السلام عليكم
انا بصراحة سجلت في الموقع ، وحبيت اني اقولكم تجربتي مع السفارة
انا اول شي من مدينة حائل
وبصراحة قبل مااروح للسفارة ، دخلت منتديات كثييييير وقرأت مواضيع بصراحة تخووووف مررررة
المهم اني جهزت اوراقي وقدمت عليهم يوم الثلاثاء بتاريخ 13 - 10 - 2009م بالليل
وحصلت موعد بتاريخ 31 - 01 - 2010م ؟؟
المهم ان الـ i20 معاي وتبدأ دراستي بتاريخ 2 - 11 - 2009
ارسلت لهم رسالة طوارئ وكتبت فيها كل التفاصيل ، وعلمتهم ان موعد دراستي بعد اسبوعين وموعد السفارة بعد ثلاثة اشهر وقلت لهم مايجي كذا
ويوم الأربعاء المغرب حصلت رد من السفارة على ايميلي قالوا لي انهم وافقوا على طلبي وتم تغيير الموعد ليصبح يوم السبت 17 - 10 - 2009م يعني يوم السبت الماضي
الحين عندي مشكلة ، الأولى اني ماصورت ( وهذي سهله ) والثانية اني مامعي كشف حساب ، اكتفيت بالضمان البنكي ، والثالثة ماسددت رسوم التأشيرة في بنك سامبا 131 دولار .
المهم وصلت للرياض يوم الجمعة العصر على اساس اني اصور وكل شي ، طبعاً اخوكم راح للسوق وجلس يتسوق ونسى التصوير
ماتذكرت التصوير الا الساعة 1 بالليل هههههههههه
وربي ضاق صدري بالمرررررررة وقلت شكلي ماراح اسوي شي لأن موعدي الساعة 8،30 الصباح . يعني البنوك ماتفتح الا الساعة 9
المهم صحيت الصباح ورحت للسفارات الساعة 7.30 وسألت العسكري عن محل التصوير واعطاني الوصف
وصلت لمحل التصوير الساعة 8.30 الصباح وانا خااااااايف بالمرة ، صورت وخلصت بدقايق قليييييييييييلة
ورحت للسفارة ووقفت بالطابور وكان الوضع مريييييييح بالمرة ، ودخلت للسفارة بعد التفتيش ، واعطوني رقم وكان رقمي 114 وجلست انتظر الين مادخلت في صالة تدقيق الأوراق ، وكان الرقم اللي واصلين له وقتها 98 وفيه موظف جالس يقلب بأوراق ، وانا اشوفه فاضي ماعنده احد ، قلت لنفسي ليش مااروح له واسآله عن السداد علشان ماانتظر زيادة
رحت له وسألته وقلت له انا ماسددت ومامعي كشف حساب بس معاي ضمان مالي ، وقال لي انت ايش تأشيرتك قلت له دراسية قال يكفينا الضمان المالي .
وقلت له بالنسبة للسداد ، قال لي روح للبنك وسدد وتعال قلت له اوكي .
رحت اسدد وطبعاً رميت الورقة اللي معاي اللي فيها رقم 114 وقلت اكيد اني اذا رجت بيجبروني آخذ رقم ثاني
المهم سددت في سامبا اللي في السفارات ورجعت للسفارة مرة ثانية واخذت رقم جديد ودخلت الصالة اللي فيها يدققون على الأوراق ، المهم كان رقمي الجديد 349 وكان الرقم اللي واصلين له 157 يعني قلت شكلي ابجلس إلى يوم الليل
وانا جالس انتطر شافني الموظف اللي كلمته وناداني ، المهم انا رحت له على طول وقال لي انت كان الرقم اللي معاك 114 وين الورقه ، قلت له اني رميتها ، قال لي خلاص انا ابعتبر رقمك 114 واذا سألوك داخل قل لهم اني ضيعتها . وقلت له اوك
شيك على اوراقي ودخلت للصالة الثانية اللي فيها البصمات والمقابلات وخلصت البصمات وجاء وقت المقابلة
نادوني بإسمي ورقمي ورحت للكاونتر وسألني ليه رحت سوريا وليه رحت باكستان وليه رحت لإيران وليه رحت لليمن وكلها قلت له سياحة سياحة سياحة وانت ماشي
وقال لي ليه اخترت سياتل للدراسة - عاد انا جلست استهبل عليه شوي قلت له انت معجبك جو الريااااااض ؟
قال لي لا ، قلت ولا أنا مو عاجبني علشان كذا اخترت سياتل لأنها باردة وطبيعتها حلوة
واعطاني ورقة زرقاء وقال لي لكاونتر فيدكس - وقلت له لاتنسى ترا موعد دراستي 2 - 11 2009 قال لي انا عارف كل شي
قلت له شكررررررراً
ورحت لفيدكس واعطتهم الورقة وقال لي اللي في فيدكس بعد اسبوع يوصلك الجواز في حائل
بالنسبة للإجراءات كانت سهلة جداً وفيه مرونه رااااااااائعة بالتعامل
ومافيه اي خوف
سؤالي هو : هل الورقة الزرقاااااء تعني الموافقة ام ماذا ؟
الله يستر
اتمنى افادتي بما لديكم
الفيلسوف البارع
مواضيع عشوائيه ممكن تكون تعجبك اخترناها لك:
رد مع اقتباس
المفضلات