الموضوع: انترلاكين أو زيلامسي مساعدتكم الله ليهينكم

الله ليهينكم ابغى مشورتكم في زيلامسي انا مخطط رحلتي جنيف 3 ايام - انترلاكين 3 ايام - زيورخ يومين - رست يوم - ميونخ يومين - زيلامسي 3 ايام - فيينا 4 ايام - اسطنبول 4 ايام
هل تنصحوني الغي زيلامسي واتصرف بأيامها اضيف يوم في ميونخ -ويوم في انترلاكين أو اضيف ايامها في لوقانو

مواضيع عشوائيه ممكن تكون تعجبك اخترناها لك:

• استشاره في خطة سير اوروبا ..
• اتمنى منكم المساعده ولكم الدعاء
• كيف أستمتع بزيارة سويسرا بدون سيارة؟
• جو سويسرا
• الرجاء مساعدتي في تنظيم جدول سياحي لشخصين
• أرخص التكاليف
• مين يساعدني في تخطيط رحلتي
• استفسار بخصوص الفنادق
• ماهي الأماكن التي يمكن الحجزها عن طريق الأنترنت في سويسرا و أماكن الطوابير الطويله
• جولة في المدينة الساحرة ديفون تقرير مصور
• استفسار بخصوص زيرمات
• العزبه ياهل المكشات
• البشاره يالربع الفيزا وصلت
• كلمة ولو جبر خاطر ماهي أفضل الشقق في انترلاكن
• جدول رحلتي للانترلاكن مرورا بباريس وجنيف
• جننوني الخطوط ومادري وش السالفه
• سؤال عن سوسرا في نوفمبر
• كم اشتقت الى جبالك يا انترلاكن
• اهل الخبره انا عروسه وابي استشاره تكفون ادخلو كل ابوكم
• الأنتقال من لوقانو الى انترلاكن بالسيارة

بالتوفيق انشاء الله
صراحة مخطط متعب جدا
لكثرة التنقلات
انترلاكن تغني عن زيلامسي وبقوة

السلام عليكم ورحمة الله وبركاته::

الان ..هل حجزت العودة من فيينا ؟؟


اذا ودك بانترلكن وزيلاميسي ..خل الرجعة من ميونخ .


واذا ودك تكنسل زيلاميسي بالمرة ..هي وميونخ ..هل راح تحط بدالها ميلان للرجعة ..او العودة الى جنيف؟؟


عفوا..اسطنبول..وش موقعها بالضبط في المخطط ؟؟ يعني بتكوون ترانزيت ؟

معليش اعذروني على الاطالة انا خلاص قطعت التذاكر والله على الخطوط السعودية لاني كل سنة اسافر في ترانزيت اما على الاماراتيه او على طيران الشرق الاوسط ومعاية بنتي عمرها ثلاث سنوات وتعبنا من الانتظار في المطار او استأجار فندق على بال مايجي وقت رحلتنا فقررت اني ازور سويسرا والمانيا والنمسا واخلي الرجعه من اسطنبول اخذ طيران من فيينا الى اسطنبول لان الخطوط السعودية مافيها خط على فيينا


فابغ مساعدتكم في المخطط الله ليهينكم

حقيقة مخططك لحس مخي صح
اسطنبول ايش موقعها من الاعراب ؟

النمسا المانيا سويسرا

حدد لنا فترة اقامتك في سويسرا
هل تنقلك بيكون سيارة او قطارات حتى نقدر نشوف جدول يناسبك
وين راح يكون سكنك في سويسرا؟ عدد الاشخاص ونقطة مغادرتك والوصول

النمسا والمانيا حاول تدرج الاستفسار الخاص بها
في البوابات هناك لان المشرفين والاخوان اعلم بالاراء والنصح بهذة الدول

اخوي ابو ليندا...مخططك مافيه شي ..كويس الى حد ما ..لكن يعيبه كثرة التنقلات .اذا كنت صامل على المدن اللي انت اخترتها ...توكل على الله.


جنيف 3 ايام
ومنها تزور لوزان ومونترو والريف الفرنسي أنسي وشامونيه وايفيان.
مع اني انصحك بان تسكن في ديفون الفرنسية...عاد أكيد معاك سيارة ..والافضل تستأجرها من المطار من القسم الفرنسي.
لكن بيطلع عليك زيادة في ضريبة التسليم في دولة اخرى ..واللي هي النمسا (فيينا)


انترلاكين 3 ايام
في الطريق الى انترلكن تزور مصنع الشوكولاتة..وتوصل انترلكن وتزور مطل الهاردر كلم.
اليوم الثاني قمة اوروبا الينفيرواخ + شلال التروميل باخ ..وكلها من محطة قرية لوتربرونن.
اليوم الثالث زيارة بحيرة البلاوسيه وكهوف ساينت بيتس وحديقة المايستري بارك (حديقة الجنقفرو)


زيورخ يومين
في الطريق الى زيورخ زيارة لوزيرن (وفيها الجسر الخشبي ومصنع الزجاج وتمثال الاسد ) والتمشي في زيورخ.
اليوم الثاني زيارة شلالات الراين


رست يوم
عاد مدينة الالعاب ما يحتاج..


ميونخ يومين
زيلامسي 3 ايام
فيينا 4 ايام
اسطنبول 4 ايام .


واي استفسار اخر ..نحن في انتظارك

الله يعطيكم العافية خلاص بتوكل على الله واخلي مخططي زي ماهوه اما بنسبة للمواصلتم انا افضل انها تكون بالقطارات والباصات والترام لأني أحسها أوفر من اجار السيارة

بنسبة للمواصلات في انترلاكين وزيلامسي هل المواصلات العامة تكفي او ضروري استاجر سيارة وفي جنيف هل المواصلات لريف الفرنسي متوفرة

شوف اخوي انترلاكن حلوة. ولكن مكلفة. سويسرا مكلفة. بالنسبة لي اربع ايام كانت كافية. سويسرا القمم فيها كثيرة واسعارها غالية.

لكن لو جيت للحق. زيلامسي تستحق زيارة اذا لم تزرها من قبل. والأفضل ان تسكن في كابرون فهي مدينه جداً جميلة وهادئة وغير مزدحمة. وغير مكلفة. أنا قضيت فيها 5 ايام في شقة مفروشة كلفتني فقط 450 يورو. والأجمل من ذلك انك تحصل على بطاقات لك ولأفراد العائلة تدخل بها اماكن ترفيهيه كثيرة. كالطلوع لأعلى قمة 3000 ببلاش وايضا تلفريك اخر في زيلامسي. وزيارة تجمع سد المياة ببلاش وحديقة الحيوان التي فيها الألعاب. ببلاش وجولة في اليخت ع بحيرة زيلامسي ببلاش. والدخول لشللات الكريمل ببلاش. والتنقل بالباصات أيضاً. ببساطة راح تقلل عليك مصاريف كثيرة. ومن قالك انه مافي أنشطة. راح يوزعو عليك بروشوت بالعربي للاماكن اللي تقدر تزورها بالبطاقة وكل هذا بدون مقابل. في لويزن سويسرا أنا طلعت تلفريك ب540 ريال. ههههههه وكانت قمة عادية. فتخيل معي باقي القمم.

نصيحة خلي جدولك بين سويسرا والنمسا وراح تنبسط. كابرون ملاصقة لزيلامسي 5 ال 7 كيلو. كنك رايح من حارة لحارة بالرياض هههههههه

ع فكرة. ميونخ حلوة وجوها بارد بالليل يوصل 14 ولكن حقة تسوق لو. ولو تبي تتسوق أنصحك تجرب التسوق في النمسا في سالسبرغ لو كنت قريب منها بدلا من المشوار لميونخ. وانت كمان احسب المسافات يالقوقل ماب. سويسرا غالية ما نصحك تتسوق منها كثير.

اما بنسبة لتسوق فانا في كل سفرة اخليه من اخر مدينه قبل السفر بيومين حتى اضمن ان المصاريف تكفيني

رحلتي جدة - جنيف والعودة اسطنبول جدة
وتم قطع التذاكر على الخطوط السعودية

جنيف وعرفنها بس كيف اخوي العودة. اسطنبول جدة ؟؟؟؟؟

طلعتك من أوربا. من اي بلد ؟.

الهيل اكيد ريحانه والدلال قريشيه
وحساويه
تعال تقهو

الصدز يعور المخ مخططه من الموبايل

Interlaken

ابغى مساعدتكم في مخطط وفنادق ماتكلفني اكثر من 10000 لسفريه كلها

المشكلة اني مابقيلي الا اماكن معينه في اوربا لان لي ثلاث سنوات متتالية وانا في اوربا وطيرانها مكلف لايقل عن 11000 ريال هذا مادفعني اني اضم اسطنبول لرحلة لانها اخر زيارة لأوربا وحصلت هذا السعر اللي ماقد شفته في حياتي ل3اشخاص وكانت وجهاتي خلال الثلاث سنوات لندن - باريس - فينيسيا - روما - ميلان - لوقانو -

أنا سافرت ع القطرية أنا وزوجتي وابني ب 8000 ريال. ميونخ جدة ميونخ.
أنصحك ماتروح مكاتب لانه اعطوني سعر 14 الف. جرب موقعهم مباشرة. بتحصل الأسعار اقل.

ممكن أساعدك. لو تعطيني تاريخ الذهاب والعودة. من الموبايل

ايوة انا احجز من نفس الموقع عن طريق الفيزا بس المشكلة اني قصيت التذاكر وتوريخ السفر 2013/6/17 والعودة 2013/7/9

أنا ع القطرية كنت اشيك بس حصلت أني أحجز من جدة لميونخ وارجع من سويسرا واقل من 7000 آلاف. وهذا لسى مابعد فكرت بالموضوع بجدية. وانت يخوي وش الله حادك ع البهذلة والتعب هذا. ولاتنسى رحلة العودة من أوربا الي اسطنبول ماهي رخيصة. يعني بتطلع عليك أغلى اجمالي. يمكن ع قولك وفرت لسويسرا لكن ماحسبتها وانت راجع لإسطنبول. كم اجمالي التكلفة.

لو كانت الرحلة اسطنبول مجبر راح تكون في مسار رحلتك ترانزيت كان معاك حق تسكن في اسطنبول وتستفيد من المسار. لكن اسطنبول ماهي حتى ترانزيت في رحلتك. من الموبايل