السلام عليكم و رحمة الله بركاتة
كثير من تجارب الأخوة و الأخوات فيها المفيد و فيها السعيد و فيها المحبط
تجربتي أكيد بتحبط الكثيرين خصوصا للباحثين عن الفيزة السياحية
تقدمت بطلب الفيزة عن طريق النت و دفع رسوم التسجيل
و تم تعبئة النموذج و طباعتة و كذلك تعبئة النموذج الثاني
الي هم (156 و 157) و تعبئة النماذج خالية من الأخطاء
لدرجة أن الشخص الي كان يراجع الأوراق و المتطلبات قال
ياليت إنك تساعدنا :x1:
(بإختصار جميع المتطلبات مكتملة 100% دون نقصان أو خطاء)
المهم بعد أخذ البصمات و طرح الأسئلة كان السبب الرئيسي للسفر
هو زيارة قريب لي موجود في أمريكا للعلاج , فطلب مني إثباتات بخصوص
هذا الموضوع , وكان معي تقرير مفصل عن الحالة الصحية لقريبي و التقرير
صادر من المستشفى الي هو فيها بتوقيع الدكتور المعالج و إدارة المستشفى
بالختم و في أسفل التقرير الدكتور ذكر انة في حال وجود أي أستفسار عن
مريض يمكن الإتصال علية شخصيا وذكر تلفوناتة و إيميلة و مع التقرير دعوة من
قريبي موجهة للسفارة.
بعد كذا أخذ مني الأوراق و جلس يقراها و أخذ أكثر من خمس دقايق
و هو يقراء وبعدين نزل الأواق على الجواز و النماذج الي معة
و بداء يطقطق في الجهاز ويمكن أخذ تقريبا خمس دقايق ثانية
و هو يكتب المعلومات في الجهاز :623:
وبعدها مسك كارت لونة بيج (خاكي) بعض الناس يسمية لون خانكي
المهم و يضربة بالختم ويضرب الأوراق بالختم و عطاني الكعب و قالي
رحلة سعيدة وتمنياتي لقريبك بالشفاء بس سدد 27 ريال في الشباك
الثاني عن رسوم تحصيل الجواز و بعد إسبوعين تعال إستلم جوازك
مرت الأسبوعين و جيت على الوعد الساعة 3 بعد الظهر المهم في الطابور
حتى جاء دوري للشباك و عطيتهم الكرت جلس الي أخذ مني الكرت يدور
ما لقى شي .. كلم الأمريكية الي معهم سلم الجوازات و ترد على بعض
إستفسارات الموجودين .
دورت بنفسها و ما لقت شي .. بعدها إتصلت داخل السفارة
وبعد إنتظار 10 دقايق قالت لي إدخل و روح شباك 5 في نفس الصالة
الي سلمت جوازك فيها
دخلت و لما وصلت الشباك قالت لي الموجودة إنتظر شوي
و بعد تقريبا 5 دقايق جت عجوز وجهها وجة نحس :36_1_29:
لابسة نظارات كنها دربيل ليلي الي مصنوعة في السبعينات
وقامت و نادتني و قالت خذ جوازك و مع السلامة أسفين
قلت ليش ؟ و ش السبب ؟
قالت بالحرف الواحد مافية سبب معين غير إنك مو مؤهل حاليا
للحصول على الفيزة ,, قلت لا بد من سبب واضح و إنتي ما عطيتيني
أي سبب للرفض
وقعدت أحاول فيها بالكلام الزين :36_3_11: بس مافاد فيها
وقالت بمراجعة جوازك و جوازك السابق ما عندك سفريات كثيرة
هي كلها ثلاث أو أربع دول وكانت في تواريخ قديمة
قلت هذا مو سبب مقنع ,, قالت مو مهم المهم إنك حاليا غير مؤهل
للحصول على الفيزة ,, روح و بعد أربع أو خمس شهور قدم مرة ثانية
قلت لها يعني أروح أسافر كم بلد قبل ما أقدم مرة ثانية
قالت ما أقولك أيش تعمل أنا أقولك إنك غير مؤهل للحصول على الفيزة
في الوقت الحاضر
قلت لها طيب أنا حاصل على هذا الكرت و دافع رسوم التحصيل
قالت مو شرط إن الي يحصل على الكرت راح يحصل على الفيزة
أخذت جوازي و طلعت :097:
وهذا الي حصل معي
و سلامتكممواضيع عشوائيه ممكن تكون تعجبك اخترناها لك:
- مظاهرات في لوس انجلوس ويست وود
- تاجير السياره ؟
- اشرايكم بنيويورك بشهر فبراير
- استفسار بخصوص حجز موعد المقابلة
- سكن نيويورك
- لمن يريد فيزا سياحية هل معقولة عليه ينتظر شهور ؟؟ أو فيه حل ؟
- احلا ولاية للي سافروا امريكا وشافوا
- الي قدها يدخل
- سؤال عاجل لو سمحتم
- الي بيساعدني والله لأخلي امي تدعي له وبذمتي
- استفسار عن سوريا
- كلمة شكر في اول مشاركة
- الكل حصل على الفيزا ماعدا رب الأسرة ؟؟؟؟؟؟؟؟؟؟
- إعادة طلب الفيزا بعد الرفض
- رجائاً منكم ياخبراء ويسكونسن
- ارجوا المساعدة عن بطاقة الزائر
- عـــــــــاجــــل
- سؤال الي بنت القصور
- طيران الى اورلاندو مباشر؟
- سؤال يا استاذ امباكت
رد مع اقتباس
المفضلات