الموضوع: اماكن ومطاعم رائعة في الكويت

مرحبا لاهل الكويت
قبل 10 ايام زرت الكويت وكانت زيارة موفقه جدا .............طبعا انا ما زرت الكويت من قبل 5 سنين تقريبا وللاسف هالمرة لما رحت الشنطة اللي فيها كاميرتي نسيتها وجوالي اللي فيه كاميرا ماخذيته معاي وبصراحة الكويت من اكثر الاماكن في العالم العربي روعة وانشاء الله بحاول كل شهريين ازورها مرا على الاقل لاني ماشفت كل معالمها بسبب قصر الرحلة .. وبصراحة استفدت من المعلومات اللي كانت في المنتدى كثير
وهذا ملخص الاماكن اللي زرتها ورايي فيها وحبيت اكتبها علشان الغير يستفيدون زي ما انا استفدت
السكن ............كان في بودل سويت وبصراحة رئع جدا ونظيف جدا وفاق توقعاتي بكثير
المركز العلمي ..................مكان رائع جدا جدا ومجهز بطريقة رائعة انا رحت للمركز العلمي اللي في لندن وبصراحة اللي في الكويت احلى بكثير ويكفي المكان اللي يطل عليه والمطاعم والقهوة اللي فيه (كوستا )
مجمع الصالحية ...............طبعا يظل شيخ المجمعات بالماركات اللي فيه فرساتشي وشانيل وديور وال في ................................الخ
مجمع الراية .................مجمع راقي جدا وفيه ماركات بعد بس مو زيي الصالحية وبصراحة فيه مطعم اسمه بوتيك برجر يقدم برجر صغير جدا وبحياتي ماذقت احلى من هالبرجر وفيه بعد مطعم ووتر ليمون اللي نفسه في البحرين
مجمع الفنار وشرق ...........حلويين جدا ورايقيين للتسوق

مجمع سيتي سنتر السالمية المعلم .............سوق شعبي بس منظم بطريقة رائعة جدا ونظيف جدا وفيه اشياء رخيصة جدا وحلوة
مجمع مارينا مول ..............طبعا حلو جدا بس مو للتسوق لان زحمة كثير و انا افضل اتسوق في الفنار او ليلى جاليري او الصالحية او شرق لانهم رايقيين اكثر ومو زحمة وفيهم نفس المحلات واكثر ............بس المطاعم اللي على البحر او المارينا كريسنت بصراحة شي مو طبيعي الجلسة ومنظر اليخوت والمطاعم والمقاهي ونوعية الاكل 7 نجوم مو خمسة وبالذات:106: مطعم كافيه بلان :106: رائع جدا ويستحق التجربة والشي اللي كنت مدمنة عليه خلال ال3 ايام هو :24: شوكلايت بار:24: مو معقول وبالذات المولتن كيك:113: :113: ( كنت اعتبر المولتن اللي عند تشيلييز حلوة الحين مااتوقع اقدر اطلبها ) بصراحة اللي يروح الكويت ومايروح شوكلايت بار رحلته ناقصة بقوة ولازم تروحونه في الشتا وتجلسون في الجلسات الخارجية لان المنظر يجنن بقوة:x1: :x1: :24: :24: (ممكن اكتب قصيدة لحبي لشوكلايت بار:110: )المهم انا مارينا كريسنت هي احلى مكان الواحد يروحه يتعشى او يتغدا فيه او حتى لو يشرب قهوة(يذكرني بمنطقة مارينا في دبي:101: )
مجمع الكوت .............بصراحة اعتبره اسوا شي صار لي في الكويت:108: المجمع حلو جدا بس بعيد وبالذات للسالمية ولوسط البلد وبسبب الزحمة خذا من عندنا روحتنا وجيتنا تقريبا 3 ساعات منهم ساعة في المجمع والباقي مابين مواقف :112: وزحمة الطريق والمكان بعيد وماحسيت ان فيه محلات متميزة او مطاعم كل المطاعم والمحلات موجودة في السالمية او شرق
واذا تحبون تستفسرون عن اي شي عن الرحلة تفضلوا
وفي النهاية اقول لكل الكويتيين
شكرا لحسن ضيافتكم وانتو محظوظين جدا بهالبلد الجميل والرائع وانشاء الله يحفظه من كل شر ومكروه وانشاء الله يزداد تميز وجمال وعمران

مواضيع عشوائيه ممكن تكون تعجبك اخترناها لك:

• استفسارينالبطاقه الذكيهادارة الفحص الفني
• حمام قبازرد للتنظيف والتفريك والتدليك للرجال فقط
• اخوانـــــــ ارجو المساعدة ـي
• مشروع جزيرتى النيرة واليمار السياحيتان
• ياهل الكويت حابه استفسر
• فندق لورويال واخرى
• مجمع عالمي الاول من نوعه فى الشرق الاوسط قريبا بالكويت
• كيف استئجار سياره
• فزعتكم ياأهل الكويت ابي الدكتور ؟؟؟؟؟؟؟؟؟
• فعاليات المهرجان في مجمع العنود من يدلني عليه
• تجربتي في
• هل احد جرب الدخول للكويت بالهوية الوطنية
• اهم المتاحف
• كل الدول الا الكويت
• ممكن؟
• رحلتي لكوانزوا فبراير
• فندق كورت يارد ماريوت
• سفري في ابريل
• الكويتية تفتتح الحجز عبر موقعها بالانترنت
• استفسار لأهل الكويت الكرام

حياك الله في بلدك الثاني ويشرفنا زيارتك في اي وقت

الحمدلله على السلامة
وحياكم الله بالكويت واتمنى تكرار زيارتكم

حياكم الله بالكويت


وانشالله قضيتو وقت حلو

ألف شكر على الطرح الرائع...

نتمنى منج اختي تكرار الزيارة في المرات القادمة و لكن بأوقات أطول...

تحياتي و شكرا مجددا.

اهلا وسهلا فيكم بديرتكم الكويت

هلا اختي الغالية
الحمدلله على سلامتكم
والله شرفتونا بهالزيارة
تسلمين على التقرير الحلو والمفيد
وانشاءالله تنورونا بزيارة ثانية لبلدكم الثانية

بس عندي سؤال بما انج صار لج 5 سنوات من اخر زيارة ابي اعرف شنو الاشياء اللي تغيرت عليج؟؟؟؟

الحقيقة إن الكويت هي البلد المتحضر والذي سبق جميع دول الخليج العربي في الحضارة والتطور وكان مصدر يستورد منه أهل الخليج اكثر بضائعهم وذلك قبل اكثر من خمسين سنه ف فعلاً الكويت حلوة) وشعبها شعب مضياف

تسلم اخوي الشملول


هذا من ذوقك

مرحبا
الاخت كويتية سألتيني ايش اللي تغيير في الكويت .........................الكويت كانت رائعة وصارت اروع :24: صار فيها عمران وتطور اكثر وانا قبل 5 سنين كان مجمع مارينا مول لسه ينبني اما الحين اكتمل واصبح من معالم الكويت الرائعة جدا والمتحف العلمي مااعرف كان موجود او لا بس هذي اول مرا ازوره وبصراحة انبهرت من مستواه وبالنسبة للسكن كثرت الفنادق والشقق المفروشة وصارت في خيارات اكثر واسعاره افضل اول كان السكن في الشيراتون بس و المطاعم زادت وارتقى مستواها ومن اهم الاشياء المريحة في السفر للكويت واللي صار مشجع جدا طبعا من الجانب السعودي الخط ما بين بو حدرية والخفجي صار مريح وخطين مو خطر ويخلي الواحد قاعد على اعصابه:114: زي ايام زمان ...................الكويت تغيرت كثير بس اللي ما تغير فيها طيبة اهلها:106: وتعاونهم مع اخوانهم السعوديين .

حابه اضيف شي جربته في الكويت وكان رائع طبعا من نصائح هالمنتدى الرائع والشي هو .................................................. .................................................. .................................................. .................................................. .................................................. .................................................. .................................................. .................................................. .......:24: مطعم فريج صويلح:24: ...........بصراحة رائع وبالذات الدقوس اللي طول عمري اسمع عنه في المسلسلات الكويتية ولا مرا جربته واكتشفت ان هو شي لذيذ جدا ويقدم تقريبا مع كل الوجبات والاكل الكويتي رائع والمطعم ذكرني بالقرية الشعبية عندنا في الشرقية واتمنى من الاخوان الكويتيين في المنتدى اذا زاروا المنطقة الشرقية يجربون الاكلات السعودية في احد المطاعم الشعبية .

مشكوره اختي هذا من ذوقج


ونورتو الكويت

منووووووره اختى اسونى وياحيا الله اهل الشرقية والمملكة والخليج كله

تشرفنا ونتمني نشوفكم كل اسبوع مو كل شهرين :106:

بس هااااا مو تنسين الكاميرات هالمره ... :108:

و ترى كافي تشيشونا وتشوقونا على التشوكليت بار والله محنا ناقصين متن :110:


تحياتي ...........

سلام عليكم
مجهود واضح
شكرا لك

الحمد لله على السلامة

وفي المرة الجاية أهم شئ الكاميرة لا تنسااااااااااها

بالتوفيق الدائم للجميع

حياج الله بديرتج و بين أهلج و عسي الزياره ما تنقطع و كل أسبوع أتيون عندنا و الأسبوع الي وراه أنيي أحنا عندكم , حبيت بس أذكر شي أنه مطعم بوتيك برغر أهوا من تصميم 3 شباب كويتين و أهم الي حطوا المنيو و أهم الي شكلوا الأكلات الي فيه و عندهم كذا مطعم غيره و كلهم ناجحين و أن شاء الله لازم أقولهم أنه مطعهم خذا له صدا بالخارج خل يستانسون

هههههههههههههههههههه ياخي عليك فناتق والله ماتعرف الدقوس في كل بقالة وفي البيت دايما يتصلح غريبة ماتعرفه
وتر ليمون موجود في الرياض شارع التحلية من سنه ياليت تزور الرياض وتصور شارع التحلية

:24: انشالله ازور اكويت كل شهر على قولتكم بصراحة لانها تستاهل بقوة وبالنسبة لاللاخ رمال البحر انا اعرف ان الدقوس هو الشطة بس شكله عندهم غير وعندنا غير هم عندهم يجي شكله زي صلصة الكشري على شكل صالونة او مرق زي ما يسمونه البعض واحنا في السعودية عندنا يجي في البقالات على شكل شطة عادية ابو ديك او غيرة وبالنسبة للطعم الفرق كبير عندهم بالمرة لذيذ :24: وبالنسبة للوتر ليمون انا ما مرا شفته في الرياض ويمكن لاني اخر مرا رحت الرياض من سنة بس انا متاكدة ان بيكون في الكويت غير عن البحرين وعن الرياض :101: ولو بصور بصور اللي في البحرين لانه اقرب لي من اللي في الرياض .
وعندي سؤال للعضو بو خويلد ايش هي مطاعم الشباب الكويتيين الثلاثة غير بوتيك برجر بليز قول لي علشان المرا الجاية اذا جيت اجرب باقي مطاعمهم لانهم ذوق ونوعية الاكل ممتازة
:106:

الله يشرح خاطرك في كل سفرة .. ويبهج سريرتك بكل خطوة ..

وانصح كل من زار الكويت .. انه يروح مطعم السلطان (بوفيه مفتوح الفطور ..خصوصاً ..شي راااااااائع ..) .. وكذلك المطعم الإيراني الشعبي الي داخل سوق المباركيه .. شي يهبل ...

والله يسعد الجميع ..

الحمد لله انك استمتعتي بزيارة بلدي الكويت و بشأن مجمع الكويت هو من ناحية المحلات تقريبا يشابة ما هو موجود في مجمعات الديرة الاخرى و لا يتميز عليها لمت هو يمتاز بنوافيره الراقصة و تميز تصميمه الذي جاء على الطراز الكويتي القديم كما ان فيه مطعم لبناني ممتاز جدا هو مطعم ميجانا و خدمته جدا مميزة, و يوجد مطعك ثاني اسمه سراي مميز جدا و جلسته رومانسية و هادئة.
دام انك ناوية زيارة الكويت فان شاء الله تزورين هذه المطاعم

[size="4"][color="Indigo"]ماشالله عليج اختيasoony
رحلة حلوة وموفقة ما شالله
وتقرير حلو وسريع كفيتي ووفيتي

يعطيج العافية ياريت كل حد يسافر يسوي مثلج ويعطينا التفاصيل لان اللي عندهم اعيال لازم يكونون مخططين الرحلة عدل ولا راحت عليهم لان العيال بروحهم يدودهون اللي مايتدوده

جبتيها على الجرح اختي لول
اه يا الجوكليت بار

اول مره رحنا له كان زحمه ووانا اشوف الناس ياكلون مارضيت اتحرك

امي تقول امشي نشوف السوق ونرجع نتقهوى قلت لها اخاف يخلصون الكاكو عني ماني متحركه لول

الكويت في عيني احلى جنه

مشكوره على التقرير الرائع

تحياتي

اختك,,

معليش اختي ابي اسئل عن بضاعتكم لاني جايه انشالله الاسبوع الجاي وابي اعرف عن بعض المحلات مثل ريفاوانوته واوكسجين هل البضاعه صيفيه ولالا وبالنسبه لفساتين السهرة ومحلات الماركات مثل بيربري وشانيل وقوتشي وباقي الماركات يكون فيه خصم وكم نسبه الخصم

مشكورررررررررررررين على المرور
واختي المسافرة من قطر بصراحة لازم المرا الجاية تمرين الشوكلايت بار لانه يجنن وما ينهد................... واذا على الزحمة الخليج صار كله زحمة حتى بالسعودية موووووووووووت (القاهرة مو السعودية) وانشالله الله يكتب لي وارجع البلد الغالي الكويت واقضي فيه وقت اكثر .

اللي لاحظته من الاخوات انهم بس شافو الشوكلت بار ؟؟؟؟؟

تقرير كامل ما علقتوا الا على الشوكلت بار

المهم عليكم بالعافيه
والتقرير حلو وسريع لكن مجمع الكوت مو بعيد وهو في منطقه الفحيحيل تعتبر محافظه ثانيه غير السالميه الطريق ياخذ له ربع ساعه الى نصف ساعه لكن الزحمه هي السبب والكويت تشهد تطور في الشوارع وجسور وخطوط جديده وهذا اللي يسبب الزحمه هاليومين
تقريرج حلو وسريع كنت اتمنى انج تعطينا تفاصيل اكثر وشنو اللي اعجبج وشنو اللي ما يعبج
الحمدلله على سلامتكم وحياكم الله بالكويت

مرحبا الاخ ناصر الكويتي
بالنسبة للشوكلايت بار والاخوات هذا الوضع طبيعي لان النساء بطيبعتهم يحبون الحلويات وانا لاحظت في الكويت ان اغلب زبائن الشوكلايت بار امهات وعيالهم مافي رجال ابدا .
وبالنسبة ايش اللي عجبني كل شي عجبني المجمعات وبالذات المارينا المطاعم المتحف العلمي الشوارع الكبيرة الا الكوت ما حسيته مميز ابدا الا بالتصميم لان بصراحة التصميم رائع والنوافير بعد بس الفكرة ان مافيه محلات مميزة ولو المرا الجاية نويت اروح الكوت بروحه وبتغدا في المطعم البناني على نصيحة بعض الاعضاء وبطلع على خط السعودية طوالي ............................الكويت رائعة جدا وهذا اكثر كلمة معبرة في وصفها .

سؤال للاخوة الكرام ..

انا ناوي بأذن الله اروح الكويت هالاسبوع ليومين او ثلاثه بالكثير .... وطبعا هذي المرة الاولى
وابي اسالكم , بما انها اول مرة لي هل هناك احتمال اني اضيع ؟
... مشكلة والله لو ضعت !

وانا من سكان المنطقه الشرقيه في الخبر وتعتبر الكويت قريبه لحد كبير من عندنا يعني حرام اني افوت زيارتها ......

انتظر ردودكم الكريمه ..

أختي الكريمة .. الكويت صغيرة .. وبقلوب اهلها كبيرة .. لكن ما تضيع .. خليك على شارع الخليج العربي ومنه يتفرع بك على المناطق المهمة في الكويت ..

ولا تنسى ان يكون فطورك .. من اول ما توصل في مطعم السلطان ..مطعم راقي... وجو رومانسي هادي..

وفي الخدمة .. لأهل المنتدى عامه .. واهل الخبر خاصة ...:24:

هلا بأخوي الهيثم هذا ثاني مرة أسمع عن مطعم السلطان:114: معليك أمر لو تعطينا تفاصيل من حيث الموقع والأكلات الحلوة اللي عندهم :114: وأذا فية أي مطاعم ثانية تستحق الزيارة لاتبخل علينا بها:109:
مشكوررررررررررررررررر وما تقصررررررررررررررررررررررر

المشاركة الأصلية كتبت بواسطة man2006
http://www.arabtravelersforum.com/tr...8/#post1082348

هلا بأخوي الهيثم هذا ثاني مرة أسمع عن مطعم السلطان:114: معليك أمر لو تعطينا تفاصيل من حيث الموقع والأكلات الحلوة اللي عندهم :114: وأذا فية أي مطاعم ثانية تستحق الزيارة لاتبخل علينا بها:109:
مشكوررررررررررررررررر وما تقصررررررررررررررررررررررر



مطعم مركز سلطان براي افضل مطعم للفطور بالعالم الحقيقه ماشفت مثله بكل دول العالم متنوع وفيه كل شي وعلى قد ما تقدر تاكل اكل

وهو على فكره بوفيه مفتوح للفطور وفيه غدا وعشا بوفيه او طلب
ويقع على شارع الخليج العربي الكورنيش وانت طالع من الساميه تروخ على اليسار وهو واضح وما يبي له دلاله ابد

وفي بعد مطعم الردوني للفطور والغدا والعشاء لكن الفطور يعتبر الثاني بعد مركز سلطان

ولا ننسى بعد مطعم ابراج الكويت اللذي يقع في ابراج الكويت وهو متخصص للنساء على ما اعتقد لكل ايام الاسبوع ماعدا يومي الخميس والجمعه

هلا وغلا .. وكلنا لك فدا ... مطعم السلطان يقع شارع الخليج العربي ..عند مرسى اليخوت ... وهو مطل على المرسى .. ويقدم بوفيه مفتوح ..للوجبات الثلاثه .....ومكان راقي .. وحلووووو...

ويوجد ..مطعم شعبي (إيراني) في المباركيه ..يقدم اسماك شعبيه لكن بنكهه إيرانيه ..أممممممممم..

ويوجد في السالميه .. محل يبيع كنافه فقط اسمة "الكنفاني" وله فروع اخرى ..لا يفووووووتك ..

هذا من عندي ... وحسب خبرتي ....والباقي على اهل الديرة ... وإن شاء الله ما يخلونك في حيرة ...

واحلى سفرة .. مع أصدق دعوة ....بأن الله يجعل لك سلامه في كل خطوة .....

أخوي ناصر الكويتي :مشكوررررررررررررررر وماتقصر نشمي وهذا من عاداتكم يالكويت:11ight: :11ight: :11ight:
سامحنا اذا غثيناكم با لأسئلة الكثيرررررررررررررررة:114: لأني كل مأتذكر شيئ مايردني الا الكيبورد:101:

أخوي الهيثم :بارك اللة فيك وماقصرت أشكرك على المعلومات المهمة وانت كذا
:24: :24: :24: :24: :24: :24: :24: :24:

نورت الكويت
اهلا وسهلا فيك في كل وقت

حياج الله اختي asoony الكويت تنور بزيادة بوجود اهل الخليج فيها والكويت ديرتكم


وسامحونا اذا فيه شئ ضايقكم

أحنا فى الكويت نرحب بجميع الاخوه اللى يزورون الكويت سواء من أهلنا فى الخليج أو من أخواننا العرب أو غير العرب والله يأخوان أننا ألاسبوع الماضى كنا جدا مبسوطيين لما شفنا كل الطائرات القادمه من دول الخليج وبالذات السعوديه جميع الطائرات القادمه كانت عائلات أتت لقضاء ألاجازه بألكويت وقد أجرينا الكثير من القاءات مع بعض هذه العائلات وقالو أن الكويت بالنسبه لقضاء أجازة الربيع هى أفضل بلد وبالذات للاطفال فنقول من كل قلوبنا لكل من زارنا أو لديه النيه لزيارة الكويت نقول له أهلا وسهلا واذا ماشالتك الارض تشيلك عيوننا

مشكور اخوي ASOONY:x1: على الموضوع المتميز:24: ((الي افادني لرحلتي القادمه إلى الكويت ان شاء الله))

وسؤال على بوتيك برجر هل هو جديد ؟؟؟ كيف اسعاره تقريبا؟؟؟

شكرا على المرور للجميع ..............وبالنسبة لبوتيك برجر انا مااعرف هو جديد او لا بس هو في مجمع الراية ويقال ان مجمع الراية جديد بس متى فتح مااعرف والسؤال لاهل الكويت والاسعار للطلب الواحد هو 5 دنانير (مو متأكدة) بس انا اشوفه يستاهل واذا في حد من الا عضاء يعرف ممكن يرد على السؤال.