السلام عليكم
العام الماضي عزمت اني اروح ادرس لغة في بريطانيا وضبطت الامور كلها وتوكلت على الله ، المهم يوم وصلت مطار هيثرو ـ وش تشوف عالم الله يجيرك ،،، المهم رحت لمحل الباصات وحجزت تذكرة لأني ودي اتعلم كيف اقص تذكرة وكيف اسأل واستفيد من اللغة من اول دقيقة ،،، يعني ما احب الامور كلها تجي باردة مبردة .
الزبدة ركبت الباص ووداني لمحل التكاسي وجيت ل هكا الواحد ( شكلكم منتمب فاهمين العبارة الاخيرة ) وعطيته خريطة العائلة اللي ابقطن عندهم ( متعوب عليها ابقطن ) المهم قلت له بكم توديني قال من 7 إلى 10 بوند ، طبعا تهمني المادة لاني داج شوي ،،،، المهم ركبت معه وخذ سواليف ،،، الاخ يوم جاء ينزلني قال مع السلامة ،،، قلت له :: شر تعرف عربي . قال انا جزائري
نزلني عند البيت ووقف حتى إني دخلت عند العائلة ، جاء ابوهم وقال انت ؟؟؟؟ ( اسمي ) قلت إيه ÷،،،، رحب فيني وقال الحقني وطلعني لغرفتي وقال هذي غرفك ،،،كان فيها تلفزيون وسرير وطاولة وكرسي .
مع اني تعبان من السفر إلا إني ما صبرت من الفرحة ،،، نزلت يمه وقلت وين البقالة ،،، وصف لي :::: ورحت
وادخل البقالة : قلت عندك حب شمسي ( مسوي خطير بالانجليزي ) وبصراحة انا كنت قبل احفظ كلمات واحس انها ما تستعمل فقلت خلني اجربها في الواقع .... المهم رد وقال لا . لكن تلقاها في المحل الفلاني .
شريت من عنده بسكويت وسفن ورحت للبيت اتندح
يوم جاء العصر ومعي الخريطة واطلع من البيت ابشوف المدرسة لأني متحمس كثيررررررر . وصلت المدرسة وكانت مسكرة .
جاء يوم الاثنين اول يوم دراسي ورحت من الصبح وقبل لا تفتح المدرسة
انتظرونا في العدد القادم ــــ وما هو الموقف المحرج الذي حصل لي في اول يوم
يا شباب وشابات والله ما كتبت السالفة إلا ابوسع صدروكم ونحرك نوعية المشاركات لذا لحد يشره علىمواضيع عشوائيه ممكن تكون تعجبك اخترناها لك:
- تكفون مساعده بخصوص معهـد
- من يعرف معهد
- مساعدة
- لجميع من سجل طلب الالتحاق بالبعثات امريكا ارجو الدخووول
- أريد ان أصبح طيارا في أمريكا
- ابغى شوركم اررررجوكم
- فيه امل امكانية قبول ماجستير
- الثانوية في امريكا
- مبروك للموظفين
- فرصة ابتعاث لحاملي الثانوي
- تغيير فيزا المرافق
- متابعه رقم الطلب المرحله الألى ويش الحل الحين ؟
- وزارة الداخلية تدعو الراغبين في تأشيرة الولايات المتحدة توخي الدقة في البيانات
- مقابلتي في السفاره يوم الاربعاء
- الوالد والوالدة يبون يروحون البعثة
- استفسار بخصوص المنحات الدراسية
- فتح ملف الملحقيه
- تكفيننننننن يابنت الصقور ولا يهونون الأعضاء للأهمية
- دراسة اللغة الإنجليزية في لندن صيف استفسار
- افضل جامعات امريكا لدراسة القانون او الشؤون السياسيه
المفضلات