السلام عليكم ورحمه الله وبركاته

قبل اسبوعين تقريبا كنا في ماليزيا الحمد الله كانت اول سفره وكانت حلوه واستفدنا كثير وكنا فاهمين كل شي الحمد الله

المهم اليوم الاول سكنا في سيلانجور (ودي اقول اسم الفندق بس اخاف اظلمهم )
سكنا لمده ليله فقط على اساس بعدها بنروح لنكاوي
المهم صحينا الصباح بدري وافطرنا في الفندق وجلسنا نتمشى في االشارع نستنى الصن وي لاقون تفتح لان رحلتنا كانت 6 فقلنا نستفيد من الوقت المهم وحنا نتمشى شفنا تكسي يقول جوله شلالات وينابيع واماكن ثانيه
(ماكنا حاطينها في بالنا ) فقلنا نروح الجوله بدال مايضيع الوقت نستنى الصن وي لاقون تفتح (والحمد الله اننا مانتظرناها لانها ما اعجبتنا ابدا )
المهم قلنا بنسوي تشك اوت من الفندق اول اخاف نرجع متاخرين من الجوله ويحسبون علينا زياده واحنا مو مستفيدين
واحنا نرتب الاغراضاحترنا في (الجوازات -الحجوزات- التذاكر - المبالغ الماليه كنا صارفين 5000)انا مشكلتي ماعندي ثقه باي احد حتى هنا في السعوديه زوجي يقول ناخذهم عادي وانا اقول هالتكسي لو يودينا اي مكان مادرينا ولااحد درى عنا (بحكم انه اول تكسي نركب معه )
المهم خلينا صور من الحجوزات والتذاكر في الشنطه الكبيره واخذنا كل شي معنا
اما الفلوس وش تتوقعون سوينا فيها!!!!












حطيتها داخل ترمس القهوه (الحاجه ام الاختراع )
وحطيناها في الشنطه وقلنا بنخلي الشنط عندكم (في الفندق )
طلعنا الساعه عشر ورحنا للينابيع الساخنه والشلالات ومرينا على المعبد ومرينا محل الي فهمته انه يبيع اشياء مصنوعه من مواد مستخرجه من الينابيع الساخنه وتفيد الجسم

المهم رجعنا بعدها رحنا للصن وي لاقون ساعتين بعدين طلعنا وكنا متفقين مع السواق يجينا بعد ساعتين يودينا المطار
المهم اخذنا الشناط من الفندق ورحنا عادي
المهم انا افكر بالفلوس الي في الترمس اخاف يفتشونها المطار ويسوون لنا سالفه
قلت لزوجي ركب الشنطه جنبي علشان اطلع الفلوس وانت اركب جنب السواق
المهم فتحت الشنطه وحسيتها مرتبه نفس الترتيب عادي وطلعت الترمس وطلعت الفلوس ورجعت الشنطه وسكرتها عادي


المهم شحنا الشنطه وعادي رحنا للنكاوي وكل شي عادي المهم في المطار واحنا بناخذ الشنطه
قلت بافتحها اتاكد وافتحها شفت شنطه كاميرا الفديو فوق قلت وش جابها هنا واسكر الشنطه وعادي

رحنا الفندق وجلسنا فتره وكنت ابي اشحن كاميرا كانت معي في شنطتي كاميرا صغيره وكنت حاطه الشاحن داخل شنطه الفديو
وافتح الشنطه ابي الشاحن وادور كميرا الفديو وينها ماحصلتها وادور ادور ماحصلت شي الشواحن وكل شي موجود بس كاميرا الفديو ماحصلتها ( طبعا لما حطينها في الشنطه ماكانت على بالنا ولاكانت ظمن االاشياء الي في بالنا ابدا )


في الاخير كان عندنا احتمالين انها يامسروقه من الفندق او من المطار الله اعلم
مع اني ارجح بشكل كبير من المطار (لاني كاني ماكنت غلطانه واحنا بناخذها حصلناها مفتوحه شوي )
بس الي عجزت استوعبه هل الشناط ممكن تنسرق بعد الشحن صراحه كارثه اذا المطار ما لهم امااان
المهم كان ودي نشكي حتى مارجعت لنا بس على الاقل يكون عندهم علم بالي صاير (بس للاسف ماشكينا )

بس في عودتنا من مطار لنكاوي لكوالا
لاحظتهم يلصقون مكان السحابات يعني لو انفتحت يبين انها مفتوحه

ونصيحه حاولو تقفلون الشنط بقفل صغير احسن وامن


اعذروني حسيت اني قلت قصه حياتي بس كنت ابيكم تشوفون السالفه من الاول
ومن تتوقعون سرقها الفندق والا المطار ؟؟

مواضيع عشوائيه ممكن تكون تعجبك اخترناها لك: