السلام عليكم . انا صارلي موقف امس في دبي اكواريوم وحبيت انبهكم فيه والموقف هو: امس عالمغرب كنت رايحة دبي مول مع العيال وحبوا انهم يدخلون الاكواريوم وافقت ودخلنا لان كان عندي كتيب الانترتينر وكنا اربعة ودفعنا عن شخصين والمبلغ طلع ب100 درهم. المهم بعد ما دخلنا طبعا اغلب الاحواض مكتوب عليها ممنوع اللمس وممنوع اطعام السمك وممنوع ادخال اليد وطبعا بعد ماخلصنا من الطابق الاول رحنا للطابق الثاني واللي كان فيه مثل صناديق زجاجية مغلقة وفيها بعض من الزواحف والعناكب والثعابين والضفادع واللي اتوقع ان اغلبها سام . المهم اللي صار اني كنت قاعدة اصور وفجأة سمعت صوت شي ولما صديت شفت ان الزجاج من احد هالصناديق طاح وكشف عن الضفدع اللي موجود وطبعا الكل كان في حالة فزع بس ربنا ستر وما طلع الضفدع واللي اتوقع انه سام وطبعا الكل طلع من المكان ونزل للطابق السفلي وانا رحت لاحد الموظفين وبلغته باللي حصل ان ولدي كان حاط ايده ومتسند وقاعد يتأمل بالضفدع وفجأة طاحت الزجاجة واللي اتوقع انها مش محكمة الغلق واللي المفروض انها تكون مسكرة عدل تجنبا لهذي الاشياء طبعا ملخص الكلام هني تخيلوا لو ان الجامة اللي كان فيها الثعبان هي اللي طاحت او اللي فيها العنكبوت السام جان شو اللي بيصير . فأنا حبيت انبهكم للي صار معاي علشان ما يصير مع غيري انتبهوا لا تلمسون الزجاج ولا تتسندون عليه والله شاهد اني ما ابغي غير اني انبهكم واسمحولي.مواضيع عشوائيه ممكن تكون تعجبك اخترناها لك:
- رحلات إضافية لشركة مصر للطيران بالشارقة خلال الصيف
- لأول مرة اسافر
- اخذوا حذركم من فلاى دبى
- محتاجكم ضروري تكفون
- يا اهل االامارات
- شهر العسل
- استفسار من اهل الامارات ومن له علاقة بالهدايا
- أفضل صالونات التجميل في دبي
- استفسار عن مكتب حجز فنادق في منفذ القويفات
- سؤال عاجل عن فندق جروفنور هاوس دبي
- فستيفال مارينا تطلق فعاليات نهاية الأسبوع الترفيهية الخارجية
- استفسار عن السوق الحرة في مطار دبي
- ماركات مقلده طبق الاصل
- فندق سياحي جديد في رأس الخيمة بتكلفة مليون درهم
- السياحة البرية
- نداء للفارس ولايهونون البقية
- نخيتكم يا اهل الإمارات
- احذركم من موقع بوكينج
- استفسار عن شركات الطيران لو سمحتوا
- دبي عشقي
المفضلات