الموضوع: معلووومات عن دنفر كولورادو

السلام عليكم

شلوونكم .. عساكم بخير


مدري اذا حد حط الموضوع هذا من قبل ولا لا ؟؟

بس انا دورت وماحصلت ..

فاسمحوا لي اذا طلع الموضوع مكرر ..

المهم ..

انا عندي دورة في دنفر شهر 7 ان شاء الله

حابب اسأل شنو احسن خطوط طيران اسافر عليها من الدوحه (قطر) الى دنفر

وشنو احسن الفنادق اللي اسكن فيها .. وخصوصا في مدينه اينجل وود (Englewood)

شنو الاماكن الترفيهية اللي موجوده هناك ؟؟

السينمات ...
المولات ...
اي شي تقدرووون تساعدوني فيه ...

شاكر لكم مقدما ...

واتمنى منكم المساعدة ...

اسيرالدوحه

مواضيع عشوائيه ممكن تكون تعجبك اخترناها لك:

• انا مسافر الى امريكا
• تجربتي لاستخراج فيزا من السفارة الأمريكية في الكويت غريبة
• ابي مساعدتكم لان أنا في اورلاندو
• استفسار اخطأت في رقم الجواز الاخ وبقية الاخوة
• ممكن مساعدة حول ورقة البنك
• مغترب في سانتا كروز كاليفورنيا
• اللي يعرف عنها شي
• بشرى لكل خائف
• ضرورري ياااخواني بليز
• أسئله وأبغاء الأجوبه
• استفسار بشأن عدد محاولات الحجز
• استفسار من اورلاندو الى ميامي
• موعد طفل عمره و الاب متقاعد
• وضع الفيزا الجديده
• اخواني اعضاء المسافرون العرب اتمنى الاجابه على استفساري
• ترجمة الابليكشن واسئله اخري
• ارجوكم ساعدوني طلبتكم لاتردوني بخصوص الفيزا
• وزن وحجم الشنط سؤال بهذا الخصوص؟
• باقي ايام على سفرتي ساعدوني باختيار الفنادق
• بخصوص سفرات سورياالاخ امباكت واهل الخبره

هلا و الله اخوى أسير الدوحه ..

الشيخ أنا عندى معلومات عن دنفر إذا تهمك ، أما أنجل وود .. سمعت عنها بس ما عندى معلومات ذاك الزود عنها

هلا بنت الصقور

عطيني المعلومات اللي عندج عن دنفر ...

وخصوصا المطار ... وتأجير السيارات ...

لأني افكر بعد ماخلص الدورة .. استأجر سيارة وانزل اوكلاهوما وتكساس ...

وبعد ابي اعرف رأيج في فكرة السفر من مطار دالاس على البريطانية ...

ولا اطلع من شيكاغو ؟؟؟ هم بعد على البريطانية ....

كولورادو عموما ولايه جميله جدا و معروفه بطبيعتها و برودة جوها لأنها منطقه مرتفعه .. و أحلى شي فيها و اللى عجبنى هو مطار دنفر

[align=right]أماكن التمشيه فى دنفر:

1- ملاهي سيكس فلاغز Six Flags
2- جبال الروكي Rocky Mountains
3- دنفر زوو Denver Zoo
4- لاريمر سكوير ... شارع تسوق و مقاهى و مطاعم
5- تشيري كريك مول Cheery Creek mall ... مركز تسوق راقى و كله ماركات
6- سكستينث ستريت شوبينغ 16th street mall .. شارع كله مطاعم و محلات تجاريه فى الداون تاون
7- أرورا مول Aurora mall .. مركز تسوق كبير بس قديم
8- سيتى سنتر أرورا City Center Aurora .. مركز تسوق حديث
9- بارك ميدو Park Meadows .. مركز تسوق ضخم
10- كاسل روك فاكتوري أوت ليت Castle Rock Factory Outlet.. سوق للبضائع المخفضه .. و كبير جدا
11- فلاتيرون مول Flatiron mall .. مركز تسوق ما بين دنفر و بولدر .. جديد و كبير
12- كولورادو ميلز مول Colorado Mills mall .. مركز تسوق جميل و كبير [/align]

بالنسبه لتأجير السياره .. بيكون من مطار دنفر ، جرب شركة ألامو Alamo تكون عندهم سيارات صغيره و رخيصه .. ضروري يكون عندك لايسن دولى و تاخذ فل انشورنس ، تأمين كامل .. و طبعا يسألونك تبى تشتري البترول (You want to buy the fule) قول لا .. إذا اشتريته عليك انك ترجع السياره مفوله .. السياره أصلا يعطونك اياها فيها بترول يعنى لا تحاتى ، و جذيه بتكون على راحتك ترجع السياره مثل ما أخذتها .. بالنسبه للطرق .. لازم تعرف الدايركشن عدل لأنه يضيع شوي .. الشوارع الأساسيه فى المدينه I-25 interstate يقطع المدينه من الشمال إلى الجنوب ، I-70 interstate يقطع المدينه من الشرق إلى الغرب ... و عليك تفادى ساعات الذروه من السابع حتى التاسه صباحا , من الرابعه حتى السابعه مساءا

مشكووووووووووووووووورة خيتو بنت الصقووور

ماقصرتي ولا هنتي خيتو

بس . مدري وشرايج في شركة الطيران ؟؟

الهولندية ولا البريطانية ...

الهولندية اطلع من الدوحه لين امستردام بعدين الى شيكاغو واخر شي دنفر ....

والرجعة نفس الشي

اما البريطانية ... الدوحة لندن دنفر ...

والرجعة نفس الشي .. بس لازم ابات ليلة على حسابي في لندن ...

وشرايج ؟؟؟

انا والله محتار ...

المشاركة الأصلية كتبت بواسطة اسيرالدوحه


مشكووووووووووووووووورة خيتو بنت الصقووور

ماقصرتي ولا هنتي خيتو

بس . مدري وشرايج في شركة الطيران ؟؟

الهولندية ولا البريطانية ...

الهولندية اطلع من الدوحه لين امستردام بعدين الى شيكاغو واخر شي دنفر ....

والرجعة نفس الشي

اما البريطانية ... الدوحة لندن دنفر ...

والرجعة نفس الشي .. بس لازم ابات ليلة على حسابي في لندن ...

وشرايج ؟؟؟

انا والله محتار ...



الطيران الله يسلمك ما يبيلها بعد .. تاخذ البريتش 777 من الدوحه إلى لندن و تجلس يوم فى واحد من فنادق المطار (هيثرو) يا كثرهم ، و تنزل لندن تتمشي و تغير جو إما بالقطار أو الباص .. و ثانى يوم تكمل على دنفر تأكد انه الطياره تكون 747 :107:

مشكووورة بنت الصقور

بس تدرين شنو مشكلتي الحين مع الخطوط البريطانية

حجزي كله اوكيه الا خط لندن - دنفر .. لين الحين على الانتظار

ادعوا لي ...

المشاركة الأصلية كتبت بواسطة اسيرالدوحه


مشكووورة بنت الصقور

بس تدرين شنو مشكلتي الحين مع الخطوط البريطانية

حجزي كله اوكيه الا خط لندن - دنفر .. لين الحين على الانتظار

ادعوا لي ...



حاول تكون فليكسبل بخصوص التاريخ و الوقت .. جرب جميع الحالات .. و انشاءالله تلقى

[align=center]السلام عليكم [/align]

1- بالنسبة للدورة أذا كنت تبغي تستفييد فعلا لازم تداوم و تحل الواجب أول بأول...لأنك تركت الدوحة و الأهل من أجل هذا الهدف (و نتمنى لك التوفيــــــــــق) :107:

2- بالنسبة للمولات كثيرة جدا ...و أعتقد أن بنت الصقور كفت و وفت...نصيحة : لا تذهب إلى المولات إلا للحاجة القصوى ..لانها مضيعة للوقت و المال(لتتمتع بالطبيعة) :101:

3-يوجد مسجد النور و مسجد أبو بكر (الأفضل) أن تتردد عليهما و ممكن أن تصل إليهما عن طريق شباب عرب أو مسلمين هناك... و إن شاء الله سيدلونك على ما تريد.

4- و نأتي هنا إلى أهم شيء....(الطعام الحلااااااال) .... لا تشتري اللحم المفرووم أبدا لانه يخلط بدهن الخنزير (شحمه) و لا يذكروون لك ذالك...توجد بقالة عربية تسمى middil east و فيها كل ما تحتاجه.. و كثر من المأكولات البحرية...و احذر من البيتزا pepparoni و ذالك لانه كله غير حلال..و اطلب دائما ال veggiterian و دائما قول لهم NO MEAT و اكد عليهم...و لافضا انك ما تطلب من البيتزا (لان السكاكين و الملاعق و الادوات الثانية تستخدم في تجهيز لحم الخنزير او لامسته). :112:

5-مناطق سياحية (ولاية وايومنج) لانها قريبة من دنفر و بها منتزه طبيعي من أجمل المنتزهاااات..فيه عيون حارة و أبخرة متصاعدة من الارض..و كثير من الحيوانات التي تمتاز بها المنطقة...مثل الغزلان و الظباء...و ايضا البقر الوحشي..و أهم شيء (الشلالات) ... و من المناطق الجميلة المجاورة لدنفر ... VAIL.و ASPIN وشبه تلك المناطق في اوروبا ..و أفضل الأوقات تكون قبل فصل الشتاء بقليل أو بعد انتهائه (بداية الربيع) ... و تبعد هذه المناطق من ساعتين و نصف إلى 4 ساعات بالسيارة....و لكنها تستحق ... :107:

6- أما المناطق القريبة من دنفر فهي...منطقة OLDORADO SPRINGS و هي جميلة و بها نهر و هي منطقة بين جبلين ...احمل معك عدة الشوي و اذهب اليها مبكرا يوم السبت...لان الأماكن (الإزقرت) تحجز بسرعة ... و لكن حذااااااااري ان تقلد الناس الذين يتسلقون الجبل...أو تضع رجلك في النهر (في المناطق سريعة الجريان)...عن تصير في خبر كان... و الرحلات مع العزابية أحلى.. و أيضا هناك COLORADO SPRING و هذه تختلف عن الأولى... :101:

7-لا تفوت سفرة إلى كاليفورنيا أو فلوريدا في الإجازة بين التيرمات ...عشان تشووف ديزني لاند(طبعا بالطيارة) و الأفضل تحجز من وقت. :115:


8- دائما احرص على البحث عن المساجد في تلك المناطق التي سبقت ذكرها.لانه يمكن تحتاج مساعدة بأي شكل من الأشكال.


و نتمنى ان ترجع إلى أهلك سالما معافى

اشكر كل من ساعدني بالمعلومات ...

صراحة .. استانست وايد في سفرتي هذي ..

سافرت ورجعت بالسلامة ...

وصراحة .. ماشفت ناس طيبين بمثل طيبة اهل دنفر ...

ترقبوا قريبا ... تفاصيل سفرتي الى دنفر ...

الحمد لله على السلامه ...اخوي اسير الدوحه
كويس انك انبسطت و استنانست في سفرتك لدنفر و اهم شئ تكون استفدت في الدوره

انا اول ما قريت دنفر جيت على طول و ليتني قاريه الموضوع من قبل كان قدرت ارد عليك مع ان الاعضاء ما قصروا و قالوا كل الي موجود في دنفر

دنفر مدينه حلوه و لها طابع مختلف عن باقي مدن امريكا و زي ما انت عارف في امريكا كل مدينه تتميز بشئ معين

تصدق يا اخوي اننا سنويا كنا نروح لدنفر و نجلس فيها الصيف كله بس بعد 11/ 9 بطلنا نروح لامريكا و الحين احنا متوهقين ما نعرف وين نروح و لا لقينا بديل لامريكا

شكلي كثرت بالكلام بس والله هزني الشوق لامريكا و يا ليت تتحفنا بتقرير عن دنفر و يكون بالصور اذا قدرت

تحياتي لك

دنفر كنك بالطايف بس الفرق ان الطايف سعوديون ودنفر شوي امريكان ونص مكسيكان ونص خوال
انا صار لي اربع شهووووور وانشاءالله شهر بالكثير مغير

أخوي دلوع الرياض................دنفر وكلورادو كلهم نفس الشي.....يعني مدينة دنفر تقع في ولاية كولورادو....أو بالأحرى...مدينه دنفر هي عاصمة ولاية كولورادو....وشكرا

دلوع ...

مثل ماقال .. سوبر ..

الولاية هي كولورادو وعاصمتها هي دنفر ...

دنفر ... مدينة فيها عرب ومسلمين كثار .. سواء طلبة او مقيمين ..

هي مدينة آمنة ... وانصحك تزورها ...

مشكورررررررررررررين اكتير اكتير بس ممكن تقولون لنا عن اماكن الترفيهه في مدينة دنفر وهل اسعارها غاليه ومشكوررررررين.

هلا دلووع

على حسب معرفتي المتواضعه في دنقر ..

عندك مدينة الالعاب الترفيهية ...
وعندك الجبال ...
وعندك السينمات الموجوده بكثرة ..
والمجمعات التجارية الكبيرة ...

وبالنسبة للاسعار .. ماعندي فكرة والله ..