الموضوع: اهل ميونخ تعالو دبرو اموري تراني متوهق

السلام عليكم

كيف الحال .. ان شاءالله طيبين وبخير

انا ناوي اروح ميونخ شهر العسل ان شاءالله في جولاي

والنيه بجلس اربع ايام وبعدها بطلع زيلامسي وفيينا

اربع ايام هل هي كافيه لميونخ؟؟
وش ابرز الاماكن اللي فيها؟
واذا بغيت اروح للنمسا وش اللي اقرب زيلامسي ولا فيينا؟
وبالنسبه للفيزا وش وضعهم؟
اقدر انطلها على مكتب ويخلص اموري

ادري غثيتكم بكثر الاسئله:d

بس وش اسوي شايل هم هالموضوع

ويالييت تعطوني تفصيل اكثر للموضوع

يعطيكم العافيه

مواضيع عشوائيه ممكن تكون تعجبك اخترناها لك:

• استفسار بخصوص الفيزا
• وردة الكويت تبي فزعتكم
• استفساااااااااار عن الفيزا ضروري بليز
• يوروب بارك الغابات السوداء استفسار
• استفسار يا خبراء المانيا
• جواب شافي باذن الله كيف استخراج الشنقن من السفاره الالمانيه
• اللي يعرف مدينة شتوتغرت في المانيا يساعدني
• وش رايك بطيران المانيا لوفتهانزا بزنس كلاس
• استفسار عن الاطفال في الفندق ظرووووري
• استشاره لخبراء أوروبا
• رحلة علاجية لـ هامبورغ إيسن ، ساعدوني ياخوان
• أنا الأن في أوروبا وهذا العلم الأكيد بالنيبة لفيزا مسبقة الدفع من بنك البلاد
• محتاج مساعدتكم في رحلة لميونخ والمناطق المجاورة لمدة ايام تقريبا
• شقه عائلية في ميونخ لشهر وتكون بسعر مناسب
• رحلتي القادمة ( ميونخ / زيلامسي / البندقية / ميلان / لوجانو / انترلاكن / باريس )
• ابي فزعتكم قرب موعد حجز التذاكر
• مقارنه بين فنادق ميونخ من افضل مريديان او سوفتيل
• استفسارات تهم المبتدئين للسفر اريد اجوبتها
• هنوفر
• الرحله انحجزت الى فرانكفورت وين اروح ساعدوني

ابوعمر وينك
ولايهونون البقيه...

المشاركة الأصلية كتبت بواسطة meshary911
http://www.arabtravelersforum.com/tr...6/#post4737632

السلام عليكم

وعليكم السلام ورحمة الله

كيف الحال .. ان شاءالله طيبين وبخير

انا ناوي اروح ميونخ شهر العسل ان شاءالله في جولاي

الله يوفقكم ويجمع بينكم على خير

والنيه بجلس اربع ايام وبعدها بطلع زيلامسي وفيينا

اربع ايام هل هي كافيه لميونخ؟؟

كافيه جدا والأفضل وضع يوم منها لزيارة غارمش الريفيه من الصباح الى المساء

وش ابرز الاماكن اللي فيها؟

الأماكن السياحية في زيلامسي أو كابرون يبعدون عن بعض 10 دقائق بالسيارة :

1_ التجول حول بحيرة زيلامسي الجميله

2_ الذهاب الى قمة كابرون

3_ الذهاب الى قرية سالفيدين وفيها الزحليقه الصيفيه

4_ الذهاب الى شلالات الكريمل

5_ الذهاب الى قمة شميتين هويه

6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق

7_ الذهاب الى شلال كلام والمشي على الخوانق الخشبيه الضيقه

8_ الذهاب الى قرية walchsee تبعد ساعه وشوي وفيها بحيرة جميله وزحليقه أيضا

9_ الذهاب الى ملاهي فاميلي لاند اذا عندك وقت


الأماكن السياحية في ميونيخ :

1_ شارع المشاة الرئيسي

2_حديقة الهوف قاردن

3_ حديقة الألمبياد ومتحف بي ام دبيلو

4_ شارع المكسميليان

5_ الحديقه الانجليزيه

6_ حديقة الحيوانات

7_ ساحة المارينا بلاتز

8_ ساحة الكارل بلاتز

9_ الذهاب الى ملاهي ليقو لاند

10_ الذهاب الى قرية غارمش الريفيه الجميله


الأماكن السياحيه في فيينا :

1_ملاهي براتر ويفضل زيارتها بعد العصر

2_ التجول في ساحة ستيفانز

3_ التجول داخل حديقة شتاد بارك

4_ الذهاب الى قصر الشونبرون وحديقة الحيوانات الملاصقه له

5_ زيارة حديقة وبرج الدانوب

6_ التجول على نهر الدانوب وركوب القوارب

7_ المشي في شارع ماريا هلفر والتسوق منه

8_ زيارة مغارة هتلر خارج فيينا وهي بارده خذ احتياطك باللبس

واذا بغيت اروح للنمسا وش اللي اقرب زيلامسي ولا فيينا؟

زيلامسي أقرب طبعا الأفضل اذا كان عدد الليالي 14 ليله لرحلتك يكون مخططك كالتالي :

3 ليالي ميونيخ ويبدأ أجار السياره من ثاني يوم بعد الراحه

5 ليالي زيلامسي أو كابرون

3 ليالي سالزبورغ تسليم السياره في آخر يوم والأنطلاق بالقطار الى فيينا

3 ليالي فيينا

وبالنسبه للفيزا وش وضعهم؟

الأفضل استخراج التأشيره من بلد الوصول

اقدر انطلها على مكتب ويخلص اموري

اذا التأشيره من ايطاليا وفرنسا والدول السهله يقدر يطلعها لك لكن فيه بعض السفارات تستلزم حضور صاحب الجواز

ادري غثيتكم بكثر الاسئله:d

بس وش اسوي شايل هم هالموضوع

ويالييت تعطوني تفصيل اكثر للموضوع

بالعكس اسأل اكثر وبالعكس كلنا موجودين لخدمتك وللأستفاده من بعضنا

لكن فيه كم سؤال

1_ كم ليله الرحله ؟؟؟

2_ ماهي المدن التي سوف يتم زيارتها ؟؟؟

3_ هل سوف تستأجر سياره ؟؟؟؟

4_ ماهي الفنادق اللي راح تسكن فيها ؟؟؟؟

يعطيكم العافيه



الله يعافيك وان شاء الله تكون رحله ممتعه وترجعون بالسلامه

ابو نزيه..
جعل بالجنه ووالديك

تقريبا الرحله راح تكون من 15 الى 17 يوم ان شاءالله

التخطيط اني بروح اول شي لميونخ وبعدها زيلامسي وبعدها سالزبورغ وبعدها فيينا.

يعني التأشيره اطلعها من السفاره الالمانيه؟؟
لازم اروح لهم ولا مكتب يكفي؟

والنيه ان شاءالله استأجر سياره

والى الحين مابعد سويت اي شييي


والله يعطييك العافييه

هلا فيك
ومبروك مقدما ..

اولا تبي تأجر سياره وله لا ؟؟

ثانيا الي اعرفه في مكاتب اطالعها لك بزياده فلوس

ثالثا لو تبدأ بفينا ثم رسالزبورخ ثم زيلامسي ثم ميونخ افضل .. طبعا ممكن بالعكس ما في مشاكل .. لكن الافضل كما ذكرت

بنتظارك وابشر

هلا ابوعمر
الله يبارك فييك وفي ايامك

المكتب افضل لي لاني ساكن بالخبر مشوار اني اروح الرياض اخلصها وارجع
بشوف لي مكتب افضل

وبالنسبه لتأجير السياره ان شاءالله بستأجر سياره كشخه وفخمه لازم التكشخ اول الايام:d

وش رايك تكون محطة الوصول كالتالي

ميونخ - زيلامسي - سالزبورغ - فينا
لاني سمعت ان ميونخ تأجير السيارات فيها ارخص من ميونخ!!

والنيه بستأجر من ميونخ بنفس اليوم اللي بمشي فيه لزيلامسي لانه يقال ان المواقف بقلوس في ميونخ ولاتحتاج السياره كثير؟؟
واسلم السياره في سالزبورغ
زيلامسي وسالزبورغ احتاج سياره صح؟؟
فينا يقولون ماتحتاج السياره فيها؟؟

ياليت تفيدوني فيها

والف شكر لكم على تعاونكم...

هلا فيك

حتى لو بديت بفينا ما راح انأجر سياره من النمسا ويكون انوصل سالزبورخ ونأخذ تاكسي الى فريسلانق الالمانيه ونأجر السياره يعني نفس الحسبه ..

عموما بعد 3 او 4 ايام بميونخ احر السياره والى زيلامسي ثم سالزبورخ وسلمها قبل اخر يوم بسالزبورخ بفريسلانق واليوم الي بعده اطلع بالقطار الى فينا ..

يعني بالحالتين نفس الشي تقريبا .. وصحيح بميونخ وفينا ما تحتاج سياره ...

اختار اي من المخططين ... النتيجه واحده تقريبا


تحياتي

ابوعمر الله يجزاك خيير

سؤال شاطح بقوه

وش رايك بالكروز؟؟
تنفع لشهر العسل؟؟
تنصحني فيها انت بحكم خبرتك؟؟

ويعطيك العافيه يالغالي

هلا فيك .

اولا انا ما جربتها .. وثانيا ما انصحك فيها .. رأيي انها ما فيه اي خصوصيه .. ومتعبه ومحدوده

جدولك المختار ممتاز لشهر عسل والكل سبقك بمثل هذي الخطوه .... اخذ بنصيحتي واطلع على الجدول المذكور

ولو حاب تتسوق بأخر الرحله اعكس المخطط وخل ميونخ بالنهايه ..

تحياتي لك والله يوفقك

الله يعطييك العافييه

اكييد بتسوق
فيينا مب كويسه للتسوق؟

انا قلت بسالك اكيد عندك خبر عن الكروز

نحطها للرحله اللي بعدها ان شاءالله

الله يعيطك العافيه يابوعمر

المشاركة الأصلية كتبت بواسطة meshary911
http://www.arabtravelersforum.com/tr...6/#post4742326

الله يعطييك العافييه

اكييد بتسوق
فيينا مب كويسه للتسوق؟

انا قلت بسالك اكيد عندك خبر عن الكروز

نحطها للرحله اللي بعدها ان شاءالله

الله يعيطك العافيه يابوعمر




والله نصيحتي اذا تقدر تخلي فيينا بالبدايه أفضل وخصوصا أنه معاملة مطار فيينا أريح معامله وأقل تشدد من مطار ميونيخ

وميونيخ أفضل بالتسوق

أنا مخططي كان :

3 ليالي فيينا ثم انتقلت بالقطار

3 ليالي سالزبورغ واخذت تاكسي الى قرية فريلايسنق الألمانيه تبعد 10 دقائق واستاجرت السياره

5 ليالي زيلامسي

3 ليالي ميونيخ وسلمت السياره فيها

اهم شي في السيارة ان تكون ديزل
علشان ما تدفع سعر السيارة لتعبأة الوقود


الشي المهم احرص على التأمين الشامل حتى ضد سرقة السيارة علشان ترتاح

موفق والاخوان ما قصروا