الموضوع: برناامج شبااابي

السلام عليكم

تحية عطره ابثها الى كل زوار وكتاب هذا المنتدى الرائع ، الذي طالما استفدت منه الكثير والكثير

نبدا في الجد ، السالفة ومافيها اني انا وصديقي الصدووق ناوين ناخذلنا اربع ايام الى اسبوع في دبي ، في اجازة مابين الترمين. وصديقي ذا من جنبها ، راح تكون ذي اول طلعه له برى المملكه ، فالله يعيني راح اكون المسؤول عن الطلعه كلها من الى، وانا قلت مالي الا اعضاء المسافرون العرب ، اللي عمرهم ماقصروا معاي.

فحبايبي ابغا منكم برنامج لشاابين مهسترين يبغون يفلونها وينبسطون في دبي دانة الدنيا يبغون يشوفون وش هي دبي اللي العالم اقلقوهم بها خخخخخ
وبليييز لاحد يقلي ان البرنامج يعتمد على ذوقك وانت اللي لازم تسويه بنفسك ، لاني ماعرف اي حاجه عن دبي غير التزلج وبرج العرب قايلكم من جنبها خخخ

ميزانيتنا والله مي ذاك الزود ،من الفين الى ثلاث، عارفين طلاب جامعيين وعايشين على المكافئة الله لا يحرمنا منها بس خخخ

طبعا السفرة راح تكون جو
وياليت بعد تعطونا فكرة عن اسعار الشقق او الفنادق المتوسطة ، مو شرط تكون فخمه وفايف ستارز ، لا اهم شي تكون نظيفه وموقعها حلو


الموووهيم ، سوري على الاطالة وعلى الاسلوب الخاااايس

وفي انتظار ردودكم يالنشااما ، ومشكووورين مقدما

مواضيع عشوائيه ممكن تكون تعجبك اخترناها لك:

• اسعار فنادق دبي غير
• ابيكم تدلوني عن اماكن بدبي وابو ظبي
• سفري الخمسة نجوم والاقتصادي مع العائلة لأبوظبي ودبي يونيو ٢٠١١
• ماهي المطاعم الموجوده في مدينه جميرا ارجو الافاده طلب خاص للآهميه القصوى ؟
• استفسار عن مكتب تأجير
• مسرحية سالفا عرض الثلج
• ساعدوووووني الله يخليكم ويبارك فيكم
• عرب لينك مع التحية
• علاج حاله خاصه
• ممكن ترتبون لي الجدول
• أبي أفضل فندق عائلي؟
• رأيكم في راديسون بلو دبي مارينا ؟؟
• الى رواد المنتدى كافة ومحبي دبي خاصة
• الوايلد وادي
• عــندي أســتفســار وأرجــو المــساعــده مــنكـم
• الطريق من الرياض لدبي
• خبراء فنادق دبي الفزززززززززززعه تكفون
• دبي بايام
• استفسار ياخبراء دبي
• ارجوا المساعده من خبراء دوله الامارات الحبيبه

ياهلا والله بالزقرت الحلوين .. الله يذكر الجامعة بالخير .. ايام الجحلطة والسفريات تحسب للريال حسب

اخوي الله يعينكم على الاسعار في دبي .. غاالية .. بس عادي تعيش وتنبسط بالي في جيبك مهما يكون .. وطبعا لو كنت صاحب خبرة او سألت عن الي تبي راح توفر فلوسك وتوفر الصرف على اكتشاف الاماكن الحلوة وتضييع الوقت ..

بعدين ترجع لديرتك وتلقاك مالقيت الشي الي على مزاجك الا اخر يوم بعد ما طارت الميزانية وترجع وانت مقهور وودك بسفرة ثانية سريعه تعوض فيها..

انا مستعد اساعدكم بالي اقدر عليه .. بس فعلا لازم اعرف وش مزاجكم بالضبط .. ممكن لكم بالاسواق وهذا له كلام لحال وممكن تحبون تزورون الفنادق الفخمة وهذا يبي له ترتيب .. ويمكن ويمكن ويمكن .. ولا نقدر نفصل كل شي بالمنتدى

ميزانتكم الفين الى 3 كل واحد ولا المجموع .. اذا كل واحد حلوة .. اذا المجموع ما انصحكم تروحون لدبي .. لأن الفلوس بتطير على مشاوير التكسي من والى المطار ويمكن عشوتين ولا سهره ماااااشي حالها

ولو تبغون نصيحتي روحو بالباص لدبي ترى قريبة وراح توفرون كثير .. الباص كله مايجي عشر ساعات .. ووفروا مبلغ كبير ..
ولا روحو لسوريا الوضع تمام هناك الحين .. والاجارات ارخص من دبي بكثيييير .. دبي السكن غاااااالي بتتورطون ..

بتدخل شقة تتوقع ان اجارها 200 الى 300 .. بيقولك 950 وبعد الخصم 850 واحمد ربك

عموما انا راح اكون بدبي بالاجازة النصفية ولو حبيتو تسألون عن اي شي انا موجود .. ولو تبون نروح اماكن سوا ونتمشى ماعدي مشكلة .. تراي العام متخرج من الجامعة وطلاب الجامعه غالين عندي .. خصوصا جامعة الملك سعود

وعسى الله يوفقكم برحلتكم ويستر عليكم

والله يالخوي انك ماتقصر ،وهذا العشم فيك .

وبالنسبة لدبي صح هي غالية لكن برضها حلوة وقريبة،و دخلت مزاجنا وما في غيرها . وسوريا لو نقل اهلنا رايحين لها سحبوا الجوازات منا ولا خلونا نطلع من البيت، فخلينا على دبي اصرف خخخخخ

وبالنسبة للمزاااج فهو متقلب ، تعرف شباب في رحلة ، بس خويي هذا مرة منتهي ، اول مرة يسافر وشكله بيجيب العيد خخخخخخخ

يعني تسوق بدون شرى ، وفنادق بدون سكن و ولفلفة بدون تكسي ( كعابي يعني) امزح مو لهـالدرجة خخخ

والميزانية الفين الى 3 لك واحد بس ممكن تزود الى الستدعى الامر خ خ خ

وبالنسبة للسفرة مرررة مايجي بالباص ، ناوينها جو الله لا يعوق بشر ، عسى بس نحصل تذاكر


واحنا نتشرف والله بخوتك ،

بس يالغالي مشكلتنا الوحيده هي السكن







تراي العام متخرج من الجامعة وطلاب الجامعه غالين عندي .. خصوصا جامعة الملك سعود



على راسي ، دام كذا ليتني من جامعة الملك سعوود بس للاسف من ام القرى ، لكن لي ولد عم في الملك سعود خخخ********برى

وترى يجوز للاعضاء الثانين يردون على الموضوع خخخخ

والسلام خير ختااام

ياجماعة الخير تكفون ساعدونا

موعد الرحلة قرب ، وانا للحين ماخططت ولا سويت شي

في انتظار ردودكم

التذاكر انا خذت على الاماراتية من البحرين الشخص ب600ريال
والسكن يفضل انك تسكن حول الامارات مول وكذا توفر عليك شوي من المواصلات لان اغلب الاماكن قريبه وفيه شقق فندقيه كثيره متشره هناك واسعارها زينه
والاماكن الي ممكن تروحون لها الوايلد وادي وهي العاب مائية وينبسطون فيها الشباب
والسكي دبي والقريه العالمية وهذي يبغالها يوم والمارينا وممكن تروحون الخور وتتعشون في احد السفن العايمه هناك

^^^^^^
اخيرا في احد عبر ورد

مشكووورة والله ياخالتي

بالنسبة للخطوط حجزنا على طيران الخياس ناس من دبي على الشارقة، لانه ماحصلنا غيرها في الموعد اللي نبغاه ، بس يقولون كلها ربع ساعة من الشارقة لدبي ، مدري اذا الكلام هذا صحيح ولا لا؟ ياليت احد يفيدنا في الموضوع ذا

والسكن ناوين نحجزه من هناك ، نروح ونختار الفندق اللي نبغاه ، بس حاس انا بنتهجول ، ففكرت احجز حجز مبدئي من هنا واذا ماعجبني كنسلته

فيه فندق اسمه ramee مدحلي هو موظف وكالة السفر ، يقلي اربع نجوم وفي وسط المدينه ، بس مارتحت كلامه، فاللي قد سكن في الفندق او يعرف عنه اي شي يقلنا بالله ، عشان لانحجز ونتوهق فيه

او اللي عنده فندق ثاني ينصحنا به ويكون زي ماذكرت الخالة قريب من الامارات مول وسعر الغرفة مايتعدى الـ600 مطفر خخخ فياليت مايبخل علينا ويذكره لنا ويبشر بالعموله هع هع

في انتظاار تفاعل باقي الاعضاااء

ودمتم بود

اخوي منطقة مول الامارات ماتصلح لكم .. السوق اصلاً ماراح تجونه الا مرة وحدة .. اسكنو في منطقة بر دبي .. او ديرة

وابتعدو عن شارع وسوق نايف

واذا تبي رأيي احجز قبل .. لأنك لو رحت تدور بنفسك بتتعب كثييير .. لأنك بنتروح تدور على تاكسي .. والتكسي غااااااالي جدا هناك .. هذا غير ان الشقق الي تجيهم مباشرة .. اقل شقة تكون معقوله بالوقت هذا بتكون بـــ 800 درهم

بس لو حجزت عن طريق النت احسن شي .. عندك موقع بوكينج ممتااااز جدا

انا حجزت عن طريقة .. شقق فخمة وخمس نجوم وطلعت علي يوميتها بــ 330 درهم .. واتصلت عليهم قالو لو جيتنا لفندق مباشرة اليومية بــ 1200 درهم !!

شفت الفرق .. الحجز عن طريق النت سهل جدا .. واذا مامعكم فيزة .. شوف احد اصدقائك او اخوانك معه فيزة واحجز فيها
ولا راح ياخذون منها اي مبلغ .. مجرد يحجزون المبلغ للتأمين .. واذا وصلتهم تدفع كاش وخلاص

والشارقة ودبي مافيي فرق .. كأنك طالع من العزيزية للشرايع .. عبارة عن مدينه وحدة بس الطريق زحمة

وبالنسبة لو بتحجز من وكالة سفر .. قبل تاخذ الفندق .. انتبه لاتتوهق ويصير مو كويس او مايصلح لكم .. خذ اسم الفندق وادخل النت وسو بحث عنه وادخل صفحته واقرأ كل شي عنه


وبالتوفيق

منور والله ياراعي

يالغالي احنا ماندل في دبي ولا فنادقها ، رايحين على عماها

فلو تتكرم وتعطينا اسماء الفنادق الحلوة وتكون اسعارها مناسبة ، وموقعها يكون قريب من وسط المدينة ، عشان نوفر شوي حق التكاسي.، ولايهون الفندق اللي حجزت فيه ، شكله جناااان

ولو توضح لنا اكثر طريقة الحجز ، ترىانا مرة غشم من الناحية ذي ـ تكسب فينا اجر والله خخخخخ

ولا اقووول لو نتواصل على الايميل يكون احسن بكثيير والله ، وراح تسوي جميلة كبيرة فينا

حاول ترسلي ايميلك على الخاص ، لاني زي ماقريت انك ممنوع من الرسايل الخاصة

وهذا ايميلي

(يمنع وضع الإيميل)

ومشكوور مقدما على اللي بتسووويه

السلام عليكم

حياكم الله في الامارات

بما انها زيارتك الاولى للدوله ، انصحك انك ترتب السكن من خلال اي مكتب سياحي عندكم في السعوديه ، لانك بتتوهق ومابتعرف وين تسكن ، ماشاء الله الفنادق في دبي تتجاوز الالف فندق ، بس حبيت انصحك بما انكم شباب وسايرين تنبسطون لاتسكن في الشارقه لانه الطريق من الشارجه لدبي زحمه مش طبيعيه رغم انه المسافه بينهم بسيطه.

ونحن حاضرين لاي خدمه ،، ويامرحبابكم في دار زايد