصريح للخدامة من الجوازات.

اما بالنسبة للطفل فلازم صورته تكون موجودة في البطاقة الشخصية او الجواز ولا لا يمكن يعدي الجسر تحياتي

**ahmedali** · 01-30-2015, 11:19 AM

اختي بخصوص الشغاله اذا سفرتكم عن طريق السياره لازم فيزا لدخول السعوديه وفي نوعين (مرور) او (6 شهور) ..

وبعد فيزا للبحرين ..

وعندج طريقتين للحصول عالفيزا اما انج تخلصون اموركم بالكويت عن طريق السفارات (عن تجربتي هذا الحل احسن)

او ان وقت دخولكم البحرين يعملون لها فيزا بس مع شوية تأخير ..

**ahmedgaper** · 01-30-2015, 11:19 AM

مشكوووووووووورين و ما قصرتو انزين سؤال اخير بالمطار ما يطلعون فيزا للخدامه؟ و هم سؤال ثاني بالنسبه لبنتي اللي معاي بالجواز في لها صوره بالجواز مالت فيزا امريكا ما تنفع ؟ هذي اثبات والا لازم ورقه؟ اذا لازم اعتقد اسهلنا انروح بالطياره لان ما عندي وقت و زوجي مسافر اول ما يرد بنروح انشالله علطول بس اهم شي عادي اطلع فيزا الخدامه بالمطار