الموضوع: فنادق ديزني لاند

السلام عليكم ورحمة الله وبركاته



تم الحمدلله حجز تذاكر لتاريخ 3/8/2015 الى 16/8/2015 الوصول باريس والعوده من زيورخ


سنقضي 3/8 الى 7/8/2015 في دزني لاند ومن دزني ننتقل بالباص الى معالم باريس


ولكن للان لم نجد اي سكن او فندق مناسب للسكن فيه ، بالبداية كنا مقررين في فيلا الماريوت
ولكن للاسف لم نجد الفيلا بو 3 غرف نوم ، حصلنا فقط فيلا بغرفتين نوم
فهل ممكن نحن ال 8 اشخاص ندخل الفيلا؟ للعلم بالموقع كاتبين فقط تتسع ل 6 اشخاص
ولكن نحن بشكل عام يوم نحجز للفنادق كل 3 اشخاص ينامون على سرير الكنغ فامورنا طيبه من ناحية الراحة الحمدلله
ولكن ابغي اعرف سياسة الفندق تسمع بدخول 8 اشخاص بفيلا ل 6 اشخاص؟


واذا لا
- ممكن تنصحوني بافضل الفنادق او الفلل او الشقق القريبه من ديزني لاند
غير فندق دزني لاند و نيويورك هوتيل


- هل توجد مطاعم متنوعه في ماني لو انغر "منطقه دزني لاند" ؟
- افضل الفنادق التي ممكن زيارتها في باريس وتكون اسعارها مقبوله




وشكرا

مواضيع عشوائيه ممكن تكون تعجبك اخترناها لك:

• توهقت
• الطريق من باريس الى كان
• أرجوكم اتمنى المساعدة منكم و خالص الشكر لمجهوداتكم الجبارة
• اخواني انا في باريس وزوجتي تعبانه ارجووووووو المساعده في اقرب وقت
• رايكم في فندق
• رحله الى باريس
• تكفون ياربع إرجاع السيارة في باريس
• بين اللاديفانس و الشانز
• نصائحكم لشهر عسل باريسي و التخطيط المبدئي
• استفسار عن طرق الوصول لباريس من المانيا
• استفسار بخصوص الفيزا الفرنسيه
• طلب مساعدة في البرنامج
• احتااااج لمساعدتكم في ترتيب اجازتي وفقكم الله
• استفسارات لا ذوي الخبره واصحاب التجارب
• استفسارات مهمه عن الاوقات في باريس
• استفسار اود الاجابه عليه من شموخ وذوي الخبر
• ابي شقه بسعر مناسب
• أهم أسواق فرنساااااا
• رحلتي قربت ولدي إستفسار عائلي عاجل جدا
• ارجو مساعدة منكم ياوجية الخير

المنتجع تحجز من موقعهم وتراسلهم بنطري افضل
او تشوف غير بوكينق

ليش تبي تزور فنادق في باريس

فنادق في ديزني ماجيك - دريم كاستل - فال دي يورب اليزيه الاعضاء جربوا الكثير

شوف تقرير مراقبتنا ام حسين

وعليكم السلام

يا انك تكلم الفندق تتأكد هل بيقلبونه او لا
او انك تنطر تلقى حجز لفيلا بو 3 غرف خصوصا انه باقي حوالي السنه على سفركم

المجمع قريب الاوت لت فيه مطاعم عديده و الفيلج بعد

المشاركة الأصلية كتبت بواسطة فيصل
http://www.arabtravelersforum.com/tr...8/#post8358278

المنتجع تحجز من موقعهم وتراسلهم بنطري افضل او تشوف غير بوكينقليش تبي تزور فنادق في باريس فنادق في ديزني ماجيك - دريم كاستل - فال دي يورب اليزيه الاعضاء جربوا الكثير شوف تقرير مراقبتنا ام حسين



راسلتهم وقالولي مايصير لانه ضد سياسة الفندق


وقالولي احجز فيلا واستيديو والمشكله مافي حجوزات الا للفيلا وانا كان ودي نسكن بالماريوت لانه الوحيد عنده نظام الفلل


مانبغي نسكن في باريس نحن
نبغي نستقر في دزني ومن دزني ناخذ باص لباريس وعقبها نرجع لدزني

المشاركة الأصلية كتبت بواسطة FANDA
http://www.arabtravelersforum.com/tr...1/#post8358301

وعليكم السلام

يا انك تكلم الفندق تتأكد هل بيقلبونه او لا
او انك تنطر تلقى حجز لفيلا بو 3 غرف خصوصا انه باقي حوالي السنه على سفركم

المجمع قريب الاوت لت فيه مطاعم عديده و الفيلج بعد



ماقدر انتظر لاني ابغي اقدم عالفيزا وانهي هالموضوع
لان عالسنه اليديده عندي اشغال وراح ننضغط

يا عزيزي ما اتصور انه فل

شوف اي مكتب سياحي لان هالمنتجع وفندق حياه ريجنسي بباريس يتعاملون مع مكاتب اكثر شيء

المشاركة الأصلية كتبت بواسطة فيصل
http://www.arabtravelersforum.com/tr...0/#post8358580

يا عزيزي ما اتصور انه فل

شوف اي مكتب سياحي لان هالمنتجع وفندق حياه ريجنسي بباريس يتعاملون مع مكاتب اكثر شيء




دخلت على موقعهم وعلى البوكنغ ويعطوني نفس النتايج انه ماباقي غير فيلا بو غرفتين

بس ان شاءالله راح اتواصل مع مكتب سياحي في دبي ويشوف اذا متوفرات او لا

بس سوال اذا سكنا بالسيركل مايصير نروح لدزني او للفيليج او للمول مشي بدون الباص؟

شكرا لك مديرنا

المسافه بعيده للاوتلت
ديزني والفيلج اقرب بس بعد ما يسوى المشي
في باصات مجانيه تنقل الزوار طول اليوم من والى البارك
والفنادق توفر مواصلات للاوتلت بسعر رمزي

المشاركة الأصلية كتبت بواسطة FANDA
http://www.arabtravelersforum.com/tr...1/#post8358811

المسافه بعيده للاوتلت
ديزني والفيلج اقرب بس بعد ما يسوى المشي
في باصات مجانيه تنقل الزوار طول اليوم من والى البارك
والفنادق توفر مواصلات للاوتلت بسعر رمزي




تسلمين اختي عالتوضيح

شفت انج زرتي دريم كاسل وتقييمج له جميل ، وحاليا محتارين بين دريم كاسل وماجيك سيركس و راديسون بلو و اكسبلورز
الماجيك = عيبه انه مافه واي فاي الا بالدفع مب مجانا يعني

شف المجرب افضل لك

اذا تحب قريب فال دي يورب جرب فندق فال دي يورب اليزيه فيه ميزه اذا هي متوفره ام لا يدخلك قبل الناس بساعتين لديزني

المشاركة الأصلية كتبت بواسطة توبليرون
http://www.arabtravelersforum.com/tr...8/#post8358898

اخوي الفنادق توفر لك غرف تكفي اربع اشخاص اذا كان اللي معاك اجسامهم صغيرة ممكن ينامون بالسرير
اللي فوق بعض
احنا سكنا بالماجيك سيركس
الواي فاي مجاني بالفندق


اما المطاعم ما راح تحصل بالفندق الكل الزين
المطاعم بس بالفيلج اللي عند دزني
وهي مكان لتجمع مطاعم عديدة
والا تروح للمول اللي عند الاوت لت
بس مو متنوعة وايد وزحممممة ما يسوى تروح لها بس للاكل
الفيلج احسن


بالنسبة للمشي ما تقدر تروح لانه وايد بعيد
وهناك الباصات المجانية بين الفنادق لدزني والفيلج
وهي كل عشرة دقايق يمر على الفنادق
من الصباح لحد الساعة 1 بالليل يرجع من دزني وما ياخذ احد
المهم تاخذ الباص الخاص فيك احنا كان باصنا رقم 54 وهو خاص بفندقنا اي باص عليه
هالرقم اصعد فيه


اما الاوت لت
تطلب من الريسبشن بالفندق انك تبي تزور الاوت لت وتبي تاكسي
يرسلون لك سيارة الشخص ب5 يورور
يوديك للاوت لت يوقف عند مكتب التاكسي
وتدخل يعطونك كرت للرجعة ولازم ترجع للمكتب قبل لا يسكر
لان ما راح تمشي االتاكسي عقب


احنا بالرجعة كان في مكان فاضي لاثنين ركبوهم معانا
زوج وزوجته وابنهم ابو ثلاث سنين
يعني صرنا بالسيارة 8 اشخاص


وبالنسبة لباريس
اشلون تروح بباص وترجع لدزني بنفس اليوم
اذا جذيه اخذ القطار افضل يسمونه الرير


بس الأفضل تسكن بدزني كم يوم ونروح باريس تسكن هناك باقي الرحلة
وربي يوفقكم بسفرتكم ان شاءالله




كنت انتظر ردج اختي ام حسين
وشفت تقريرج للماجيك سيركس والغرف جميله ولقينا غرفتين ل 8 اشخاص ب 8000 درهم ل 4 ليالي تقريبا والسعر ممتاز
بس المشكله شفت انه مافي واي فاي بالفندق " مكتوب في البوكنغ انه الواي فاي برسوم مب مجاني"

بالنسبه للسكن في باريس مانحب كثرة الفنادق والتنقلات بينهم
ف قررنا نسكن في فندق بدزني ونروح لباريس بتاكسي ولا سيارة ولا باص ان وجد
ونرجع لدزني بنفس اليوم الليل

لان محطتنا الثانيه راح تكون ستراسبورغ وراح ناخذ قطار دايركت من دزني لستراسبورغ


ماقصرتي الغاليه

المشاركة الأصلية كتبت بواسطة فيصل
http://www.arabtravelersforum.com/tr...6/#post8358906

شف المجرب افضل لك

اذا تحب قريب فال دي يورب جرب فندق فال دي يورب اليزيه فيه ميزه اذا هي متوفره ام لا يدخلك قبل الناس بساعتين لديزني



كيف اعرف اذا هالميزه موجوده بفنادق اخرى او لا ياخوي؟
لانهم مب ذاكرين شي في بوكنغ بالنسبه لكل فندق

دريم كاسل الي سكناه في نت مجاني بس وايد يقطع
وأساسا ما كان عندنا وقت نستخدم النت او اي شي له علاقه
طول اليوم في البارك لين العرض الختامي ما نطلع الا لما تقفل البارك نروح الفيلج تسوق وعشا نرد الفندق يدوب شور ورقاد ليوم ثاني

والله يا عزيزي ما عندي خبر عن الخدمه

لكن سمعتها من احد الاعضاء

حتي مره بحثت في موقع ديزني ولا لقيت شيء للموضوع هذا

الخدمه تقدم للمقيمين في فنادق ديزني الرسميين فقط والي هم :
Disney hotel , New York , Newport Bay , Sequoia , Cheenne, Santa Fe , Davy Crockett الفنادق الباقيه تعتبر partner hotels بعضهم كانو يقدمون هالخدمه بس اعتقد حاليا متوقفه

وترى الساعتين الي تدخلها قبل ما تكون كل الالعاب شغاله في كم لعبه هم الي يفتحونهم

المشاركة الأصلية كتبت بواسطة فيصل
http://www.arabtravelersforum.com/tr...3/#post8359313

والله يا عزيزي ما عندي خبر عن الخدمه

لكن سمعتها من احد الاعضاء

حتي مره بحثت في موقع ديزني ولا لقيت شيء للموضوع هذا










المشاركة الأصلية كتبت بواسطة FANDA
http://www.arabtravelersforum.com/tr...0/#post8359340

الخدمه تقدم للمقيمين في فنادق ديزني الرسميين فقط والي هم :
Disney hotel , New York , Newport Bay , Sequoia , Cheenne, Santa Fe , Davy Crockett الفنادق الباقيه تعتبر partner hotels بعضهم كانو يقدمون هالخدمه بس اعتقد حاليا متوقفه

وترى الساعتين الي تدخلها قبل ما تكون كل الالعاب شغاله في كم لعبه هم الي يفتحونهم




جزاكم الله خير عالمساعده وماقصرتم ابدا
حاليا محتارين بين دريم كاسل و ماجيك سيركس و Relais Spa ، الفندق الاخير فيه مطبخ متكامل ف اعتقد راح نلجأ له

شكرا لكم


بس سوال اخير اذا عندكم علم بشركات تاجير السيارات في محطة ستراسبورغ الفرنسيه ، متى تغلق باي الايام؟
لاني راح اطلع من دزني الى ستراسبورغ الجمعه وسمعت ان بعض الشركات تكون مغلقه هاليوم ويوم السبت؟

فيه قريب المحطه تفتح اختر اب شركه ويظهر ايام عملها

بالنسبة للانترنت الواي فاي بماجيك سيركس
سألت بنتي اذا كان مجاني
قالت مجاني واذا تبي بسرعة اكبر يكون بسعر ثاني
واحنا الحمدلله ما عانينا من السرعه بالعكس كان يتصفح عادي
والاختيار لكم طبعا وحلوو يكون مطبخ
وبالنسبه للعودة من باريس بالليل
الطريج مظلم وعلى اضاءة السيارات القليله جداا
ربي يسعدكم ويسهل اموركم

المشاركة الأصلية كتبت بواسطة فيصل
http://www.arabtravelersforum.com/tr...2/#post8359482

فيه قريب المحطه تفتح اختر اب شركه ويظهر ايام عملها



راح اجيك عليهم ان شاءالله
شكرا لك اخوي فيصل

المشاركة الأصلية كتبت بواسطة توبليرون
http://www.arabtravelersforum.com/tr...7/#post8359507

بالنسبة للانترنت الواي فاي بماجيك سيركس
سألت بنتي اذا كان مجاني
قالت مجاني واذا تبي بسرعة اكبر يكون بسعر ثاني
واحنا الحمدلله ما عانينا من السرعه بالعكس كان يتصفح عادي
والاختيار لكم طبعا وحلوو يكون مطبخ
وبالنسبه للعودة من باريس بالليل
الطريج مظلم وعلى اضاءة السيارات القليله جداا
ربي يسعدكم ويسهل اموركم



غريب امرهم ، لانهم كاتبين في بوكنغ لاضافات الفندق بان الواي فاي عندهم بسعر محدد لليلة
نشوف الفنادق ورأي الوالده وباذن الله نحجز ونخلص

بالنسبه للعوده من باريس ، نحن راح نرجع بباص او بالقطار مش سياره خاصه فينا لان الايجار بباريس غالي جدا
ف راح نقضي 5 ايام بدزني بدون سياره
اما في ستراسبورع وبحيرة تيتسي لمدة 9 ايام باذن الله تكون لنا سياره لان التنقل بين الريف جميل في اوروبا

شكرا الغاليه ام حسين