المشاركة الأصلية كتبت بواسطة lolh
http://www.arabtravelersforum.com/tr...2/#post3597327
بحثت عن برامج حتى امشي عليها مالقيت غير ذكر اسماء فقط لاسواق ومطاعم واماكن سياحيه ..
فياليت اللي عنده المام تمام بالاماكن الجميله بالكويت يسوي لي جدول كامل لكل يوم يتضمن ( اماكن سياحيه "شواطئ قعدات واسواق ومطاعم واماكن اخرى ) ..
اختي الكريمه .. بأول شطر من مشاركتج ماتبين الأسواق ، وبالشطر الثاني تبينهم ؟؟!!
يمكن خانج التعبير .. شوفي وانا اخوج .. الأسواق اولها اكيد الأفينيوز وبياخذ منكم تقريباً يوم كامل لإنه حيل كبير وبركن من اركانه ikea اللي بحاجه لعدة ساعات بروحها .. عندج المدينة الترفيهية بالدوحة انصحكم فيها ، يوم الأثنين مخصص للنساء وبما انكم سعوديات بتاخذون راحتكم اكثر بهذا اليوم ، عندج ابراج الكويت ارشح لكم الريوق فيها الصبح ، المركز العلمي على طريق الخليج العربي ، إذا معكم يهال لا يطوفكم ترى حييل بيستانسون فيه خصوصاً الأوكرايوم .. تحبون المتاحف ؟
عندج سلمج الله متحف بيت الكويت للأعمال الوطنية بالشويخ ( وهو المتحف اللي يوثق الغزو العراقي للكويت ) وفيه رأس تمثال صدام حسين ( شاهدي تقريري عنه بعضويتي )
ومتحف الكويت الوطني على الخليج العربي ، وبالقرب منه بيت دكسن ( ديكسن هو المعتمد البريطاني بالكويت سابقاً )
عندكم مجمع الكوت والمنشر بالفحيحيل ، مجمع 360 على الدائري السادس
المباركية .. محلات قديمه وفيها تمشيات حلوه ، عدة اسواق متعدده من الملابس والدراريع الكويتية ، مكسرات ، حلويات ، مسابيح ، بشوت ، تحف وهدايا إيرانية مطاعم ، مواعين قديمه وتراثية ، كل شي تلاقونه بالمباركية ، يصلح للحريم وانصح لكم تروحون له من الصبح لين العصر ( اريح لكم من زحمات الليل )
المطاعم اللي تطبخ بطريقة قديمة وبأيادي كويتية ( مطعم فريج صويلح ) خلف المارينا مول ..
وعلى فكرة الكويت الحين موسم تخفيضات نهاية الموسم + مهرجان هلا فبراير ، فإستغلوا الفرصة والله الله بالصوايغ ( الهدايا ) للأهل والأقارب هههههه
المولات عاد كل مول فيه مطاعم وانتم وذوقكم والله يهنيكم .. رحلة سعيدة ان شاء الله
رد مع اقتباس
المفضلات