المشاركة الأصلية كتبت بواسطة queen moon
http://www.arabtravelersforum.com/tr...8/#post5335528
الله يعطيك العافيه أخوي عاشق الشلالات
شوقتني كثير لأندونيسيا ..
الله يعافيك يااختي الكريمه .. queen moon ..
الأجمل ان تشتاقي لاندونيسيا وانتي فيها ..
هذا الاحساس شعرت فيه فجزيرة بالي ..
وفي بداية ايامي فيها ..
فما بالك الآن ..
اندونيسيا بلد صعب وصفها ..
ومعرفة كل روائعها الجميله والخلابه ..
السكن ناوين فنادق ان شاءالله يمكن يوم أو اثنين نخليها فمنتجع أو فله
لأن طبيعة زوجي فالسفر ... الفندق عنده للنوم فقط
وهذا هو المطلوب .. السكن للنوم فقط ..
والميزانية التقريبيه لليوم 300 ريال تقريبا
ممتاز يمكن تزيد في بعض الاحيان خمسين ريال ..
والخطة إن شاء الله جاكرتا يوم .. الجبل 4 أيام ... بالي 3 أو 4 ايام ونرجع بعدين لجاكرتا
مرررره كويس كذا ..
بس لو تعكسيها يكون اجمل واريح لكم ..
شوفي خطتي لك ..
يوم جاكرتا ..
5 ايام بالي ..
ثلاثه او اربعه ايام الجبل ..
والباقي بالعاصمه الحبيبه .. جاكرتا ..
حاولي تقللي من ايام الجبل لبالي ..
بالي هي زبدة اندونيسيا وجوهرتها الثمينه ..
بس لو توضحي وش تحبون من برامج ..
بحريه .. طبيعيه .. اماكن ترفيهيه .. اماكن تاريخيه ..
؟؟؟
وراح اسوي لكم خطه مبدئيه لجزيرة الروعه والجمال .. بالي ..
زوجي فنفسه نروح سورابايا لمدة 3 ايام وحكون فرمضان ... ايش تقترح وإذا عندك تعديلات أرحب فيها ؟؟؟
شوفي ياااختي سورابايا بعيده جداُ عن جاكرتا ..
وهي اقرب لجزيرة بالي ..
فيه طيران من بالي لسورابايا ..
لو حبيتوا طبعاً ..
بس راح تكثر تنقلاتكم ..
وتزيد ميزانيتكم ..
ولذلك نحن ننصح دائماً بتقليل اماكن الزياره ..
والتركيز ع ثلاثه الى اربع مدن ..
حتى يتم الاستمتاع بها اكثر ..
كمان زوجي يقول حنحجز الفنادق من ذحين عن طريق مكتب هنا لأنه خايف مانحصل مع الزحمه
يااختي وقتكم فرمضان مافيه زحمه ..
بالنسبة لبالي اتركيها لاحسان ..
وهذا رقمه .. 006281353003698
انا سكنت بشقه اسمها سارا رزويوت ..
الشقه حلوه مررره ونظيفه جداً ..
وانا اتوقع راح تناسبكم ..
لاني لفيت اغلب المناطق إللي فيها شقق وفنادق نظيفه ..
ولا شفت لمدة سبعه ايام وسته ليالي أي حشره ولله الحمد ..
والله انا زيك اكره الحشرات مووووت ..
والاجمل وجود مسبح شبه خاص ..
واحسان يعرف مكان هالشقق ..
وهو شخص طيب جداً وحبوب ..
صدقيني قد شوقي لبالي قد شوقي له ..
كلمة رجل قليله فيه .. والله كان اخو مو سواق ..
وع العموم احسان كان لي بالضبط ..
سواق .. مرشد سياحي .. مترجم (يتكلم العربيه بطلاقه)
مصور (أهم شي) لاني كنت لوحدي .. الله يستر عليك
وفوق هذا كلو والاهم دقيق بمواعيده ..
اول يوم رحت لشاطئ الروعه والخيال .. نوسا دوا ..
وقضيت كل اليوم فيه وركبت اربع العاب بحريه ..
البراشوت .. البنانا .. الجت سكي .. الفيش ..
ثاني يوم رحت لبالي رافتينغ .. +مزارع القهوه +انلكونلنغ +جبل كنتاماني
الثالث رحت فيها كوتا+ الدريم بيتش +كارفور
الرابع رحت فيه للبحيرة البودقول +شلالات جت جت +مزارع الارز +
جاتي لوي +تاناه لوت +بحيرة موندوك (مكان خيالي) ..
الخامس رحت لاجمل العاب مائيه في اندونيسيا الوتر بوم .. وكان يوم شبه وداعي لي +
السوق الشعبي الشهير وشراء بعض الهدايا لاهل .
السادس والاخير .. جوله اخيره في بالي قبل المغادره ..
رحت فيها ايضاً لاجمل بحيرة طبييعيه في بالي (البودقول+بحيرة براتان)
ورحت مزراع الفراوله +شلال الروعه والخيال موندوك
وهذا البرنامج سواه احسان ..
وكان كل يوم متعه بحد ذاتها ..
الله يعيدها من ايام ..
احسان ما راح ينساني ..
بسبب فنلتين وشعار لنادي الاتحاد (ملك آسيا) ..
وكان يفتخر كل مالبسها ..
وبصراحه كان شكلوا ملفت لكل من شافه هناك ..
ههههههههه
عشان كذا انا انصح اي احد يروح بالي ..
مدته ماتكون فيها اقل من سبعه ايام ع الاقل ..
جزيرة بالي شي ولا حتى فالخياااااااال ..
بالنسبة لك الابتعاد عن الشواطئ قدر الاماكن ..
وهذا موضوع سهل لاحسان ..
مواقفنا سيئة جدا مع الفنادق
يااختي تفآآآآلي بالخير .. إندونيسيا بلد اسهل مما تتخيلي او يتخيل زوجك ..
فنادقهم اكثر مما تتوقعي او تتخيلي ..
ولو تبي شوري فكروا في جاكرتا بالشقق ..
احسن لكم من كل النواحي ..
مثلاً .. شقق سكوت ممتازه جداً..
او شقق الاستون راسيونا سعيد ..
او شقق الاستون مارينا .. (قريبه من شاطئ ومنطقة انشول الترفيهيه)
انا سكنت بشقق الاستون .. ب 850 الف باليوم من مكتب كاها اللي
بمطعم الجزيرة بجاكرتا شارع رادان صالح ..
وعندك ايضا شقق كازا بلانكا ..
ميزة الشقق .. كبيرة المساحه .. مثل السوايتات ..
الفنادق كويسه ولكن اغلى واصغر ..
وهذا رايي الشخصي فيها ..
بس انا مررره ارتحت في الاستون ..
مسبح ملاعب نادي صحي كل شي ..
وسعره باليوم مايتجاوز 350 ريال تقريباً ..
يمكن أيام جاكرتا الأخيرة نحجزها من كاها هناك لوصلنا إن شاء الله
أيش كمان .. أنا من المدينة تعرف مكتب هنا يحجزنا تذكرة بالي على طيران ليون
والله مااعتقد .. فرعهم بجده وهدا اللي اعرفه ..
وأبغى أسألك كمان .... بالنسبة لسكن saranam eco- resort
هذا المكان عاجب زوجي بس مسبب لي أزمه .. محسوبتك يجيها انفصام من الحشرات
والله مااعرفه ..
شوفي هاذي اشهر الفنادق المعروفه لدينا ومجربه من بعض الاعضاء الاعزاء ..
فندق جران موليا جدا ممتاز ..
فندق اكماني .. ممتاز وموقعه جدا رااائع ..
فندق اريدوتا سمنقي ..
وانسي موضوع الحشرات فيها نهائياً ..
إذا تقدر تساعدني بسكن فبالي سعره معقول و ومايسبب انفصام أكون من الشاكرين
شرحت لك هذا سابقاً ..
يااختي مو ضروري الشقه اللي سكنت انا فيها ..
انا تعبت في البدايه مع احسان وشفت كذا فندق وشقق ..
وكان اهم شي عندي ..
النظافه .. الامان .. سفتي بوكس (عشان اغراضي الهامه والفلوس والجواز) ..
مسبح نظيف .. الموقع .. وكلها حصلتها في شقتي اللي ذكرتها لك سابقا وهذا اسمها حسب اللوحه حقها .. Sara hotel & residence وهذا رقمهم 0062361738999
السكن اللي تكلمت عنه مقطعه عاليوتيوب ما اشتغل
يقول الفيديو المطلوب غير متوفر
وياريت تعطيني رقم احسان .. بس كيف لغته العربيه ؟؟
وألف ألف شكرا اخوي
تمت الاجابه ع كل اسئلتك تقريباً ..
إن شاء الله اجبتك اجابه كافيه وشافيه ..
تحياتي لك ورحله سعيده وموفقه في ربوع عمتنا الغاليه ..
اخوك .. عاشق الشلالات ..
المفضلات