الموضوع: العيش والاستقرار في الكويت هل هو ممكن ؟

ما ابي اطول عليكم .. ولكن زوجي عرضت عليه الشركه التي يعمل فيها ان يتم نقله الى دبي او الكويت او قطر .. وعليه ان يختار ايهما انسب اليه ..

سؤالي /

هل العيشه هناك غالية مثل ما نسمع والاجار والمواصلات غالية ؟ واذا نبي نشتري شقة او بيت ممكن نحصل بكم الاسعار

ولو انا ابي اتوظف هل سهل اني احصل وظيفة انا معلمه في وزارة التربية الان؟
هل يقبلوني في مدرسة حكومية وشلون الوضع في مدارسكم يعني الراتب بيكون مثل راتبي اللحين ولا اعامل كمعلمة اجنبية ؟ زوجي بحريني وانا سعوديه !

وولدي صف كي جي 1 يقبلونه في المدارس الحكوميه ولا بس خاصه هو اللحين في مدرسة خاصه بريطانية ؟

مع العلم ان مدة العقد بتكون سنتين وقابل للتجديد على حسب رغبتنا اذا حبينا نطول ولالا ؟


انا محتارة مب عارفه شسوي ما ابي اتغرب عن ديرتنا لكن محتارة لازم اختار ...لان الشركه بتنتقل من البحرين ..وبيغلقون فرعهم هناك !!! وزوجي ملتزم وياهم !!

مواضيع عشوائيه ممكن تكون تعجبك اخترناها لك:

• طلبتكم لاردوني
• الجو في الكويت؟
• دليل المجمعات التجارية
• مواصلات المطار
• شنو افضل معهد بالكويت ؟
• مندي
• مهم وعاجل عن فنادق الكويت
• محتاجة مساعدة ضروري
• مامستوى الخدمة في المنتجعات؟
• لأول مرة مطعم النوخذة البحري الرائع بعدسة عسل
• متى اجازتكم النصفية هل بدأت التخفيضات لمحلات الماركات
• برج الكريستال
• أفضل المواقع
• معارك شرسه في شوارع الكويت بالصور
• مطلوب شقه بالكويت او السالميه
• اين المحلات والأسواق اللي تبيع ملابس أطفال في الكويت
• جائزة «إنتركونتيننتال لـ كراون بلازا الكويت
• طلب لبنات الكويت الذويقـــات
• بمجمع الأفنيوز الكويت
• السفر من الكويت الى الرياض

يا اخت الكويت وقطر ودبي ان شاء الله اذا ربك كتب لكم نصيب في اي وحدة منهم ما اعتقد انها راح تكون غربة لك او لزوجك لانكم راح تكونوا بين اهلكم هنا او هناك وبالنسبة للكويت اتوقع انها ارخص من دبي بالمعيشة ويمكن قطر ارخص من الكويت او نفس المعيشة اما بالنسبة للعمل يوجد مدارس امريكية وانجليزية وثنائية اللغة واذا تعرفي لغة اجنبية اكيد راح تحصلي فرصة عمل وبالتوفيق يا رب

حبيبتي الله يسهل أموركم ان شاء الله ولا تحاتين ترى كلنا خليج واحد والحمدالله طبعا احنا عندنا معاملة أخوانا أصحاب

دول مجلس التعاون معاملة خاصة انا عندي صديقات خليجيات والحمدالله بالعكس عايشين أحسن عيشة ومستقرين

ولايفكرون أبدا انهم يطلعون من الكويت الحمدالله ديرتنا ديرة خير الله لا يخلينا منها شوفي حبيبتي بالنسبة للعقارات

فهي غالية للأسف عندنا وأنصحج تأجرين على ما تستقر أوضاعكم وتشوفين وضع زوجج بالشركة وبعدها تاخذون فكرة

عن المناطق والامور هذي يعني أنصحج بالبداية تأجلين فكرة الشراء لما تستقرون بالنسبة للولد الله يحفظه يقبلونه

بالمدارس الحكومية هذا ولدنا ليش مايقبلونه أما بخصوص راتبج ماعندي فكرة عن هالموضوع للأسف لاني مو بالتربية

بشكل عام أقولج لا تتضايقين ولا تحاتين وماتدرين يمكن هذي خيره لكم ولمستقبلكم واذا كنتي محتارة استخيري وشوفي

شنو اللي ترتاحين له اتمنى اني أكون ساعدتج واذا عندج اي سؤال انا حاضرة وحياج الله بديرتج الكويت.

كابرون 1 ..
الحمد لله خليجنا واحد بس لو كانت بإرادتنا هالشئ وااايد بتكون نفسيتنا مرتاحه بس للاسف الشركه فأجاتنا و زوجي ملتزم وياهم بالعقد

كويتية رحالة ..
يعني تتوقعين في حدود كم الاجارات للشقق ؟ وانا اللي احاتيه اهوا شغلي يعني لو قدمت على وزارة التربية بالكويت بيقبلوني ؟ لو لا .؟ وين تتوقعين اسأل ؟ علشان الديرة اللي انا احصل فيها شغل نروح لها سواء قطر لو الكويت او دبي!!! بس مدارس خاصة اجنبية ما تصلح لان لغتي الانجليزية بسيطه .
وكلنا اهل الحمد لله اللي جمعنا على الخير .وربي يحفظ خليجنا من كل سوء

الكويت غاليه من ناحيه السكن بس اعتقد قطر ارخص بالحياه من الكويت

الله يكتب لكم اللي فيه خير تحياتي لك ولولدك الله يحفظه وزوجك الكريم

بالنسبه لولدج
يقبلونه باالحكومه لانه مواطن خليجي

الاجارات الشقق على حسب المنطقه و كم عدد الغرف


بالنسبه لـ شغلج اي يقبلون خليجيات انا اختي معاها كم مدرسه سعوديه
هذاموقع الوزاره http://www.moe.edu.kw/SitePages/master.aspx
و ترا لازم يكون عندج "شهادة الرخصة الدولية لقيادة الحاسب الآلي (ICDL)"

اختي العزيز بكل صراحه الاخوان والاخوات ما قصرو معاج وانشاءالله تحصلين على مبتاغج ومن وجهة نظري انا اقولج ان الكويت ارخص من جميع النواحي وهذه من واقع تجربه فالسكن بالكويت مثلا اختي ساكنه في شقه في احد البيوت وهي عباره عن 3 غرف وصاله وغرفة خادمه وحمامين ومطبخ بسعر 300 دينار كويتي

واما ولدج طبعا يقبلونه في مدارس الكويت الحكوميه والخاصه

واما مصروف البيت واللي تسما عندنا بالكويت الماجله راح تكلف عليكم تقريبا من 100 إلى 150 دينار شهريا

واما عن الوظيفه في وزارة التربيه اكيد يقبلونج وتعاملين معاملت الخليجي وعندنا مدرسين راتبهم تقريبا 550 دينار شهريا ومع العلم ان الخليجي غير العربي


وبالتوفيق

اشكركم اخواني واخواتي والله يحفظ الكويت من كل شر جاري البحث ان شاء الله والله يسهل

الله يسهل اموركم

المشاركة الأصلية كتبت بواسطة ساهر2009
http://www.arabtravelersforum.com/tr...6/#post5106996

الكويت غاليه من ناحيه السكن بس اعتقد قطر ارخص بالحياه من الكويت



حدك غلطان يا الحبيب
المعيشة في قطر غالية كحال دبي
والكويت ما هي رخيصة
بس ارحم بوايد من دبي والدوحة
طبعا انا اتكلم عن المعيشة
والايجارات بالكويت مرتفعة
على الرغم من كثرة العرض والطلب بعد
والله يوفقكم

السلام عليكم و رحمة الله و بركاته

ربي يكتب لكم الخير اختي وين ما كنتوا ان شاء الله


و كل هالاماكن فيها الخير و البركة .. بس بالنسبة للمعيشة اليومية فالكويت مع انها مو رخيصة بس اهون من دبي و الدوحة و

هالكلام عن تجربة ... و بالنسبة للاجارات في الغالي و في المعقول و في الرخيص ..

موفقين إن شاء الله

اشكركم اخواني وخواتي ...
حبنا للكويت من يوم احنا صغار نموت عليها وبعد اهيا بتكون اقرب لنا 6 ساعات واحنا بين الاهل واايد نفكر فيها كخيار اول والله يسهل

المشاركة الأصلية كتبت بواسطة ملاك و حلاوووة
http://www.arabtravelersforum.com/tr...0/#post5174970

اشكركم اخواني وخواتي ...
حبنا للكويت من يوم احنا صغار نموت عليها وبعد اهيا بتكون اقرب لنا 6 ساعات واحنا بين الاهل واايد نفكر فيها كخيار اول والله يسهل



واحنا نحب ونموت على اللي يحبنا وحبتكم العافية والصحة والله لايحرمكم من محبينكم يارب.

اختي انا اشوف انو قطر انسب لكم خصوصا لو فتحو الجسر الي يربط بين قطر والبحرين ...
واذا انتي موظفه حكوميه بالسعوديه خلي زوجك يروح يسبقكم لا تستعجلين ويشوف الاوضاع وبعد ما يرتب اموركم تلحقونه ...

موفقه اختي والله يسهل دربك...

اذا كان السكن : الكويت ارخص من دبي
التوظيف اذا كنتي مدرسة انجليزي بتتوظفين في الوزارة على طوول ..بس بعض التخصصات انسي لانهم مكتفين
وبيكون راتب المعلم الخليجي نفس راتب المعلم الكويتي بالضبط .. بس رح ينقص الكادر عنه

الايجار = من 250 الى 400 د.ك شهريا

أختي ملاك حياج الله بديرتج الثانيه الكويت. و أنا أبي أجاوب على السؤال الي أعرفه وهو عملك كمعلمه. في الوزاره محتاجين لمدرسين وراح يقبلونك أكيد وقبل 4 سنين صدر قرار بأي المواطن الخليجي في الدوائر الحكوميه يعامل معاملة الكويتي. يعني لو كان عندك بكالوريوس راتبك راح يكون بحدود ال 750 أو 800 دينار كويتي.والله يوفقج