الموضوع: رحلتي القادمة الى اوربا؟؟

السلام عليكم

بعد مراجعتي لمواضيع اوربا وافضل المدن الاوربية ونصائح الاحباب قررنا انا والوالدة و اخوي السفر لاوربا لمدة اسبوعين لاول مرة !

وطالب ارائكم ونصائحكم بتحديد المدن الافضل لزيارتها سوف تكون رحلتنا من جدة الي جنيف على الخطوط السعودية
وحجزت السيارة من مطار جنيف القسم الفرنسي لتسليمها في باريس وهي اخر محطة قبل العودة للعروس

عند استلام السيارة سوف نتجه ان شاء الله الى انسي الفرنسيه اللي تبعد اربعين دقيقه عن جنيف والاقامة بها لليلتين

ثم المغادرة الي ميونخ والوقوف للراحه والغداء بمنتصف الطريق بزيورخ ويستغرق الطريق من انسي الفرنسيه الى ميونخ 6 ساعات ونصف وبتكون الاقامة لمدة خمس ليالي وبيكون يوم كامل منها لزيلامسي ونصف يوم لجارمش والباقي 3 ايام ونصف لمعالم ميونخ

ومن ثم الاتجاه لبادن بادن والاقامه بها لمدة ليلتين لزيارة الغابات السوداء ويورب بارك والاوت ليت القريب منها

ومن ثم الاتجاه لباريس والاقامه بها اخر 5 ليال والعودة عالخطوط المصريه لجدة لغلاء سعر الخطوط السعوديه

الفنادق اللى تم حجزها كلها اربع وثلاث نجوم ولغرفتين مزدوجه ماعدا انسي شقه كبيره ومواقعها كلها بالسنتر بكل مدينه وتكلفتها تقريباً 15 الف ريال لكامل المدة اتوقع السعر غالي شوي بسبب تاخري بالحجز!!

والتذاكر كلفتنا 13،300 ريال ل3 تذاكر وتم حجزها قبل عشر ايام

انا حاولت اختار واغطي ميونخ وباريس بفترة اطول من انسي وبادن بادن لكبر مساحتها وكثرة معالمها وبرضه الوالدة الله يحفظها ماتقدر تمشي كثير فلذلك حاولت اختار الاماكن سهلة التنقل لراحتها.

عندي كم استفسار :
رايكم بالبرنامج بشكل عام واي نصائح عليه

لدي بطاقة فيزا الراجحي المسبقة الدفع واريد استئجار السياره بها هل تقبل هناك ؟ بتكون الحروف والارقام محفوره عالبطاقه ومو مكتوب عليها ديبت كارد!
او الافضل ادفع قيمة الايجار من احد مكاتب الايجار بجدة اللي عندهم فروع بمطار جنيف القسم الفرنسي؟

ماهو افضل اوت ليت مول بالمناطق اللى بمرها؟ سمعت عن اوت ليت بالقرب من ميونخ بس مدحولي مول يبعد عن بادن بادن مدة ساعه و ربع؟

وشاكر ومقدر جهود جميع الاعضاء على مواضعيهم المفيدة من الموبايل

مواضيع عشوائيه ممكن تكون تعجبك اخترناها لك:

• بالصور عيد دمشق الجميل
• خطتي الى فرنسا ؟
• استفسار بشأن ترانزيت مطار شارلي cdg
• استفسار عن افضل مطعم عربي او هندي فالشانز
• شلون نيس في شهر أبريل؟
• السكن الافضل
• ابلكيشن الشنقن
• استفسار لخط سير رحلتي باريس جنيف النمسا
• فزعتكم يالفرنسيين
• بالنسبه للفلوس و الجوازات و التنقل و الآمان
• تخطيط رحلتيالى فرنسا واسبانيا
• الحجاب في اوروبا
• صــور لســفرتـنــا الــى ســوريــا
• رحلتي الى أفاميا يصاحبها الصور
• مساعدة كيف اروح الي قصر فرساي انا ذحين عند مترو جورج باريس الان رروعه وامطار الان
• استفسار بخصوص باريس
• فندق في باريس
• آنسي آو ايفيان أو نيس و كان ؟
• افضل شركه لبيع بطاقات الموبايل ؟؟
• لمن سبق له زياره باريس

السلام عليكم ورحمة الله وبركاته::


اولا اخوي جزاك الله خير على ما تسويه ..ويجعلها الله في موازين حسناتك.


ثانيا ..وش هالهجولة الله يسامحك ..من أنسي الى ميونخ ..شاق سويسرا من جنوب غرب الى شمال شرق...
عفوا اخوي..مو عشان زيلاميسي او ميونخ..انترلكن اطلق منها بكثييير.
انا ما اقول لك مستحيلة..لكن الواحد ما وده يفقد متعة السفر بإنك تمسك خطوط.
هذا مجرد رأي بصراحة ..لأن مافيها شي مميز تقول والله فاتني...تلقاه بطريقك في سويسرا.
شلالات قمم جبال كهوف متاحف قلاع مصانع جبن وشوكولاتة طيران شراعي حدائق بحيرات أنهار .
وبإمكانك زيارة اعلى قمة في اوروبا الينفيرواخ..واكبر شلال في اوروبا شلال الراين


الخمسة ايام هذه ممكن تكون في انترلكن ..أفضل...من وجهة نظري.




وبيني وبينك ..ميزانية السكن مرتفعة وممكن توفر فيها ..لأنها للنوم فقط.


لكن اذا حجزت الفنادق..وامورك تااامة..فما باليد حيلة..ما اقول الا الله يعينك.




بالنسبة للأوتلت ..موجود في جنوب شتوتقارت ..واسمه اوتلت سيتي ميتزنقن
http://www.outletcity.com/en/metzingen/
وتجنب الذهاب له يوم الاحد او ايام العطلات الرسمية في المانيا.


بادن بادن روعة ..وانصحك بحجز موعد في مصحة كاركلا.


وانصحك بان تسلم السيارة اول ما توصل باريس..لأنها زحمة ومواقف بالقطارة.


استلام السيارة من اي شركة ايجار في اوروبا ..لااازم بطاقة فيزا...والا ما تطلع السيارة.
واقصد ببطاقة الفيزا ..اللي حروفها بارزة ومنقوشة نقش...مو المطبوعة.


شوف المواقع في النت واسعارهم ..وراجع مكاتب الايجار اللي في جدة ..بدجت وهيرتز وافيس وسيكست.
وشوف الارخص...واختار السيارة الديزل..لأن مسافاتك طويلة.


ولابد من وجود رخصة دولية معاك ..للأحتياط طبعا.


هذا اللي اقدر افيدك اياه ..والامر راجع لكم.
استخير الله وشوف ايش يصير معك.


والله يكتب لك مافيه الخير.

مع مميزنا
وانا اخوك والله كثير يحبون يزورون دول ولا رجع كره اغلب الدول
ثق التنقل سهل بس ممل وان طافتك الرحله بتنغث وحجوزات
افضل السفره دولتين وبس
المسبقه تمشي غاليا وبعض المكاتب لا تقبلها
فيه في باريس الاوت لوت