+ الرد على الموضوع
صفحة 1 من 3 123 الأخيرةالأخيرة
النتائج 1 إلى 60 من 137

الموضوع: جدول سيــاحي لديـــرتــي الغــــاليــــه الكـــــويـــت محـــدث

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    جدول سيــاحي لديـــرتــي الغــــاليــــه الكـــــويـــت محـــدث


    حياكم الله في ديرتكم الكـــــــويــــت وهذي الساعه المباركه
    سويت لكم جدول بعد ماعصرت مخي وسويت اتصالاتي اذا في شي يديد ولا لا وطلعت لكم في هالجدول اهو جدول لمده تقريبا 13 يوم يعني تقدرون اتقسمون ويصير جدولين او انتقون منه الايام اللي تبونها وعاجبتكم، وحسب وقت وجودكم في الكويت اذا مواسم او شتا او صيف ..

    بسم الله نبتدي معاكم

    اليوم الاول: يوم الوصول

    اذا قلنا وصلتوا الصبح ورحتوا الفندق وريحتوا وصليتوا الظهر تطلعون وتروحون اتغدون في

    الغدا : مطعم ميس الغانم ( لبناني ) ، منطقة شرق ، على شارع الخليج العربي على البحر ..

    بعد الغدا تروحون يمه سوق شرق اتمشون واتسوقون فيه وتقعدون في الكافيهات اللي على المرسى وعقب تطلعون منه وتروحون ..

    متحف بيت ديكسون ( بيت المقيم السياسي البريطاني في الكويت ) منطقة شرق مقابل وزارة الخارجيه وبجانب وزارة التخطيط ، يعني اذا طلعتوا من سوق شرق اخذوا يمين وراح تلقونه على ايدكم اليسار ..

    وبعده متحف بيت السدو على شارع الخليج العربي رقمهم 22432395 ، وبعدين ترجعون الفندق اتريحون بو ساعه وتطلعون على مارينا مول اتمشون و تحجزون فيلم وقت متأخر دشون بعد العشا ..

    العشا مطعم ماكي (ياباني) في مارينا ويفز تطلع من جسر مارينا مول يوديك على جهة المطاعم على البحر في مكان بالنص شكل خيمه بنص البحر المطعم موجود اهناك اكله واايد حلو او المطعم اللي يمه ايطالي واكله حلو ..
    وبعدها اتحلون في living room cafe تحتهم القعده مو طبيعيه بس لبسوا عدل (اذا كان الجو شتوي ) وبعدين دشوا الفيلم اللي حجزتوا له ..

    اليوم الثاني :

    الصبح على ال 9 اتريقون في مطعم واايد حلو اسمة ريوق ، منطقة الشعب البحري ، قطعه 8 بجانب مطعم فيلا فيروز ،، اذا كنتوا ماشين على خط فحيحيل باتجاه مدينه الكويت راح تصير الشعب على ايدكم اليمين الفرعي الثاني تدخلون وتمشون اشوي سيده تشوفون فيلا فيروز يمينكم دشوا يمين وبتشوفون المطعم ..

    وبعد الريوق اتروحون تطلعون على خط فحيحيل باتجاه مدينه الكويت وتروحون سوق المباركيه بما ان الجو حلو ويحتوي على كل شي ( الذهب ، الملابس ، البشوت ، المسابييح ، العطور ، المكياج ، الخضار ، الفواكة والخ .... ) بعد ما اتخلصون تسوق وتمشي اتغدون في احد المطاعم الشعبيه اكلهم ترا واااااايد حلو عندكم ( دلق سهيل ، السيخ البحريني والخ ... من مطااعم ) ..

    العصر تروحون متحف طارق رجب : عنوانهم الجابريه ، قطعه 12 ، شارع 5 ، اوقاتهم من 9-12 الظهر ومن 4-7 المسا تليفونهم 25317358 او 25339063.

    بعد المتحف المغرب تروحون سوق السالميه الاحمر مكانه عند دوار الجوازات الدائري الخامس اتسوقون واتمشون فيه ..
    العشاء على الساعه 10 مطعم الصنوبر (لبناني ) السالميه شارع البلاجات على البحر ..

    اليوم الثالث :

    الصبح اتريقون على 9:30 او 10 مطعم لونوتر في مول 360 منطقة جنوب السره على الدائري السادس ريوقهم وااايد حلوو بوفيه وبعد الريوق اتمشون واتسوقون في المول وسمعت توهم فاتحين لادوريه كافيه عندهم خوووش ماكروون بس لاتكشخون في هاليوم واايد وراكم لعب عقب ما اتخلصون سوق وتمشي اتغدون في مطعم B+F (امريكي ) اعتقد بس وااااااايد لذيييييذ ،، عقب اتصلون العصر في المول وتتجهون منطقة صبحان المنطقه مقابله لمنطقه جنوب السره وتروحون نادي الصيد والفروسيه ترمون اشوي وتركبون الخيل الدائري السادس بجانب مستشفى القوات المسلحةhttp://www.facebook.com/group.php?gid=54325662250 ورقمهم 24717271
    وبعدين المنطقه اللي بجنب صبحان والمطار منطقه الضجيج تروحون وتسابقون سيارات PRO KART هذي خريطتهم ورقمهم 90096121 فاتحين من 10 ص لي 12 مساء
    http://www.facebook.com/photo.php?fb...46408922058156

    بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في مطعم المياس ( لبناني ) داخل منتجع شيك يطل على البحر الاكل حلو والقعده حلووه ،، او المطعم الايطالي ما اعرف اسمه اعلانه بالمقلوب يمه جافا ديتور كافيه ... وبعدين اتحلون في شوكلت بار عند الموفنبيك ..

    اليوم الرابع :

    الصبح اتريقون في الفندق اتسون ريوق بيتوتي نخي وباجيلا وخبز ايراني جبن وخيار وزيتون من هالسوالف على اذان الظهر اتصلون واتوكلون على الله منطقة الدوحه ( المدينه الترفيهيه ) لي المغرب يعني لي 5 وبعدها تردون الفندق اتريحون ساعه او ساعه ونص ،، وتوكلون على الله باتجاه مجمع الافنيوز على الدائري الخامس اتسوقون واتمشون فيه ..

    العشا في نفس المجمع مطعم NAPKET ايطالي وحلووو او مطعم رايس (شبه كويتي ) او فيلا فيروز (لبناني )

    بعد العشا تدخلون السينما بالليل ..

    اليوم الخامس :

    الصبح الريوق على 9 في مطعم مركز سلطان بوفيه على البحر ، السالميه ، شارع الخليج العربي ..
    بعد الريوق تروحون حولي اتسوقون في اسواقها اذا تبون شي عملي او للحفلات مجمع المهلب (شارع بيروت ) مجمع النقره الجنوبي والشمالي (شارع بيروت ) مجمع العثمان (شارع بن خلدون ) ..

    الظهر الغدا في مطعم فريج صويلح (كويتي ) السالميه بجانب مارينا مول ،، بعد الغدا تروحون الفندق اتريحون وتطلعون على 3:30 انتوا داخل الابراج اتشوفون الكويت من فوق وبعدين تنزلون تحت الابراج تلعبون paintball حرب الاصباغ اللعبه واايد حلوه اذا كنتوا قروب تلعبون ضد قروب واذ شخصين تقدرون تدشون مع قروب هذا سايتهم http://www.paintball-kuwait.com/

    وبعد صلاه العشا تختارون تروحون مسرحيه او حفله .. وراح تلقون في الجرايد اليوميه فعاليات هلا فبراير والامسيات والحفلات والندوات الدينيه ..

    واذا ماتبون جذي تقدرون تروحون مجمع الصالحيه راقي وكله ماركات في مدينه الكويت شارع الجهراء اتمشون فيه وبعدين اتعشون في جوني روكتس (امريكي) بره مع المطاعم اللي عند النافوره ..


    اليوم السادس :

    الصبح 9:3 الريوق في مطعم البلد (لبناني)بوفيه ، منطقه شرق ، برج الخدمة المدنيه ويمهم برج الوطنيه للاتصالات ..

    وبعدها تروحون السالميه شارع سالم المبارك واتمشون واتسوقون في هالمجمعات ( ليلى غالاري ، البستان ، الفنار، سنتر بوينت ، مركز سلطان سوبرماركت حلوو ، مجمع زهره ، مجمع مريم ، مجمع الثريا وتقعدون في احدى الكافيهات اللي على الشارع وكلهم مشي يم بعض ..

    الغدا : دون ماريوز (ايطالي ) حلوو على البحر منطقه شرق مقابل ميس الغانم في مطاعم يسمونهم الضيافه فيلج او اتغدون في فيش ماركت (سي فود ) تحت الابراج..

    بعد صلاه العصر تروحون متحف بيت الكويت للاعمال الوطنية ، عنوانهم منطقة الشويخ ، قطعه 7 ، شارع 7 بجانب المسرح العام ، فيلا 32 ،، تليفون 24846336.

    بعد المتحف تروحون مجمع الرايه راقي وهدووء ، منطقه شرق ، شارع الشهدا ، مقابل المطافي اتسوقون وتقعدون في ماكرون كافيه وتاكلون ماكرون لذيييذ ..

    العشا مطعم سلايدر ستيشن (امريكي) مقابل قصر السيف ، منطقة شرق من بعد دوار مسيد الدوله الكبير اتكملون سيده تكون مطاعم على ايدكم اليسار ومن ضمنهم سلايدر وااايد حلوو ..

    اليوم السابع :

    الصبح الريوق مارينا ويفز السالميه ، مطعم زعتر وزيت على المرسى ،، بعد الريوق اتروحون المركز العلمي على شارع الخليج اذا خليتوا مارينا مول يمينكم كملوا سيده تلقون المركز العلمي على ايدكم اليسار لي وقت صلاه الظهر مثلا ..

    بعدين اتروحون اتغدون في منطقه الشعب البحري على شارع الخليج العربي في مكان اسمه ملتقى الشعب في مطعم النوخذه ( سي فوود ) واااايد حللللوووو ويمهم حديقه الشعب بعد الغدا ريحوا اشوي مو واايد وبعدين دشوا لعبوا على 6 تطلعون منها ..

    تروحون الفندق واتريحون اشوي بعد ماتصلون العشا تروحون يوم البحار مكان العاب وقعدات شعبيه واكل شعبي ،، او اتعشون في المباركية اذا تبون الاشياء الشعبيه ..

    اذا ماتبون شعبي تروحون منطقه البدع واتعشون في مطعم واسابي (ياباني) اعتقد ..

    اليوم الثامن :

    الصبح اتريقون في مول 360 كاكاو كافيه يم لورينزو واتسوقون لي حزه الظهر ،، بعدين تروحون منطقه فحيحيل مجمع الكوت والمنشر واتمشون فيهم واتغدون في مجمع الكوت مطعم ياميجانا (لبناني) يطل على البحر وعقب الغدا ادشون سينما في مجمع الكوت ،، عقب السينما على المسيان تقعدون في وحده من الكافيهات اللي يطلون على النافووره المكاان واايد حلووو ..
    واتمشون في اسواق فحيحيل الشعبيه وبعدها اتعشون في مكان اسمه spoons المكان حلوو باتجاه ابراج غاليه وعاليه اذا خليتوا مجمع كويت ماجيك يمينكم كملوا سيده تلقون مكتوب spoons اتعشون في فرايديز واتحلون في شوكلت بار ..

    اليوم التاسع :

    الصبح الريوق في مجمع الافنيوز مطعم لورنزو (ايطالي) واتسوقون اشوي مو وايد لان وراكم روحه الفروانيه مجمع العربيد في دراريع (الجلابيات) ومجمع مغاتير والحمرا مول ،، اتخلصون من الفروانيه تروحون السالميه اتغدون في مغل محل (هندي ) في ماركس اند سبنسر يم مارينا مول ..

    وبعدين على 5 بعد ماتريحون تروحون متحف القرين (بيت الشهيد بدر العيدان ) عنوانهم : القرين ، قطعه 4 ، شارع 3 ، منزل 59 .. تليفونهم 25430343 ..

    او اذا ماتبونه خلوه وريحوا وشوفوا لكم مسرحيه او حفله ، واذ ماتبون مسرحيه او حفله تقدرون تروحون سوق السالميه الاحمر او ارض المعارض في منطقه مشرف اذا كان في معرض او المعارض الصغيره اللي يم المستشفى الاميري منطقه شرق مثل ( fa gallary، بيت ديفا والسدره موجودين مطقه شرق ، 52 degrees موجود في الشويج مجمع التلال والمعارض اللي اعلاناتها في الجرايد والخ ... ) او مجمع البيرق في منطقه العقيله.

    والعشا يكون في مطعم شرين بانو (ايراني) منطقه دسمان مقابل قصر الشيج جابر الصباح رحمه الله ...

    اليوم العاشر :

    OPEN DAYلوووول عيزت

    اليوم الحادي عشر:


    الصبح اتريقون في prime toast مقابل قصر السيف منطقة شرق وزاره الخارجيه على يمينكم وسيده اييكم دوار المسيد الكبير اتكملون يعد سيده اتشوفون المكان على ايدكم اليسار ريوقهم حلوو ، المكان كله مطاعم ..
    يمكم متحف الكويت الوطني24565342 او 22451195 من ضمنه ( دار الاثار الاسلاميه 22400992 ، ومتحف التراث الشعبي 22429158 ) ويم المتحف بيت البدر واهو من اقدم البويت الكويتيه 22429158 ، ويمهم مكتبة الكويت الوطنية .

    بعد ما اتخلصون من المتاحف تتجهون السالميه عند المارينا ويفز تحجزون على عباره ام الخير وتتجهون على جزيره فيلجا (فيلكا) واتمشوف فيها واتشوفون اثارها وترجعون الديره على 5 او 6 المغرب ..

    تروحون الفندق وتريحون اشوي بعدها تروحون ، برج النصار مدينه الكويت ، يم فندق الشيراتون دور 32 اتعشون في مطعم ايطالي نسيت اسمه بس المكاان واايد حلوو راقي وهادي والطله فيه احلى واكله حلوو او اذا تبون اكل كويتي مطعم الستينيات في حولي شارع بيروت مقابل المطافي تقريبا..


    وبجذي انتهى يومكم الاثري بما انه كله اثار ومتاحف

    اليوم الثاني عشر:

    تروحون مدينه الكويت وبالتحديد منطقه دسمان (شرق) يم مجمع دسمان برج مشعل ، تحت مطعم baking try مقابل مطعم نواره . اتخلي برج الحمرا يمينك واتكمل سيده بعد الاشاره راح يبين برج مشعل وفيه المطعم .. ريوووقهم واايد حلو ..

    بعد الريوق اتروحون الفندق اتريحون اشوي لان وراكم رحله بحريه عندكم مكتب سلسان لتأجير اليخوت هذا سايتهم http://www.silsan.net/New/charter.php ، مكانهم شارع الخليج بجانب مطعم مركز سلطان اتأجرون بروحكم من 1 – 4 على كيفكم جم ساعه تبون وتقدرون تروحون وتشوفون الجزر الكويتيه او يتمشى فيكم في الديره ما يطلع على الجزر انتوا اللي تختارون.

    بعد ماتردون على المسيان وتريحون اتعشون في مطعم ساسو saso نفس مكان الريوق الجهه المقابله ل baking try ، بعد العشا تكونون حاجزين فيلم في 360 مول ..

    اليوم الثالث عشر:

    اتريقون في مطعم عبدالوهاب (لبناني) بوفيه ، شارع الخليج من بعد نادي ضباط الجيش ، .

    بعد الريوق تتجهون منطقة العميريه على الدائري الخامس Kuwait zoo وبعد ما اتخلصون zoo تروحون منطقه المرقاب الدائري الاول صاله التزلج واتسون skating
    بعدها على 3 اتغدون في برج جاسم مقابل صاله التزلج : مطعم ماكي ياباني او ماضينا كويتي دور 28 او المغربي في نفس الدور ..

    وبعدها تروحون جمعيه الشاميه منطقه الشاميه اتمشون فيها لان هذا الشي مو موجود عندكم اهو سوبر ماركت وسوق وكل شي فيها ، او جمعيه الروضه ( منطقه الروضه ) ..

    بعد ما اتخلصون من الجمعيه اتروحون منطقه الجابريه ( متحف محمد الشيباني ، منطقة الجابريه قطع 5 شارع 3 تليفون 25320901 .. او تمرون الجهراء وتروحون القصر الاحمر ومنها تشوفون الجهراء.

    اتخلصون من المكان اللي اخترتوه اتروحون مقهى شعبي سليمان الشميمري منطقه شرق يم سوق شرق واتعشون فيه او اذا تبون مطعم تروحون المطاعم اللي مقابله قصر السيف من بعد دوار المسيد الكبير مطعم the burger hub امريكي او مطعم pizetta ايطالي يمه او مطعم نارنج ( سوري ) في مجمع اولمبيا على شارع الخليج العربي بعد مارينا مول باتجاه المركز العلمي.

    او انكم تروحون وتلعبون هاللعبه مثل بينت بول بس عسكريه اكثر وحلووه وموجوده في حديقه الشعب على شارع الخليج العربي .. وهذا موقعهم ..

    http://www.milsimkuwait.com/home.php


    اليوم الرابع عشر و الخامس عشر:

    تقدرون تحجزون شاليه لمده ليلتين او ليله وهذيل اسامي الشاليهات :

    1- شاليهات الوطنية - منطقه الخيران- طريج 290 جنوب الكويت- تليفونهم 22425211.
    2- منتزه الخيران- منطقه الخيران- طريج 278 جنوب الكويت- تليفونهم 23951122.
    3- فلل او شاليهات الفارس - منطقه الخيران - طريج 278 جنوب الكويت - تليفونهم 22659105/22659104/
    66992182/66992173
    4- منتزه خليفه - منطقه جليعه- طريج 240 جنوب الكويت- تليفونهم 23280144 او 232407262.
    5- شاليهات صالح شهاب- منطقه جليعه- طريج 245 جنوب الكويت- تليفونهم 23280573 / 23280571 / 23280865.
    6- فندق ومنتجع سيشل - منطقه جليعه- طريج 245 جنوب الكويت- تليفونهم 1844444.
    7- شاليهات الجون - منطقه جليعه - طريج 245 جنوب الكويت- تليفونهم 23281801 / 23281897.
    8- فندق ومنتجع هيلتون- منطقه المنقف- جنوب الكويت خط فحيحيل الساحلي- شاليهات عاديه وشاليهات بحوض سباحه خاص- تليفونهم 22256222 / 23725500 / 23724348.
    9- منتجع سفير الدانه - منطقه الفنطاس- طريج 209 جنوب الكويت خط فحيحيل الساحلي- تليفونهم 23902760.
    10- فنادق ومنتجعات - موفنبيك ، شيك ، رمال ، النخيل - منطقه البدع - شارع التعاون.
    تليفوناتهم : النخيل 25646266 / 1824060 ، موفنبيك : 22253100 ، شيك : 25725050.
    11- منتجع صحارى- منطقه صبحان - على الدائري السادس بجانب نادي الصيد والفروسيه- شاليهات عاديه وشاليهات بحوض سباحه خاص - المنتجع واايد راقي واايد هادي - تليفونهم 1840084.
    12- منتجع سليل الجهراء-منطقه الجهراء - شمال الكويت- تليفونهم 24575901 / 24567444.


    ملااحظات :- حديقه الشعب تصلح للكبار والاطفال.
    - المدينه الترفيهيه تصلح للكبار والاطفال.
    PRO KART تصلح للكبار والاطفال .
    - لعبه milsim مثل البينت بول وتصلح للكبار والصغار.
    - المركز العلمي يصلح للكبار والاطفال.
    - PAINTBALL تصلح للكبار والاطفال .
    - المجمعات كلها فيها اماكن خاصه للاطفال.
    - المتاحف تصلح للكبار والاطفال.
    - نادي الصيد والفروسيه يصلحون للكبار والاطفال .
    - اماكن للطائرات الورقيه في منطقه المسيله بجانب قريه المسيله المائيه او في منطقه بنيدر منطقه شاليهات .
    - مجمع ديسكفري مدينه الكويت على الدائري الاول للاطفاال.
    - مجمع الخليجيه منطقه شرق للاطفال.
    - حديقة حولي بارك منطقه حولي للاطفال.
    -المسرحيات في للاطفال وفي للكبار والحفلات والامسيات والندوات اعلانات يوميه في الجرايد (موسم مهرجان هلا فبراير- مواسم الاعياد)
    - مخيم وزارة الدفاع اعتقد في منطقه صبحان ( فيه انشطة ترفيهيه) .
    - مخيم شركة نفط الكويت اعتقد في منطقه جليعه جنوب الكويت (انشطه ترفيهيه).
    -القصر الاحمر منطقه الجهراء.
    - مزارع الوفره ( منطقه الوفره جنوب الكويت )
    - الاكوا بارك مائيه ( في الصيف ) منطقه شرق تحت الابراج.
    - قريه المسيله المائيه ( منطقه المسيله )في الصيف.
    - ملاعب الصابون كوره القدم (في الصيف).
    - رحلات بحريه مع غداء او عشا او اي مناسبه خاصه من مارينا كروز وهذا اكاونتهم في الانستغرام @marina_cruises
    - متحف بيت العثمان في حولي يستحق الزياره
    - ارض المعارض الدوليه في مشرف ( تشوفون اذا في معاض ولا لا بالجرايد )
    - معارض الازياء والكماليات ( مثل بيت ديفا - دار يوشا منطقه جبله (القلبه) من ورا الكنيسه ويمه بيت ديمه - معرض افكاري بالري بجانب السوق الايراني - معارض في هلتون المنقف (التأكد اذا موجودين قبل ماتروحون) - معارض في صاله الشيخ سالم العلي في قرطبه ( التاكد قبل ماتروحون ) ، معارض فندق رمادا في منطقه الرقعي (التأكد قبل ماتروحون ).
    - الشاليهات والمنتجعات ..

    اتمنى يعجبكم الجدول وما اكون قصرت فيه واتمنى اني غطيت اغلب الاماكن في ديرتي الغاليه الكويت وان شاء الله اي شي يديد راح اضيفه على هالموضوع

    واي استفسار بالخدمه

    الى زوار الكويت الحبيبه
    اي موقف يصادفكم في المحلات او فنادق او مطاعم الخ وحسيتوا انهم قاعدين يستغلونكم الرجاء الاتصال على الخط الساخن لحمايه المستهلك .. يعني مثلا فندق يقولكم ضريبه مافي على طول اتصلوا على حمايه المستهلك وبلغوهم ونفس الشي للمطاااعم وهذا اهو الرقم
    الخط الساخن لحمايه المستهلك 135

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    هذا الشغل العدل ما شاءالله كافي ووافي .........يعطيج العافية

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    الله يعطيج العافيه مجهود وايد حلو ومبين تعبتي عليه

    وايد ريحتينا اي استفسار راح ارد عليه بكوبي وبيست حق موضوعج لانه شامل

    مع حفظ حقوق النشر باسمج

    شكرااا

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    والله ما قصرت وشغل متعوب عليه وانا جاي والعيله يمكم بعد اسبوع وحطيت برنامجك معي بعد ماطبعته بس طبعا اباختصره لأني اظن تكفينا 4 ايام وليت حطيتي الاسعارولو تقريبيه لفيلكا والرحلات البحريه وبعض المواقع والأماكن وهل هي برسوم او فريي ايضا لو ارفقت صور للمواقع والاماكن المذكوره يكون اكمل لبرنامجك الحلو والله يسلمك ويعطيك الصحه

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    جزاك الله الف خير على هالموضوغ الرائع واتمنى يثبتونه

    انا جاية الكويت يوم الجمعة بأذن الله واتمنى يعبك برنامجي واذا ممكن تعدل عليه بكون ممنونه

    1/ راح نوصل بأذن الله على وقت الظهر بنروح الفندق نريح وبعد صلاة المغرب بنطلع لستي سنتر وبعدها سوق المباركة والعشاء في المطاعم الشعبية

    2/ الذهاب صباحا الى حديقة الحيوان ثم الغداء في أحد المطاعم القريبة (؟) وبعدها التوجه إلى منطقة الفروانية للتسوق مثل مجمع العربيد والحمراء وغيرها والعشاء (؟)

    3/ الذهاب الصبح إلى مجمع النقرة الشمالي وسوق السالمية والعصر الذهاب إلى احد المجمعات ثم العودة الى المباركة

    4/ الذهاب إلى الافنيوز ثم المدينة الترفيهية والعشاء في شارع سالم المبار ك ( اتمنى دلوني المكان)

    5/ العودة للوطن بأذن الله

    ودي ادل مجمع المثنى بالصالحية ومجمع السندس والايوب بحولي مو عارفة مكانهم

    وسوق السالمية الأحمر مو عارفته اهو نفسة المعلم ؟

    مع العلم ان احنا عائلية

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة fab u lus
    http://www.arabtravelersforum.com/tr...6/#post4808916

    هذا الشغل العدل ما شاءالله كافي ووافي .........يعطيج العافية



    الله يعافيج فابيوو

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    [QUOTE=كويتي1968;4809736]الله يعطيج العافيه مجهود وايد حلو ومبين تعبتي عليه

    وايد ريحتينا اي استفسار راح ارد عليه بكوبي وبيست حق موضوعج لانه شامل

    مع حفظ حقوق النشر باسمج

    شكرااا

    الله يعافيك كويتي ، افا عليك الجدول تحت امرك اللي تبيه وتامر فيه سووه
    العفـــــــو

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    ممتاز جداً

    الحمدلله صارت هذي الدرر مستقله .. وأكثر تمييز



    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    مجهود جدا رائع

    تستحق عليه كل شكر وتقدير

    سؤالي تحديدا عن محل اسمه

    (( كاكاو لندن ))

    هل تعرفه او سمعت عنه

    اذا ممكن معلومات عنه ؟

    مع اجمل التحايا

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    أهلا فيك أخوي . محل كاكاو لندن موجود في أماكن وايد بالكويت وهو عباره عن محل يشمل جميع الكاكاوات المستورده من لندن.

    أماكن المحل :
    1.جمعيه الشاميه التعاونيه وموجود في الجمعيه نفسها.
    2.مجمع المهلب مقابل المطاعم.
    3.في السالميه في مجمع علاء الدين بجانب ماكدونالدز.

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    الاخت ماقصرت يعطيها العافية واضف الى ماسبق جمعية الزهراء في جنوب السرة .

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة مالها حدود.
    http://www.arabtravelersforum.com/tr...8/#post4815988

    ممتاز جداً


    الحمدلله صارت هذي الدرر مستقله .. وأكثر تمييز






    شكرا مالها حدوود وشكرا على كلامج الطيب

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    د.دلوعه واصوول ماقصروا في الرد وان شاء الله تستانسون في ديرتكم الكويت

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    الصرااااااااااااااااااحة جدول ممتاز 1000000000000000000 %
    ما يخر الماي صعب جداااااااااااا

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    الصراحة انا داخلة وانا متأكدة اني بشوف جدول يبرد القلب مثل كل ردودج اللي تبرد القلب .. يعطيج العافيه

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة violetq8
    http://www.arabtravelersforum.com/tr...8/#post4831328

    الصرااااااااااااااااااحة جدول ممتاز 1000000000000000000 %
    ما يخر الماي صعب جداااااااااااا



    مشكوووووور اخوووي








    المشاركة الأصلية كتبت بواسطة bint elq8
    http://www.arabtravelersforum.com/tr...2/#post4836122

    الصراحة انا داخلة وانا متأكدة اني بشوف جدول يبرد القلب مثل كل ردودج اللي تبرد القلب .. يعطيج العافيه





    حبيبتي والله كلامج اهو اللي يبرد عالقلب والله يعافيج

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    الامسيات الشعريه المقامه اليوم ( الدعوه مجانيه )

    http://watanpdf.alwatan.com.kw/alwat...1-02-07/28.pdf


    ليله العفاسي الانشاديه ( الدعوه مجانيه )

    http://watanpdf.alwatan.com.kw/alwat...1-02-07/58.pdf

    عرض الخدع البصريه

    http://watanpdf.alwatan.com.kw/alwat...1-02-07/57.pdf

    ندوات دينيه ( الدعوه مجانيه ) يوم الخميس 8/02/2011 سوق شرق

    http://watanpdf.alwatan.com.kw/alwat...1-02-08/10.pdf

    بعض الحفلات

    http://watanpdf.alwatan.com.kw/alwat...11-02-07/2.pdf

    http://watanpdf.alwatan.com.kw/alwat...11-02-07/3.pdf

    http://watanpdf.alwatan.com.kw/alwat...1-02-07/64.pdf

    جلسات كويتيه ( الدعوه مجانيه )

    http://watanpdf.alwatan.com.kw/alwat...11-02-08/5.pdf

    * قرية زين للاطفال موجوده في ( منطقه جنوب السره ، على الدائري السادس بجانب مول 360 )

    * يوم الجمعه الموافق 25/02/2011 الاحتفال بالعيد الوطني على شارع الخليج تقريبا تبتدي من 2 الظهر و مساء العاب ناريه بجانب ابراج الكويت وعروض الليزر والاضاءه والابهار البصري .

    * يوم السبت 26/02/2011 الاحتفال بعيد التحرير يقام عرض عسكري ( البري والجوي ) على طريق الصبيه على الساعه 10 صباحا بحضور سمو امير البلاد ومشاركة قاده ورؤساء الدول الشقيقه .

    * يوم الاحد 27/02/2011 تكمله للاحتفالات ويقام مهرجان كرنفالي ومسيره شعبيه تنطلق على شارع الخليج .

    * يوم الاثنين 28/02/2011 عرض عسكري بحري مرسى مارينا مول .

    * يوم 25-26-27/02/2011 بارني واصدقاؤه في الكويت 3 عروض يوميا الاوقات 11 صباحا ، 3 العصر ، 6 المغرب .. في صاله التزلج ..

    اسعار التذاكر تبتدي من : 5 دنانيير ، 10 ، 15 ، 20 ، 30 ، 45 ، 60 دينار

    تباع التذاكر في فروع زين ( الافنيوز ، مول 360 ، مارينا مول ، بروي ) صاله التزلج .

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    للمهتمين للامسيات الشعريه الامسيه الثانيه يوم الاحد 13/02/2011 (امسيتين)

    http://watanpdf.alwatan.com.kw/alwat...1-02-10/62.pdf

    ابتداء مهرجان الموروث الشعبي للاعياد من 10/02/2011 الى 5/03/2011
    - يشمل مسابقه مزايين وهجيج الابل
    - مزايين الاغنام والماعز
    - مسابقه الصقور بانواعها
    - سباق القدره والتحمل للخيول
    - مسابقات الهجن

    هذا الاعلان

    http://watanpdf.alwatan.com.kw/alwat...1-02-10/65.pdf

    وهذا الجدول فيه الايام والمسابقات والارقام لاي استفسار

    http://watanpdf.alwatan.com.kw/alwat...1-02-10/64.pdf

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    اللي سأل عن كاكاوات لندن

    موجوده بكل الجمعيات استاند مكتوب عليه

    او اذا بغيت شي اكبر و موجود فيه كل شي عندك بالسالميه اسمه هيرثو داخل العاب علاء الدين

    او مجمع المهلب فوووق عند المطاعم




    اي اسم المطعم اللي ببرج نصار (التسيمو)

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة بهبهانيه
    http://www.arabtravelersforum.com/tr...0/#post4856070

    اللي سأل عن كاكاوات لندن

    موجوده بكل الجمعيات استاند مكتوب عليه

    او اذا بغيت شي اكبر و موجود فيه كل شي عندك بالسالميه اسمه هيرثو داخل العاب علاء الدين

    او مجمع المهلب فوووق عند المطاعم




    اي اسم المطعم اللي ببرج نصار (التسيمو)




    الله يذكرج بالشهاده بهبهانيه صح هذا اسمه

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    ندوه دينيه ليوم الاثنين ان شاء الله بتاريخ 14/02/2011 في صاله التزلج

    د.عمر عبدالكافي
    الشيخ / سليمان الجبيلان

    http://watanpdf.alwatan.com.kw/alwat...1-02-11/17.pdf

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    يعطيج ألف عافية حبيبتي على هالمجهود الرائع وأكيد اقتراحات مفيدة لضيوفنا الأعزاء خصوصا ان احتمال يزوروني ناس

    من الخليج ومحتارة بالاماكن بس جدولج سهل علينا بعض الامور ماقصرتي حبوبه يعطيج العافية.

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة كويتية^رحالة
    http://www.arabtravelersforum.com/tr...6/#post4864106

    يعطيج ألف عافية حبيبتي على هالمجهود الرائع وأكيد اقتراحات مفيدة لضيوفنا الأعزاء خصوصا ان احتمال يزوروني ناس

    من الخليج ومحتارة بالاماكن بس جدولج سهل علينا بعض الامور ماقصرتي حبوبه يعطيج العافية.



    الله يعافيج حبيبتي يستاهلون زوارنا وانتوا تستاهلون كل خيير
    حي الله زوارج وان شاء الله يستانسوون

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    جدول مهرجان الموروث الشعبي
    يقام في : منطقه الروضتيين - طريج العبدلي
    الاحداثيات

    N 29,226033
    E 47,697925

    http://watanpdf.alwatan.com.kw/alwat...1-02-13/68.pdf

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    وين هالموضوع من زمااان وانا ادور مثله

    بس للاسف تونا راجعين من الكويت

    ان شاء الله السفره الجايه ازور هالاماكن

    ويعطيك العافيه

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة نـايـس
    http://www.arabtravelersforum.com/tr...0/#post4871250

    وين هالموضوع من زمااان وانا ادور مثله

    بس للاسف تونا راجعين من الكويت

    ان شاء الله السفره الجايه ازور هالاماكن

    ويعطيك العافيه




    الحمدالله على سلامتكم و ان شاء الله استانستوا في ديرتكم
    ان شاء الله وحياكم الله .. والله يعافيك

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    حفله شعبيه ليوم الاربعاء
    ندوه دينيه يوم الخميس في مجمع ديسكفري
    وهذا سيرك
    على مسرح مدينه عالم زين للطفل مقابل مجمع 360 جنوب السره - الزهراء
    سعر التذكره 3 دنانيير
    من الاحد لي الخميس 5:30 و 7:30
    الجمعه والسبت 4:30 و 6:30 و 8:30
    شباك الحجز من 10 لي 10 مساء
    للاستفسار : 60373894 - 22424563

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    تنويه بخصوص اعلان السحر - عروض ترفيهيه وليس سحر

    http://watanpdf.alwatan.com.kw/alwat...11-02-16/9.pdf

    معرض وثائقي للملحمه الشعبيه الكويت ابان الغزو الغاشم ( لندن 1990)

    http://watanpdf.alwatan.com.kw/alwat...1-02-16/15.pdf

    يوم الوطنيه الغنائي الضخم - من شركة الوطنيه للاتصالات

    يوم السبت - 19 فبراير 2011 - الساعه 7
    على استاد الشيخ / جابر الاحمد الصباح رحمه الله
    حفل غنائي ضخم بعرض مميز للالعاب الناريه والكثير من المفاجأت والهدايا
    الدخـــول مجــــاني

    الفنانين : نبيل شعيل - بشار الشطي- فرقه ميامي - احمد حسين - عبدالرحمن الحريبي - فطومه

    اتمنى لكم ايام حلـــــوه في ديرتنــــا الغــــاليــــة

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    مسرحيه الاطفال الاستعراضيه ( مصباح علاء الدين )
    على مسرح مدينه عالم زين للطفل مقابل مجمع 360
    اوقات العروض يوم الخميس 5:30
    الجمعه والسبت 5:30 و 7:30
    الاسعار 2دينارين و 3 دنانيير

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    جميل جداً وجدول رائع

    سوف يطبع ويحفظ لدي لحين الوصول ان شاء الله لدولة الكويت


    اخوكـ ابو معن

    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة انسان ولهان
    http://www.arabtravelersforum.com/tr...8/#post4884188

    جميل جداً وجدول رائع

    سوف يطبع ويحفظ لدي لحين الوصول ان شاء الله لدولة الكويت


    اخوكـ ابو معن



    يا حياك الله اخوي ابومعن هذي الساعه المباركه
    والحمدالله انه الجدول عاجبكم واتمنى انكم تستانسون في ديرتكم الكويت

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    اوبريت حبيبتي ياكويت - من بنك الكويت الوطنيفي مجمع الافنيوز

    http://watanpdf.alwatan.com.kw/alwat...1-02-17/17.pdf

    ديناصورات البحار تعود الى المركز العلمي بفيلم ثلاثي الابعاد

    http://watanpdf.alwatan.com.kw/alwat...1-02-17/60.pdf

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    احتفالات محافظة العاصمه مستمره الى تاريخ 25/03/2011
    ومقرها منطقه الشويخ / بجانب مؤسسة البترول - شاطئ الشويخ ..
    جدول الفعاليات موجود في اعلان كبيير على الشاطئ وشوارع العاصمه ..

    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    يفتتح متحف بيت الكويت للاعمال الوطنيه بالتعاون مع سفاره اللملكه المتحده والقوات المسلحه البريطانيه..
    مهرجان ( كلنــــــــا في حـــــــب الكــــــــويـــــت )

    يوم الاربعاء 23/02/2011 الساعه 11 صباحا .
    العنوان: منطقه الشويخ الشمالي (السكنيه) مقابل شاطئ شويخ ومؤسسة البترول ،

    البرنامج:
    - استعراض الحرس الملكي البريطاني.
    - افتتاح معرض الصور والمعلومات لبريطانيا ومجموعه من الدول المشاركة.
    - افتتاح جناح القوات المسلحه البريطانيه في بيت الكويت للاعمال الوطنية .
    - فنون شعبيه.
    العاب وصور للاطفال بمشاركة مجموعه من المدارس الاجنبيه.

    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    الله يجزآآك بآلخير..
    هذآ آلشغل ولا بلآش..

    وآحسن مآ عجبني إن آلموضوع متجدد
    إستمري .. ولك

    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة المقاتل/الفنان
    http://www.arabtravelersforum.com/tr...0/#post4925280

    الله يجزآآك بآلخير..

    هذآ آلشغل ولا بلآش..
    وآحسن مآ عجبني إن آلموضوع متجدد
    إستمري .. ولك




    ويجزييك يـــارب
    ان شاء الله الله يقدرني واستمر فيه ومع اخواني وخواتي في البوابه ..

    ومشكــــــور

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    غــــدا الخميس

    تاريخ 03/03/2011 ، محافظه العاصمه تقيم احتفال بمناسبه الاعياد الوطنية على ديرتنا الغــــاليــــه الكـــــويــــت

    الموقع قصر نـــايـــف ، في مدينه الكويت ..

    سوف تقام مسابقات وبرامج متنوعه وعروض فنيه لفرق كويتــيـــــة وبحـــــرينيــــة ...

    يوم الاربعاء 09/03/2011 .

    افتتاح كشك المغفور له الشيخ مبارك الصباح رحمه الله ، كان هذا الكشك يحل فيه المغفور له مشاكل البلد والناس ..

    في سوق المباركيه ، مدينه الكويت

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المهرجان التراثي اللي في قصر نايف لمده اسبوع من تاريخ 3/3 .. كاتبه عنه في التعليق اللي فوق ..

    يوم 15-16/3/2011 مسابقات رياضيه على شواطئ سوق شرق ..

    17-19/03/2011
    معرض الصور في سوق شرق ..

    فنادق عطلات


  41. #41
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    1- اليوم الساعه 6 مساء اما هوليدي ان السالمية انطلاق رالي الكويت الدولي ..

    2- ركاز تبدأ انطلاقه حملتها ال 12 تحت شعار ( تقديرا لذاتي اعلنت احترامي ) ..
    غدا اول لقاء جماهيري في سوق شرق
    يحاضر فيه : الدكتور محمد العوضي ، والشيخ سليمان الجبيلان ..

    http://watanpdf.alwatan.com.kw/alwat...1-03-10/36.pdf

    3- الملتقى السنوي ( كويتي وافتخر ) تحت شعار ( احنا امل الكــــــــويت )
    يقام في ارض المعارض - منطقه مشرف
    من 16-19 مارس 2011

    http://p2bk.com/main/home.php?id=11

    فنادق عطلات


  42. #42
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    ماشاء الله دايما مبدعة يعطيج العافية على هالمعلومات

    فنادق عطلات


  43. #43
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة كويتية^رحالة
    http://www.arabtravelersforum.com/tr...2/#post4972992

    ماشاء الله دايما مبدعة يعطيج العافية على هالمعلومات




    الله يعافيج كويتيه حبيبتي تستاهلوون

    فنادق عطلات


  44. #44
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    يعطيك العافية

    فنادق عطلات


  45. #45
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة جنى الامارات
    http://www.arabtravelersforum.com/tr...8/#post4983218

    يعطيك العافية



    الله يعافيج حبيبتي

    فنادق عطلات


  46. #46
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    17-19/3
    معرض الصور في سوق شرق ..


    25/3/2011 اخر يوم لاحتفالات محافظة العاصمه

    سباق قوارب الورجيه ( هويريه ) ، القوارب المصنوعه من جريد وكرب النخل والحبال .. شاطئ سوق شرق ..

    من 23/3 لي 2/4

    معرض العطور - ارض المعارض - منطقه مشرف .

    وهذا سايت يسوي رحلات ( غوص - ومخيمات - وسياحيه - ويخوت ) في الكويت ..


    http://www.nuzhatours.com/arabic/divingtripsarb.html

    فنادق عطلات


  47. #47
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    انا ودي اروح الكويت الكل يقول التسوق فيه متعه

    وسلمت يداك

    فنادق عطلات


  48. #48
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة وجوووود
    http://www.arabtravelersforum.com/tr...0/#post5025550

    انا ودي اروح الكويت الكل يقول التسوق فيه متعه

    والله هذي شهاده نعتز فيها والصراحه مو مدحا في سوق ديرتي بس هذا اللي اسمعه من اهل الخليج وحتى من المقيمين اللي في الكويت ،، وانا اقولج سوقنا حلو وكل شي فيه والاسعار كلها موجوده من نص دينار لي 1000 يعني اتحصلين الرخيص والغالي ..

    وسلمت يداك



    الله يسلمج وحياكم الله

    فنادق عطلات


  49. #49
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة وجوووود
    http://www.arabtravelersforum.com/tr...0/#post5025550

    انا ودي اروح الكويت الكل يقول التسوق فيه متعه

    وسلمت يداك



    حياج الله اختي الكريمة في الكويت وان شاء الله تتسوقين وتستانسين وتلقين اللي يسرج .

    فنادق عطلات


  50. #50
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    باجر افتتاح معرض العطور وادوات التجميل بمشاركة 120 شركه

    من 23/03/2011 لي 2/04/2011

    ارض المعارض - منطقه مشرف -

    http://watanpdf.alwatan.com.kw/alwat...1-03-22/53.pdf

    الخميس 24/03/2011 لقاء جماهيري لحمله تقديرا لذاتي اعلنت احترامي

    منتجع سليل الجهراء - الساعه 8 مساء

    http://watanpdf.alwatan.com.kw/alwat...1-03-22/62.pdf

    فنادق عطلات


  51. #51
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    ما شاء الله
    برنامج مرتب ومتكتك وباين انه شامل اكثر واجمل الأماكن
    إسمحيلي اخذت نسخة من هالبرنامج يمكن يصير لي روحة للشقيقة الكويت زمان ما جيتها
    تسسسسسسسسسلمين

    فنادق عطلات


  52. #52
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    المشاركة الأصلية كتبت بواسطة الذيب الشمالي
    http://www.arabtravelersforum.com/tr...4/#post5033764

    ما شاء الله

    برنامج مرتب ومتكتك وباين انه شامل اكثر واجمل الأماكن
    إسمحيلي اخذت نسخة من هالبرنامج يمكن يصير لي روحة للشقيقة الكويت زمان ما جيتها

    تسسسسسسسسسلمين



    افا عليك تحت امرك الجدول وان شاء الله يعجبك ..

    وحياكم الله في ديرتكم

    فنادق عطلات


  53. #53
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث


    صباح الخير .. ولا مساء الخير ههه !!

    بس حبيت اسلم علييييج .. و اقول لج يعطييييج الف عاااافيه على هالمجهود الروووعه اللي تسوينه

    و الكوييييت تستاااااهل طبعا ... بس صج مو مقصرة ما شاء الله عليييييج .. تبردين القلب كالعااادة

    فنادق عطلات


  54. #54
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    - تم افتتاح مطعم بلانت هوليود في مجمع اولمبيا في منطقه السالميه مقابل المركز العلمي ..

    - الاكوا بارك - تفتح ابوبها اليوم لصيف 2011 ..

    - جدول محاضرات حمله ركــــاز لشهر ابريل ( تقديرا لذاتي اعلنت احترامي )

    الخميس - 7/04/2011 - مجمع البيرق منطقه العقيله - الساعه 8:10 مساء

    يحاضر فيها كل من : د. عبدالمحسن الاحمد - د. محمد العوضي.

    الجمعه 15/04/2011 - مجمع البحر سنتر منطقه حولي - الساعه 8:15 مساء

    يحاضر فيها كل من : الشيخ / سليمان الجبيلان - فيصل لبان.

    الجمعه - 22/ 04 / 2011 - سوق شرق منطقه شرق - الساعه 8:20 مساء

    يحاضر كل من : د. ابراهيم الخليفي - د. محمد الثويني

    فنادق عطلات


  55. #55
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    غدا لقاء جماهيري ( لحمله تقديرا لذاتي اعلنت احترامي )

    يلقيها كل من : د.عبدالمحسن الاحمد ،، د. محمد العوضي

    المكان/ مجمع البيرق - منطقه العقيله - الساعه 8:10 مساء

    تذكرت مطعم كباين اكله حلو اسمه وايلد فاير في الديره الكويت باتجاه مجمع الاوقاف اتخلونه يمينكم واتكملون سيده اتيكم اشاره بعد الاشاره تقريبا 500 متر راح اتشوفون المطعم على اليمين ويساركم البلوكات اهو على اليمين اعلانه اصفر wilde fire شكله مو ذاك الزود بس اكله ممتاز من مستوى مغل محل وقيصر ..

    فنادق عطلات


  56. #56
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    بارك الله فيك
    تقرير متعوب عليه

    فنادق عطلات


  57. #57
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث







    المشاركة الأصلية كتبت بواسطة al osaimi
    http://www.arabtravelersforum.com/tr...8/#post5102838

    بارك الله فيك
    تقرير متعوب عليه



    الله يسلمك العصيمي ومشكور على المرور

    فنادق عطلات


  58. #58
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    ألف ألف شكر على الخطة السياحية الاكثر من رائعة وانا بحاجة لمرورك الكريم على موضوعي بالرابط التالي لمساعتدي على بعض الاستفسارات

    http://www.arabtravelersforum.com/tr...2/#post5136240

    فنادق عطلات


  59. #59
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث







    المشاركة الأصلية كتبت بواسطة abu layaan
    http://www.arabtravelersforum.com/tr...2/#post5136262

    ألف ألف شكر على الخطة السياحية الاكثر من رائعة وانا بحاجة لمرورك الكريم على موضوعي بالرابط التالي لمساعتدي على بعض الاستفسارات








    المشاركة الأصلية كتبت بواسطة abu layaan
    http://www.arabtravelersforum.com/tr...2/#post5136262







    العفــــــــو ماسويت شي .. وان شاء الله بمر على موضوعك

    فنادق عطلات


  60. #60
    عضو مسجل
    تاريخ التسجيل
    Dec 2014
    المشاركات
    1,962,485

    رد: جدول سيــاحي لديـــرتــي الغــــاليــــه الكـــــويـــت محـــدث

    تقرير اكثر من رائع
    بس بغيت استفسر إذا زرت الكويت في شهر مارس القادم وارغب في حضور مسرحيات
    ياريت تساعدوني إذا في عروض مسرحية خلال شهر مارس
    مع جزيل الشكر مقدماً

    فنادق عطلات


+ الرد على الموضوع
صفحة 1 من 3 123 الأخيرةالأخيرة

المواضيع المتشابهه

  1. هل دخول اندونيسيا يستلزم فيزا ام مجرد كرت دخول مثل اللي في ماليزيا
    بواسطة Robot في المنتدى اندونيسيا المسافرون العرب | تقارير الاماكن سياحيه استفسارات
    مشاركات: 1
    آخر مشاركة: 02-04-2015, 04:39 PM
  2. عاجل انا في زيلامسي و ابي اسطبل خيول ودنا نركب خيول مكان استجار سياكل
    بواسطة Robot في المنتدى النمسا العرب المسافرون فيينا سالزبورغ انسبروك زيلامسي
    مشاركات: 4
    آخر مشاركة: 02-03-2015, 09:54 PM
  3. ابي جدول
    بواسطة Robot في المنتدى ماليزيا العرب المسافرون
    مشاركات: 5
    آخر مشاركة: 01-30-2015, 09:07 AM
  4. ارجوا وضع جدول في اليمن ارجوكم ان تضعوا لي جدول لليمن
    بواسطة Robot في المنتدى بوابة السفر إلى الدول العربية و الاسلامية الأخرى
    مشاركات: 0
    آخر مشاركة: 01-21-2015, 03:57 PM
  5. مساعده في ترتيب جدول لسفرة اسبانيا ولمدة يوم او اقتراح جدول معين
    بواسطة Robot في المنتدى بوابة السفر إلى أسبانيا Spain
    مشاركات: 2
    آخر مشاركة: 01-16-2015, 12:57 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X