مبروك يا عريس مقدما عسى الله يوفقك وييسر امرك ..
شوف انا عريس السنه اللي فاتت وكنت متحمس واول مره اطلع اوروبا ،، اذا تبيني انصحك بشي عشان ما تتوهق فيه مثلي
( تراك عريس ) يعني مخططك اللي فوق فيه كمية مخيفه من التشيك ان والتشيك اوت بالفنادق ،، يعني معليش المخطط اللي فوق فيه تعب شديد جدا عليك خصوصا انكم توكم معاريس ،، اذا انت تبي النمسا وسويسرا .. اشطب ايطاليا من الرحله نهاىيا .. و دامها 20 يوم .. وانا للامانه اشوفها كثيره بس مايخالف ..
انزل بميونخ وخذ سيارتك من المطار و على فيينا ( 3 ) ليالي المشوار 3 ساعات ونص ولا راح تحس فيها .. وبعدها اطلع زيلامسي .. اذا الله وفقك بفندق جميل و اطلاله جميله وموقع جميل خذ فيها (5) ليالي .. وبعدها اطلع لانترلاكن .. المشوار يمكن 4 ساعات ونص او 5 ساعات .. اذا افطرت باليوم الاخير بزيلامسي .. دق سلف و على انترلاكن .. والاماكن السياحي اللي على طريقك مر عليها .. مثل قرية هايدي .. واذا ممشاك زين يمديك تمر شلالات الراين بزيورخ < هذا اللي سويته السنه الماضيه .. اذا وصلت انترلاكن .. وبرضو اذا الله وفقك بفندق جميل واطلاله وموقع .. خذ فيها (5) ليالي .. اذا افطرت باليوم الاخير بانترلاكن .. اطلع لبادن بادن 2 ليالي .. يوم الوصول خله استكشاف و اكل وشرب و تمشي .. واليوم الثاني الصباح اطلع لليوروب بارك ( اكبر ملاهي في اوروبا ) من الساعه 8 ص الى 6 العصر و حرك للفندق وارتاح استعدادا للسفر الى ميونخ .. اجلس بميونخ 3 ليالي تمشيه وساحات وكوفيهات ومطاعم وتسوق اذا تبون .. وبكذا رحلتك تكون عباره عن (18 ) يوم
سلم سيارتك بالمطار و ارجع لديرتك سالم و غانم باذن الله
انا هالمخطط تراه قريب من مخططي السنه الماضيه بس عدلت عليه بالاشياء اللي كانت ناقصتني وتمنيت اني سويتها ..
ولعل الاخوان اللي هنا يعطونك خطط و برامج افضل من اللي عطيتك
تقبل تحياتي
رد مع اقتباس
المفضلات