الموضوع: مطعم فيش ماركيت بمنتجع البندر

بسم الله الرحمن الرحيم

والصلاة والسلام على نبينا محمد وعلى آله وصحبه أجمعين
الله يبارك للجميع في هالجمعة المباركة

كل الشكر لمن ساعدني في جمع المعلومات عن المطعم وأشكر أختي الماسة السوداء وأختي فارسة والصوت الطفولي وفرفورة البحرين

نجي لموضوعنا
(( مطعم فيش ماركيت ))
يقع المطعم في منتجع وفندق البندر في منطقة سترة
ولخارطة الطريق ومعلومات عن المنتجع
هذا رابط للموقع الرسمي للمنتجع وبه خارطة الطريق المؤدية إليه

http://www.albander.com/contact.asp

عند الوصول لبوابة المنتجع أبلغ الأمن بأنك قادم لمطعم فيش ماركيت ليسمح لك بالدخول للمنتجع
وصلنا للمنتجع وعند دخولنا للمطعم
استقبلنا مدير المطعم
وبدء يعطينا نبذة عن المطعم

طريقة المطعم كأغلب مطاعم السي فوود
البيع بـ 100 جرام مع الطبخ "" مقلي - مشوي -مقلي بصوص الجبن أو بالزبدة ""

ونبدأ بجولة على المعروضات

ثمار البحر الكلامس والكالاماري والموسيلس والخثاق "الحبار" والقباقب "كروب"

وهنا السلوس والصافي

وهنا السالمون والشعري والكنعد والينام والحمام

وهنا الهوامير

وهنا اللابستر

الطلب كان عبارة عن:-
كلامس وموسيلس بالزبدة وكالاماري بصوص الجبن

حبة فسكر مشوية

لابستر

سلطة سي فوود بالافوكادو

سي فوود سوب

أرز صيني بالخضار

المشروبات ماعندهم تنوع عصيرات ياليمون يابرتقال
المدام أخذت عصير ليمون وأنا أخذت كوكا كولا لايت

أول ماجلسنا للطاولة

وصلت الظيافة
خبز محمص "مقلي"مع صوص بالثوم "عادي جدا جدا"

وبعد كذا وصلت المشروبات عصير الليمون "عادي جدا حتى تقديمة أقل من عادي"

والكوكا كولا "قوطي والكاس فيه شريحة ليمون وحدة بس طلبت منهم شرياح ليمون زيادة"

وبعد ذلك وصلت سلطة السي فوود بالافوكادو والسي فوود سوب " السلطة عادية جدا من ناحية الطعم والسي فوود فيها حتى ريحة مافيه لكن طريقة تقديمها رائعة والسي فوود سوب تقدرون تقولون بالخضار اللي تجي مغلفة بالسوبر ماركت عادية ومافيها طعم سي أو ريحة سي فوود"

وهذي صور أخرى للسلطة أعجبني تقديمها

على فكرة ماعندهم شي أسمه ملاقط سلط أو كلامس مع أنه مطعم بحري !!!
يجيبون شوكة وملعقة ويحوس فيها الوايترز

بعد كذا وصل الكلامس بالزبدة تقدم على سخان بالشموع "رائع وزي منتو شايفي مافيه ملاقط "

ووصل الموسيلس بالجبنة " مسوينة بكريمة الباشاميل اللي تجي ظروف في السوبرماركيت ثقيلة وغثيثة ومافيها طعم الجبن"

وبعدين وصلت الفسكرة المشوية والرز الصيني " الفسكرة المشوية حلوة ورائعة جدا لولا أن الأخ الشيف يشوي ويحط زيت يحسبها قلي والرز الصيني عادي "

ووصل اللابستر بصوص الجبن " نفس الحكاية مع الشيف المخبط حاط خلطة الباشاميل اللي تجي ظروف ثقيلة وغثيثة ومافيها ريحة جبن صرنا نزيل الصوص وناكل اللابستر"

وهذي صورة للطلب بالكامل

وقولوا ماشاء الله
هذا صحني بعد الإنتهاء
والحمد لله اللذي رزقنيه من غير حول مني ولاقوة

وبعد الانتهاء من الطعام
جابولنا شوكليت بالنعناع "حلو وكرأي شخصي لو خلوه دارك شوكليت أحسن يزيل طعم السمك من الفم ويعطي نكهة الشوكليت العريقة"

وبعد كذا جابولنا فواحة عطر بطريقة حلوة
ماء بارد وثلج في وعاء
وصبوا عليها ماي ورد ساخن جدا
عشان تزيل رائحة السمك من أجسامنا وملابسنا
" اللي بيسوي هذي الطريقة في البيت لازم الوعاء يكون بلاستيك لأن الزجاج ينكسر مع الإختلاف الكبير في درجات الحرارة "

وهذي البيل

ملاحظاتي:-
المطعم عادي جدا في تقديمه وطبخه وتنوع مأكولاته ولايمت للخمس نجوم بصلة
خدمتهم راقية ويشاد بها
ماقصر المدير طلبت منه طاولة تتمتع بخصوصية جيدة وأن الوايترز اللي يخدمونا يكونون بنات عشان أهلي ياخذون راحتهم وتفهم طلبي وماقصر بس ياليت يخلونها تاخذ شاور قبل ماتجي الدوام

الطبخ مو قد كذا للي يقدر السي فوود ويتلذذ به ويطبخ مية مية زيي
لو أحد سألني وطلب رأيي في مطعم بقوله يروح فندق أحسن له وأفخم وتقديم أرقى حتى ولوكان الطبخ مو مستوى ماتفرق
وما اعتقد بيكون السعر أكثر من 57 دينار لشخصين
طبعا لن أكرر الزيارة له لأن المطعم برأيي لايرقى لذوقي الشخصي في الأكل
المدام عجبها المطعم بوجه عام وهذي وجهة نضرها وهذا الشيء اللي أسعدني وخلاني أقط رأيي بحر

برأيي المطعم ماخذ أكبر من حجمة

وعلى فكرة الفواحة لاتقدم إلا بعد الساعة 6 مساء
تصورو استنيت ثلث ساعة في المطعم عشان الفواحة " لكن خذنا لفة على المارينا نهضم"

ماذكر أعلاه رأيي الشخصي من تجربتي الشخصية وقد يختلف معاي أي شخص

وهذه صورة إهداء لكم في ختام التقرير

أخوكم /عبدالرحمن

مواضيع عشوائيه ممكن تكون تعجبك اخترناها لك:

• مودا مول
• تجربتي مع الجديد برد توك وموقعه بالضبط
• اخوكم واسرته طالبين الفزعه في معلومات
• زيارة قصيرة إلى
• مكتبة الدوسري للثقافة والابداع
• منتع دراجون
• ممكن ساعدة وبسرعة من اهل البحرين
• هام جددااااااااا لأهل البحرين االغالين
• استفساري عن تفويض قيادة سياره ايجار منتهي بالتمليك
• أفضل فندق خمس نجوم بالبحرين؟؟؟؟
• وين أحصل هوتيل بخدمة وايرلس انترنت بالغرف
• بالنسبة لجزيرة حوار
• الوصول صباحا للبحرين فأين نذهب ونتريق
• استفسار عن فندق السفير
• مشاريع المجمعات مثبت في مواضيع رائعة
• الملف الإخباري السـيـاحـي الأربعاء مارس
• ماهي فعاليات العيد في البحرين ؟
• فندقي الدملومات ، والشيراتون البحرين
• سؤال ممهم
• مساعدة في برنامج يومين

عليكم بالعافيهـ اخوي وحياكم الله بدار الزين ...

المطعم جربتهـ لكن بفرع شذى تاور وابدا ماعجبني اكله ولاقعداتهـ ماحسيت بالراحهـ

عندي توتالي فيش وايد احلى منهـ واذا بغيت الربيان والخثاق المقلي وشوربة التم يم سوب

ماروح الا مطعم سبايدي التايلندي (راح انزل الصور فموضوع الماسه) مع ان قعداته ماتعجبني

لكن اكله وايد حلو

عموما اخوي الدنيا تجارب والتغير مطلوب

خخخخخخخخخخ خليناها فيك يالله عشان مااقول لزوجي نروح له
بس جد تقرير رائع شامل صور حلوووه
الله يعطيك العافيه
وبالعافيه عليك وعلى المدام ومره ثانيه جرب توتالي فيش انا مجربته بالكويت حلوو ماادري عاد عن فرع البحرين

مشكور علي التقرير :24:

مطعم الفيش ماركت قديم من اكثر من 25 سنة وهذا سبب شهرتة، اشياء كثيرة تتغير في هذة المدة الطويلة.

ما خبرتنا عن رايك في منتجع البندر للي يحبون يسكنونة ؟

تقرير جميل

وصور رائعه
ربي يسعدك

أخونا الكريم ...

التقرير جدا جميل .. جماله في شموله ... عجبتني الصور والملاحظات والتقييم .. ورأيك القيم ..

أهم ما في هذا كله انكم قضيتوا وقت ممتع والمدام (أهم شي رأي المدام ) واستمتعتوا وقمتوا بتجربة شئ جديد ..

حياكم الله ... وكل الشكر لك على هالتقرير الحلو والخفيف

مشكور دحومي على التقرير والصور

المشاركة الأصلية كتبت بواسطة مزون البحرين
http://www.arabtravelersforum.com/tr...9/#post3065659

عليكم بالعافيهـ اخوي وحياكم الله بدار الزين ...

المطعم جربتهـ لكن بفرع شذى تاور وابدا ماعجبني اكله ولاقعداتهـ ماحسيت بالراحهـ

عندي توتالي فيش وايد احلى منهـ واذا بغيت الربيان والخثاق المقلي وشوربة التم يم سوب

ماروح الا مطعم سبايدي التايلندي (راح انزل الصور فموضوع الماسه) مع ان قعداته ماتعجبني

لكن اكله وايد حلو

عموما اخوي الدنيا تجارب والتغير مطلوب



الله يعافيج مزوون ويحييج
فعلا الدنيا تجارب ولما عرفتي المالح ماقدرتي الحلو
وننتظر تقريرج وصورج

المشاركة الأصلية كتبت بواسطة فاررسه
http://www.arabtravelersforum.com/tr...6/#post3066566

خخخخخخخخخخ خليناها فيك يالله عشان مااقول لزوجي نروح له
بس جد تقرير رائع شامل صور حلوووه
الله يعطيك العافيه
وبالعافيه عليك وعلى المدام ومره ثانيه جرب توتالي فيش انا مجربته بالكويت حلوو ماادري عاد عن فرع البحرين



:112: زين مرة ثانية ما أسمع توصياتيج:112:
نوايا مبيته
الله يعافيج بس كان تغيير جو رائع
وماني مجرب شي قبل لأشوف أحد جربه:8888:

المشاركة الأصلية كتبت بواسطة بلادي البحرين
http://www.arabtravelersforum.com/tr...7/#post3066587

مشكور علي التقرير :24:

مطعم الفيش ماركت قديم من اكثر من 25 سنة وهذا سبب شهرتة، اشياء كثيرة تتغير في هذة المدة الطويلة.

ما خبرتنا عن رايك في منتجع البندر للي يحبون يسكنونة ؟



لاشكر على واجب
والله المنتجع جوه حلو تنسى أنك بالشرق الأوسط من الاشجار والنباتات المنتشرة ومعطيه جو راااائع وملطفة الجو بشكل خيالي ذكرتني بشاليهات جدة

أما بالنسبة للسكن فيه والله ماجربته وما أحكم عليه وانا ماجربته

المشاركة الأصلية كتبت بواسطة جامعي1
http://www.arabtravelersforum.com/tr...3/#post3066693

تقرير جميل

وصور رائعه
ربي يسعدك



الجميل مرورك أخوي جامعي
ويسعدك ربي

المشاركة الأصلية كتبت بواسطة الغالـــية
http://www.arabtravelersforum.com/tr...9/#post3066999

أخونا الكريم ...

التقرير جدا جميل .. جماله في شموله ... عجبتني الصور والملاحظات والتقييم .. ورأيك القيم ..

أهم ما في هذا كله انكم قضيتوا وقت ممتع والمدام (أهم شي رأي المدام ) واستمتعتوا وقمتوا بتجربة شئ جديد ..

حياكم الله ... وكل الشكر لك على هالتقرير الحلو والخفيف



مشرفتنا الغالية
يشرفني مرورك
وأهم شي رأي المدام:8888:
وحمد الله استمتعنا بالتجربة الجديدة

والله يحييج ولاشكر على واجب

المشاركة الأصلية كتبت بواسطة ابو الغزلان
http://www.arabtravelersforum.com/tr...0/#post3067230

مشكور دحومي على التقرير والصور



لاشكر على واجب

الدنيا تجااااااااااااااااااااااارب


بس حلو الواحد يكسر فضوووووووووووله ويجوف بنفسه ويجرب



والناس اذوااااااااااااااااااااااااااااااااااااااااااااااا ااااااااااااااااااااااق ورضى الناس غاية لاتدرك


اهم شي استانست المدااااااااااااااااااام

بالعافييييه يالله اهم شي المدام استانست وغيرتوا جو

والحمدالله شفت تقرييرك كنت باروح له هالويكند بس عقب الي شفته شلت الفكره من بالي نهائيا

المشاركة الأصلية كتبت بواسطة ام ملااااك
http://www.arabtravelersforum.com/tr...1/#post3070041

الدنيا تجااااااااااااااااااااااارب


بس حلو الواحد يكسر فضوووووووووووله ويجوف بنفسه ويجرب



والناس اذوااااااااااااااااااااااااااااااااااااااااااااااا ااااااااااااااااااااااق ورضى الناس غاية لاتدرك


اهم شي استانست المدااااااااااااااااااام



صدقتي
وحب التجربة والتغيير
هو الدافع لدى النفس البشرية لتجربة كل ماهو جديد
وأهم شي استانست المدام

المشاركة الأصلية كتبت بواسطة الصوت الطفولي
http://www.arabtravelersforum.com/tr...7/#post3071737

بالعافييييه يالله اهم شي المدام استانست وغيرتوا جو

والحمدالله شفت تقرييرك كنت باروح له هالويكند بس عقب الي شفته شلت الفكره من بالي نهائيا



الله يعافيج
روحي توتالي فيش وجيبي تقرير مفصل:8888:
خلينا نشوفهم

عاد اخوي دحومي كنت كاتبه لك رد انما ايه
بس حسافه طااااار في الهوا شاشي
بسبه النت الي يعل اليوووف

ونذاله مني ماراح اعيده خخخ

ع العموم الف عافيه على قلوبكم
واهم شي المدام غيرت جووو

المشاركة الأصلية كتبت بواسطة الماسة السوداء
http://www.arabtravelersforum.com/tr...9/#post3082179

عاد اخوي دحومي كنت كاتبه لك رد انما ايه
بس حسافه طااااار في الهوا شاشي
بسبه النت الي يعل اليوووف

ونذاله مني ماراح اعيده خخخ

ع العموم الف عافيه على قلوبكم
واهم شي المدام غيرت جووو



خخخخخخخخخ عرفنا الحين مين اللي عنده النذالة المطلقة:109:

وعلى فكرة يوم الجمعة كنت تعبان حدي وكتبت الموضوع كامل في ساعتين وشوي
ولما وافقت على الموضوع أختفى بسبب النت:112:
وعلى جية العامل حق الدلفري وأطلع حرتي فيه :8888: كان غبي لأبعد الحدود
ورجعت زي الحلوين وأعدت كتابة الموضوع من جد وجديد
والله يعين
ويعافيج ربي

شكرا لك وعافيه عليكم انت والاهل.

بالسبه لي احب هالمطعم جداً من بداية الضيافه وحتى المبخره.

احس جلسته حلوه ورايقه والاكل لذيذ السلطه والرز والسمك مقلي ومشوي. والربيان المقلي لذيذ.

بس شوي غالي بس احسه يستاهل.

عموماً حلو انكم جربتوه تغيير يعني.

روووعة

يعطيك العافية

عليكم بالعافيه
ومشكور عالتقرير
أمووووت فالسي فود

الصراحه المطعم روعه ومكانه هادى وحلو وممتاز وكافى الهدوء وانا زرت المطعم مرتين وانشاءالله الثالثه بالطريج لمن اكون بالبحرين دار الزين

المشاركة الأصلية كتبت بواسطة قمرالليالي
http://www.arabtravelersforum.com/tr...3/#post3086753

شكرا لك وعافيه عليكم انت والاهل.

بالسبه لي احب هالمطعم جداً من بداية الضيافه وحتى المبخره.

احس جلسته حلوه ورايقه والاكل لذيذ السلطه والرز والسمك مقلي ومشوي. والربيان المقلي لذيذ.

بس شوي غالي بس احسه يستاهل.

عموماً حلو انكم جربتوه تغيير يعني.



الله يعافيج أختي
ولا شكر على واجب
ولولا إختلاف الأذواق لبارت السلع

المشاركة الأصلية كتبت بواسطة The Watcher
http://www.arabtravelersforum.com/tr...1/#post3088231

روووعة

يعطيك العافية



الله يعافيك والروعة مرورك

المشاركة الأصلية كتبت بواسطة متبشبشه
http://www.arabtravelersforum.com/tr...1/#post3091741

عليكم بالعافيه
ومشكور عالتقرير
أمووووت فالسي فود



الله يعافيج أختي

والسي فوود لا يعلى عليه

المشاركة الأصلية كتبت بواسطة كويت كويت
http://www.arabtravelersforum.com/tr...6/#post3097166

الصراحه المطعم روعه ومكانه هادى وحلو وممتاز وكافى الهدوء وانا زرت المطعم مرتين وانشاءالله الثالثه بالطريج لمن اكون بالبحرين دار الزين



الله يعافيج أختي
ولا شكر على واجب
ولولا إختلاف الأذواق لبارت السلع

تمت إضافة التقرير للتقارير المميزة للأعضاء .. في الدليل السياحي ..

على هذا الرابط: http://www.arabtravelersforum.com/travel167474/

كل الشكر لك أخي الكريم ..

المطعم وأكله وما فيه والمنتجع بشكل عام روعه وانت أروع أخوي وبالــهــنـــــا والـشـفــــــا ..


بس نتمنى يطورون الطريق المؤدي إلى منتجع البندر ونادي اليخوت ..


..

المشاركة الأصلية كتبت بواسطة الغالـــية
http://www.arabtravelersforum.com/tr...5/#post3138595

تمت إضافة التقرير للتقارير المميزة للأعضاء .. في الدليل السياحي ..

على هذا الرابط: http://www.arabtravelersforum.com/travel167474/

كل الشكر لك أخي الكريم ..

تسلمين مشرفتنا
عل الجهود الجبارة لتسهيل المهمة على القارئ والباحث عن التقارير
وجزاكي الله خير

المشاركة الأصلية كتبت بواسطة بحريني غير
http://www.arabtravelersforum.com/tr...3/#post3147903

المطعم وأكله وما فيه والمنتجع بشكل عام روعه وانت أروع أخوي وبالــهــنـــــا والـشـفــــــا ..


بس نتمنى يطورون الطريق المؤدي إلى منتجع البندر ونادي اليخوت ..


..



مرورك الرائع أخوي بحريني غير

ياليتهم يسون صيانة للطريق

بس تدرري حبيبي

خلاص تعودنا على هالطرق في كل مكان

وبيني وبينك هذا السبب خلاني أشتري جيب:8888:

عندنا في الخليج ماينفع غير الجيب وغير كذا أأمن من السواقة الحلوة اللي نشوفها الله يحفظنا بس

مشكور اخوي على ذكر تجربتك

المشاركة الأصلية كتبت بواسطة حبيبة عزوزي
http://www.arabtravelersforum.com/tr...2/#post3347832

مشكور اخوي على ذكر تجربتك




لاشكر على واجب أختي

الله يسعد ايامك يارب
تقرير حقا اكثر من رائع وموفق ان شاء الله
ولكن يبدون المطعم عادي من خلال الصور
ولكي مني جزيل الشكر

المشاركة الأصلية كتبت بواسطة هبوب من نجد
http://www.arabtravelersforum.com/tr...1/#post3357641

الله يسعد ايامك يارب
تقرير حقا اكثر من رائع وموفق ان شاء الله
ولكن يبدون المطعم عادي من خلال الصور
ولكي مني جزيل الشكر

ويسعد أيامك أختي

بالفعل المطعم عادي وطبخه أقل من عادي وأسعاره فوق فوق العادية

ولكن لامانع من التجربة " اللي مايعرف المالح مايقدر السكر"

ولاشكر على واجب

يعطيك الف عافية ماقصرت

انا عن نفسي جربت كم مطعم سي فود ،،

منهم ويفز ، والبحري في النوفوتيل ،، ولا مارين ...

ما ذقت مثل الفش ماركت !!

باقي التوتلي فش ، وان شاء الله اجربه في القريب العاجل

ومنها بحكم منهو الافضل !!

يعطيك العافية

يسلموووو

لاعدمناك

يعطيك الففف عاافيه على هالتقرير المفصل

اذا الله يسر ناوي اسير عالبحرين بعد شهر تقريبا

ومفكر اجرب هالمطعم بس بعد تقريرك كني غيرت رأيي

واذا اشتهيت سي فوود فيه مطعم الاصدقاء بالخبر جنب دارين

روووعه اكلت فيه بشهر 6 ميلادي طبعا وكان جدا روووعه

الاكل وطريقة التقديم وكل شيييي


يعطيك الف عاافيه يالغاالي

مدادم انك و ضحت ان المطعم عادي ف كلامك اخذة ثقة ولا افكر في المطعم و ادور غيرة
خبير مثلك لازم ناخذ كلامة ولا ليش صرت خبير عاى الفاضي

تقرير رائع ومميز وشامل
والله يعطيك الف الف عافية وتسلم ايدك علي هالتقرير

المشاركة الأصلية كتبت بواسطة يحي بن أحمد
http://www.arabtravelersforum.com/tr...7/#post3358907

يعطيك الف عافية ماقصرت



الله يعافيك أخوي يحي

المشاركة الأصلية كتبت بواسطة همس الليل
http://www.arabtravelersforum.com/tr...6/#post3365826

انا عن نفسي جربت كم مطعم سي فود ،،

منهم ويفز ، والبحري في النوفوتيل ،، ولا مارين ...

ما ذقت مثل الفش ماركت !!

باقي التوتلي فش ، وان شاء الله اجربه في القريب العاجل

ومنها بحكم منهو الافضل !!




همس الليل عليكي بالعافية

ولاتنسين تعطينى نبذة عن تجربتك عن توتالي فيش كثير من الاعظاء مدحوه

المشاركة الأصلية كتبت بواسطة فطوم باك
http://www.arabtravelersforum.com/tr...4/#post3388554

يعطيك العافية

يسلموووو

لاعدمناك



الله يعافيج أختي فطوم

المشاركة الأصلية كتبت بواسطة a3aned
http://www.arabtravelersforum.com/tr...0/#post3391200

يعطيك الففف عاافيه على هالتقرير المفصل

اذا الله يسر ناوي اسير عالبحرين بعد شهر تقريبا

ومفكر اجرب هالمطعم بس بعد تقريرك كني غيرت رأيي

واذا اشتهيت سي فوود فيه مطعم الاصدقاء بالخبر جنب دارين

روووعه اكلت فيه بشهر 6 ميلادي طبعا وكان جدا روووعه

الاكل وطريقة التقديم وكل شيييي


يعطيك الف عاافيه يالغاالي



الله يعافيك أخوي

والأصدقاء أول مرة أسمع عنه

يبغالي أسير عليه تسلم

المشاركة الأصلية كتبت بواسطة violetq8
http://www.arabtravelersforum.com/tr...9/#post3391409

مدادم انك و ضحت ان المطعم عادي ف كلامك اخذة ثقة ولا افكر في المطعم و ادور غيرة
خبير مثلك لازم ناخذ كلامة ولا ليش صرت خبير عاى الفاضي



أخوي violetq8

تسلم يالغالي المسألة تجربة وحبيت تشاركوني فيها

ولنا زيارة لتقاريرك المنوعة

لأكتساب الخبرة منكم

يعطيك العافية

المشاركة الأصلية كتبت بواسطة bigbin609
http://www.arabtravelersforum.com/tr...2/#post3400752

تقرير رائع ومميز وشامل
والله يعطيك الف الف عافية وتسلم ايدك علي هالتقرير




الله يعافيك مشرفنا ويسلمك

الرائع مرورك الكريم

يعطيك الف عافيه على الصور
,,,

يعطيك العافيه مشرفنا الفاضل دحومي

بالعافيه عليك انت والمدام ...

والله الواحد أحيان يطيح بمطاعم تكون بس ماخذه سمعه

وخيرها بغيرها


عجبتني حركة السخانات والأكل شكله ماشاء الله مرتب

بس العبره بالطعم


مشكور لطرحك لتجربتك


دمت بخير

المشاركة الأصلية كتبت بواسطة badr777
http://www.arabtravelersforum.com/tr...1/#post3411981

يعطيك الف عافيه على الصور
,,,



الله يعافيك أخوي

المشاركة الأصلية كتبت بواسطة 【ツ】أنا【ツ】
http://www.arabtravelersforum.com/tr...2/#post3415372

يعطيك العافيه مشرفنا الفاضل دحومي

بالعافيه عليك انت والمدام ...

والله الواحد أحيان يطيح بمطاعم تكون بس ماخذه سمعه

وخيرها بغيرها


عجبتني حركة السخانات والأكل شكله ماشاء الله مرتب

بس العبره بالطعم


مشكور لطرحك لتجربتك


دمت بخير




الله يعافيكي أختي الكريمة

في المطعم أفكار حلوة

لكن تناسوا الأولويات

لاشكر على واجب

والشكر موصول لكي لمرورك اللطيف

في رعاية الله

تقرير جميل , والطعام شكله يشهي بقوة .

المشاركة الأصلية كتبت بواسطة " أبو أروى "
http://www.arabtravelersforum.com/tr...1/#post3422691

تقرير جميل , والطعام شكله يشهي بقوة .




مرورك الأجمل أخي الكريم

كنت ناويه أروحه الحمد الله قرأت تقريرك الحلو صراحه رأيك مهم عندي لأنك من عشاق المأكولات البحريه يالله موفق إنشاء الله بس أنا جربت توتالي فيش حلوو مش مرررررررررره بس حلو يستاهل التجربه
أنا طلبت كيكة الربيان مره حلوه وأستاكوزا بالصوص لأبو الشباب وسمك صافي مقلي حلوه
الأستاكوزا عجيبه وجابولنا معاه سلطه ورز وإنشاء الله بحط صوري بتقرير الماسه قريب
سي يو

المشاركة الأصلية كتبت بواسطة حلاوه بالتوت
http://www.arabtravelersforum.com/tr...2/#post3427622

كنت ناويه أروحه الحمد الله قرأت تقريرك الحلو صراحه رأيك مهم عندي لأنك من عشاق المأكولات البحريه يالله موفق إنشاء الله بس أنا جربت توتالي فيش حلوو مش مرررررررررره بس حلو يستاهل التجربه
أنا طلبت كيكة الربيان مره حلوه وأستاكوزا بالصوص لأبو الشباب وسمك صافي مقلي حلوه
الأستاكوزا عجيبه وجابولنا معاه سلطه ورز وإنشاء الله بحط صوري بتقرير الماسه قريب
سي يو

ورأيك مهم بعد أختي حلاوة وتوتالي فيش كثير مدوحة ممن أثق بذوقهم على رأسهم أنتي ومشرفتنا فارسة والكثير من رودا بوابة البحرين خايف أنسى أسم أحدهم

وإن شاء الله لنا غزوة على توتالي فيش

وسأهجم حاليا على موضوع الماسة لرؤية الصور

تحياتي

كلاً له رأيه ..

أنا زرت المطعمين اللي قي فندق الشذى تاور واللي في البندر .. أرتحت كثير للي في الشذى تاور وجلساته لاتمل , مطعم راقي ورائع واكله نظيف وممتاز .

تسلم وبارك الله فيك

المشاركة الأصلية كتبت بواسطة arnop
http://www.arabtravelersforum.com/tr...5/#post3446395

كلاً له رأيه ..

أنا زرت المطعمين اللي قي فندق الشذى تاور واللي في البندر .. أرتحت كثير للي في الشذى تاور وجلساته لاتمل , مطعم راقي ورائع واكله نظيف وممتاز .

لولا إختلاف الأذواق لبارت السلع

المشاركة الأصلية كتبت بواسطة abo yazaid
http://www.arabtravelersforum.com/tr...6/#post3460056

تسلم وبارك الله فيك




الله يسلمك أخوي

الله يعطيك العافية

والف شكر لك من ابدى رايه وأعطانا فكرة اوضح عن المكان والخيارات البديلة