الموضوع: مطاعم أو بوفيهات شعبية

السلام عليكم

ان شاء بعد اسبوع جاي الكويت بغيت اعرف وين مطاعم الشعبيه او البوفيهات تبيع مثلا قلاقل شاورما كباب تكة مثلا واهم شي الفلافل وين المكانات التي تمدحونها . نغير جو مو دايما ميس الغانم او برج الحمام أو قيصر .

تحياتي

مواضيع عشوائيه ممكن تكون تعجبك اخترناها لك:

• نظام ساهر او كاميرات المراقبة بالنسبة لـ اللوحات السعودية
• أي الشقق التاليه افضل
• فندق ومنتجع النخيل ؟
• هلا فبراير يدعو الجمهور لوضع برنامج المهرجانساهم بافكارك
• فندق في هونج كونج
• السفر الى دولة الكويت
• صور السفر عن طريق البر من الشرقيه الى الكويت
• أبى معلومات عن منتزة الخيران
• صور اتمنى تعجبكم
• قريباً جداً سنشهد افتتاح مجمع
• ممكن اجابة علي اسئلة خفيفة؟؟؟؟؟؟
• بنوتات استفسار بخصوت بيوت ديفا وكاريزما
• إخواني ما أفضل طريق بري للكويت من الرياض ؟
• شــــــكـــــــــراً لــــــــــــكـــــــــــــم
• جولة الي منتجع صحارى للجولف
• الدخول للكويت من السعودية
• كيف اروح مول 360
• مساعدة بتنظيم رحلتي للكويت بعد العيد
• استفسار بغرض السفر الى الكويت ؟
• بكم سعر البنزين في الكويت

يوجد محل اسمه فلافل ناديا في مجمع 360
أما بالنسبة للبوفيهات يوجد في مطعم لونوتر و هو موجود على البحر
كما يوجد مطعم الحمرا في فندق الشيراتون
مطعم ريكاردو في الشيراتون
مطعم النوخذة

المشاركة الأصلية كتبت بواسطة حلوة الكون
http://www.arabtravelersforum.com/tr...0/#post6095604

يوجد محل اسمه فلافل ناديا في مجمع 360
أما بالنسبة للبوفيهات يوجد في مطعم لونوتر و هو موجود على البحر
كما يوجد مطعم الحمرا في فندق الشيراتون
مطعم ريكاردو في الشيراتون
مطعم النوخذة






مشكورة يعطيك العافية وراج نجربه ان شاء الله

المشاركة الأصلية كتبت بواسطة alobaied
http://www.arabtravelersforum.com/tr...0/#post6096614

اخوي أنا بعطيك مطاعم مو كلها كشخة

شوف يمكن الاعضاء ما مر عليهم اللي بقوله

الفلافل بمكان مدعوس والمحل ما يبيع غير فلافل وشورما

أسمه يا نصف القمر أو شاطيء القمر يعني المهم في القمر

مكانه بحولي شارع التسجيلات الاسلامية والمكتبات وانت ماشي باتجاه المهلب قبل الصعدة مالت مطعم دانة البحرين راح تشوف لفة يمين وكمل سيدة وبعدها يمين وبعدها تلقاه يمينك بصراحة قوي

أما الشورما بالاذواق تختلف ولكن المشهور هو مطعم كوردو موجود في شارع المطاعم وموجود بجانب مجمع الفنار وايضاً على حد علمي انه موجود في مجمع المارينا مول وايضاً في مطعم اسمه شاورما موجود في منطقة حولي بجانب مطعم هابي برجر يبي شورمه هندية وايرانية يعني كلها انواع صلصات

البوفيهات إذا تبي مطعم عنده بحري ودجاج بصراحة حلو أسمه الخليج الصيني في منطقة حولي قاعد أحاول اتذكر مكانه بس ماني قادر إذا بغيته بلغني واسألك وين مكان بالضبط

وإذا تبي مشاوي سوق المباركية سوق قديم تراثي وفيه مطاعم

وإذا تحب البرجر في مطعم شيك شاك محل امريكي موجود في مجمع الافينيوز وترا طق عليه يعني لازم تصف دور




مشكووووور ويعطيك اذا ممكن احداثيات او وصف عن طريق موقع اذا ما عليك امر يالغالي

http://wikimapia.org/#lat=29.3500851...14&l=0&m=b&v=8

عشان احط الاحداثيات حقه

مطعم الكلحة له ٣ فروع

موجود في السالميهشارع البحرين مقابل ستاربكس وبالقرب من بيتزا بابا

وسيتي سنتر سوق السالميه طابق ثاني بركن المطاعم

وأرض المعارض منطقه مشرف




مطعم زين الزاد



عدد الافرع (2)

العاصمه - الشويخ العنوان: شارع كندا دراي محطة المغرب العربي



العاصمه - مبارك الكبير

العنوان: مدينه اسواق القرين



للاتصال: 24811117 - 24811

Coordinates: 29°20'10"N 48°1'55"E

وان شاء الله يكون صح لأن افتر راسي من الخريطة .... اسمه ليالي القمر

شغل مطعم بسيط ورخيص بس أهم شي الطعم

أنا ما أحب الفلافل بس آكلها بهذا المطعم

أخوي انا بنصحك نصيحة ...

في شغلة محد يختلف عليها ان المطاعم اذواق

بس في شي ثاني يفرق هو طبيعة الشخص اللي يدليك

يعني أنا شباب ومثل ما اهوا معروف ان الشباب من كل مكان ياكلون غير عن البنات والعوايل فهذا اللي يفرق

يعني في مطعم كافتيريا شويخ تخصص ثلاث انواع فطاير لحم وجبن وزعتر ... المطعم موجود في شارع كندراي كله كراجات سيارات لو بتقول حق بنت بتقولك ما أكل من هالاماكن بس الناس طق عليه .. طبعاً إذا معاك أهل لازم تاخذه للبيت لأن ماكو مكان للحريم

وفي شغلة ثانية وهي الأهم ان الواحد يعطيك أحلى الأماكن في الدولة والمعروفة أما أنا فاحب انك تحصل وتجرب اللي مو موجود له فرعين في نفس الدولة الا نادراً

وإذا بخاطرك عصير فمعروف عصير الضاحية بجمعية ضاحية عبدالله السالم وعصير كيفان في فرع جمعية كيفان اللي جدام نادي الكويت " أشهر من نار على علم ومن الزحمة راح تنطر دور "

طبعاً أغلب اللي ابلغك عنه مو مطاعم سياحية ولا في مناطق سياحية ولكنها من باب الاستكشاف والتذوق

الف الف شكر وعطيكم العافية
alobaied تعبناك معنا

يعني في مطعم كافتيريا شويخ تخصص ثلاث انواع فطاير لحم وجبن وزعتر ... المطعم موجود في شارع كندراي كله كراجات سيارات = ما في امل ياكلوا منه هههههههههههههههه

اختي فروحه الكويت يعطيج العافية
اختي حلوة الكون يعطيج العافية

ان شاء اذا زرنا احد المطاعم راح اعطيكم التجربة

المشاركة الأصلية كتبت بواسطة m9o11
http://www.arabtravelersforum.com/tr...0/#post6100422

الف الف شكر وعطيكم العافية
alobaied تعبناك معنا

يعني في مطعم كافتيريا شويخ تخصص ثلاث انواع فطاير لحم وجبن وزعتر ... المطعم موجود في شارع كندراي كله كراجات سيارات = ما في امل ياكلوا منه هههههههههههههههه

اختي فروحه الكويت يعطيج العافية
اختي حلوة الكون يعطيج العافية

ان شاء اذا زرنا احد المطاعم راح اعطيكم التجربة




انا وحده من رواد هذي الكافتيريا وزين الزاد في نفس الشارع بس قبله عند محطة غسيل السيارات .. وبعد في السالميه مطعم دودو للفلافل في السالميه القديمه واايد حلوو ..
والشاورما انا اعز شاورما تايم اوت في شارع المطاعم وفي حولي الريف لبناني عنده فلافل خطيره في شارع تونس ..

والشباب ماقصروا في المطاعم

وحياكم الله